တွေ့ဆုံပွဲတိုင်းတွင် ပြောကြားခဲ့သောစကားများမှာ မြန်မာနိုင်ငံ၏ပြဿနာများကို ဝေဖန်ထောက်ပြခြင်း ဖြစ်ကြောင်း ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီဥက္ကဋ္ဌ ဦးသန်းဌေးက ပြောသည်။ ရန်ကုန်မြို့၊ ကျောက်တန်းမြို့နယ်တွင် ဇွန်လ ၁၇ ရက်ကကျင်းပသောလူထုတွေ့ဆုံပွဲတွင် အထက်ပါအတိ်ုင်း ပြောခြင်းဖြစ်သည်။
“ကျွန်တော်တို့ အခုပြောနေတဲ့စကားတွေ၊ တွေ့ဆုံပွဲတွေမှာပြောခဲ့တဲ့ စကားတွေဟာ ဒီနိုင်ငံရဲ့ဖြစ်ပျက်နေတဲ့ ပြဿနာတွေကို ဝေဖန်ထောက်ပြနေတာပါ။ ဒါတွေကိုအခုရောက်နေတဲ့သူတွေကနားထောင်လိုက်ကြရုံနဲ့ မပြီးကြပါနဲ့။ နားနဲ့နားထောင်လိုက်တဲ့အဆင့်ကနေ ကိုယ့်ရဲ့ရပ်ရွာကိုရောက်ရင် အများပြည်သူတွေသိအောင် ပြန်ပြောကြပါ၊ ဒီလိုလုပ်ဖို့ကအရမ်းကိုအရေးကြီးပါတယ်။ ဒါတွေကတစ်နိုင်ငံလုံး၊ လူမျိုးတစ်ခုလုံးနဲ့ သက်ဆိုင်ပါတယ်။ ကိုယ့်ကိစ္စမဟုတ်တဲ့အတိုင်းလက်ပိုက်ကြည်မနေကြပါနဲ့” ဟု ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီဥက္ကဋ္ဌ ဦးသန်းဌေးက ပြောသည်။
ယနေ့လူထုတွေ့ဆုံပွဲတွင် ပြည်ထောင်စုလွှတ်တော်မှ ပြဋ္ဌာန်းလိုက်သည့် ကလေးသူငယ်အခွင့်အရေး စောင့်ရှောက်ရေးဥပဒေကို ပြင်ဆင်ပေးရေးအတွက် သဘောထားထုတ်ပြန်ချက်ကိုပါ ရှင်းလင်းခဲ့ကြသေးသည်။
ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီသည် ပြီးခဲ့သည့် ၂၀၁၀ ခုနှစ်၊ ရွေးကောက်ပွဲတွင် အနိုင်ရရှိပြီး ၂၀၁၅ ခုနှစ်အထွေထွေရွေးကောက်ပွဲတွင် ရှုံးနိမ့်ခဲ့ခြင်းဖြစ်သည်။
No comments:
Post a Comment