မြန်မာ့လက်ရွေးစင်ဘောလုံးအသင်းများတွင် ကစားသမားရွေးချယ်ရာ၌ တစ်ဦးချင်းစွမ်းဆောင်ရည် ကောင်းမွန်သောကစားသမားထက် အသင်းလိုက်ကစားတတ်သူများကို အလိုရှိကြောင်း မြန်မာနိုင်ငံ ဘောလုံးအဖွဲ့ ချုပ်ဥက္ကဋ္ဌ ဦးဇော်ဇော်က ပြောလိုက်သည်။ြ မန်မာနိုင်ငံဘောလုံးအဖွဲ့ချုပ်အစည်းအဝေးခန်းမတွင် ဇွန်လ(၁၀)ရက်က မီဒီယာများ၏မေးမြန်းမှုကို အထက်ပါအတိုင်းပြန်လည်ဖြေကြားလိုက်ခြင်းဖြစ်သည်။
“ကျွန်တော်တို့က ဘောလုံးအသင်းတစ်သင်းကတစ်ယောက်တည်း က စားလို့ရတဲ့နေရာမဟုတ်ပါဘူး၊ တစ်ယောက်တည်းနဲ့လည်း အသင်းကကောင်းတာမဟုတ်ဘူး။ အဲဒီတော့ ကျွန်တော်တို့က တစ်ဦးချင်းကောင်းတဲ့ကစားသမားထက် အသင်းလိုက် စုစုစည်းစည်းနဲ့ကစားတတ်တဲ့၊ နောက်ပြီး နည်းပြဆရာရဲ့ နည်းစနစ်အတိုင်းလိုက်လုပ်နို်င်တဲ့ကစားသမားကိုပဲ ကျွန်တော်တို့အသင်းတွေအတွက် အလိုရှိပါတော့တယ်” ဟု မြန်မာနိုင်ငံဘောလုံးအဖွဲ့ချုပ်ဥက္ကဋ္ဌ ဦးဇော်ဇော်က ပြောသည်။
လက်ရှိကစားသမားများ၏ ပြိုင်ပွဲအတွင်းယှဉ်ပြိုင်နိုင်မှုစွမ်းရည်မှာ ကျဆင်းနေသည်ဟုပရိတ်သတ်များ၏ ဝေဖန်မှုများ ရှိနေသည်။
“ကျွန်တော်တို့ကတော့ တစ်ဦးချင်းစွမ်းရည်လည်းကောင်းအောင်လုပ်မယ်၊ ပြိုင်ပွဲမှာ နည်းပြဆရာ ပြောတဲ့အတိုင်း အသင်းလိုက်စုစည်းကစားမယ်၊ အခုလည်းအကောင်းဆုံးလေ့ကျင့်နေတာပါ”ဟု မြန်မာယူ ၁၈အသင်းမှ ကွင်းလယ်ကစားသမားနေလင်းထက်က ပြောသည်။
မြန်မာလက်ရွေးစင် ဘောလုံးအသင်းများအတွက် လက်ရွေးစင်ကစားသမားများကိုရွေးချယ်ရာတွင် သက်ဆိုင်ရာ အသင်း၏ နည်းပြချုပ်မှ ပြည်တွင်းပြိုင်ပွဲများယှဉ်ပြိုင်ကစားမှုများကိုလိုက်လံကြည့်ရှုရွေးချယ်ခြင်း ဖြစ်ပြီး မြန်မာနိုင်ငံဘောလုံးအဖွဲ့ချုပ်၏နည်းစနစ်အဖွဲ့နှင့် တိုင်ပင်ရွေးချယ်ကြောင်းလည်း သိရသည်။
No comments:
Post a Comment