သမိုင်းနှင့်ပထ၀ီကိုနက်နက်ရှိုင်းရှိုင်းခြေခြေမြစ်မြစ်မသိသူများနိုင်ငံရေးနယ်ပယ်သို့ရောက်လာမည်ဆိုပါလျှင် စိုးရိမ်ပူပန်ရသည့်အနေအထားရှိကြောင်းတွံ့တေးမဲဆန္ဒနယ်မှဦးမြင့်လွင်ကယနေ့ကျင်းပသောပြည်သူ့လွှတ်တော်တွင်ဆွေးနွေးခဲ့သည်။
ဦးမြင့်လွင်က”ကျွန်တော်တို့မြန်မာစကားမှာဆိုရိုးစကားတစ်ခုရှိပါတယ်။ ရေဘူးနဲ့ဖိနပ်မပါနွေခါမှသိမယ်။ ဒါနနဲ့သီလမပါသေခါမှသိမယ်ဆိုတာ ကျွန်တော်ကတော့ဒီမှာဆွေးနွေးရင်းနဲ့ သမိုင်းနဲ့ပထ၀ီကို နက်နက်ရှိုင်းရှိုင်းခြေခြေမြစ်မြစ်မသိတဲ့သူတွေကျွန်တော်တို့နိုင်ငံရေးထဲရောက်လာရင် အကြောင်းအားလျော်စွာ နိုင်ငံ့ခေါင်းဆောင်တွေဖြစ်လာရင် ဒါဟာ ကျွန်တော်တို့တိုင်းပြည်အတွက် အင်မတန်ကိုစိုးရိမ်ပူပန်ရတဲ့အနေအထားရှိပါတယ်”ဟုပြောဆိုခဲ့ခြင်းဖြစ်သည်။
ဆိပ်ဖြူမဲဆန္ဒနယ်မှဦးအောင်သိုက်တင်သွင်းသောမြန်မာနိုင်ငံမှာသမိုင်းသဘာနှင့်ပထ၀ီဘာသာအကြောင်းတတ်သိကျွမ်းကျင်သောပညာရှင်များကမ္ဘာ့အလယ်မှာပေါ်ထွန်းလာစေရန်သမိုင်းဘာသာနှင့်ပထ၀ီဝင်ဘာသာကိုအခြေခံပညာအလယ်တန်းအဆင့်တွင်ယခုထက်ပိုမိုသင်ကြားနိုင်ရေးအတွက်ပြည်ထောင်စုအစိုးရအားတိုက်တွန်းကြောင်းအဆိုကိုဆွေးနွေးရာတွင်ယင်းကဲ့သို့ထည့်သွင်းဆွေးနွေးခဲ့ခြင်းဖြစ်သည်။
“ကျွန်တော်ကိုယ်တွေ့အရဆိုရင်တောင်မှကျွန်တော်ဘွဲ့ရတဲ့ကျောင်းသားတွေကိုမေးမြန်းကြည့်တဲ့အခါသူတို့မြန်မာနိုင်ငံသမိုင်းနဲ့ပတ်သတ်ပြီးတော့လည်းမြန်မာနိုင်ငံမှာခေတ်ဘယ်နှစ်ခေတ်ရှိတယ်။မြန်မာနဲ့အင်္ဂလိပ်စစ်ပွဲဘယ်နှစ်ပွဲဖြစ်တယ်။ ကမ္ဘာမှာလဲစစ်ပွဲဘယ်နှစ်ပွဲဖြစ်လဲ။ကမ္ဘာမှာထင်ရှားတဲ့ဖက်ဆစ်ခေါင်းဆောင်၊နာဇီခေါင်းဆောင်ဟာဘယ်သူဖြစ်တယ်။မြန်မာသမိုင်းမှာလဲကျန်စစ်သားကဘယ်ခေတ်၊အလောင်းစည်သူကဘယ်ခေတ်၊အနောက်ဖက်လွန်ကဘယ်ခေတ်အဲ့တာတွေတောင်မသိတော့တဲ့အချိန်ဒါဘွဲ့ရတဲ့ကျောင်းသားတွေပါ။ဒါကျွန်တော်ကိုယ်တွေ့ပါပဲ”ဟု၎င်းကပြောသည်။
ထို့ပြင်မြန်မာနိုင်ငံ၏သမိုင်းကြောင်း၊ပထ၀ီနှင့်ကမ္ဘာကြီး၏သမိုင်းကြောင်း၊ပထ၀ီများကိုနားလည်မှသာနိုင်ငံ၏အနာဂတ်ကိုပုံဖော်နိုင်မည်ဖြစ်ပြီးကျောင်းသားများကိုငယ်ရွယ်စဉ်မှစကာသမိုင်းနှင့်ပထ၀ီများကိုအလေးထားသူများဖြစ်လာစေရန်ဆရာ၊ဆရာမများ၏သင်ကြားမှုပုံစံများလည်းပြောင်းရန်လိုကြောင်း၎င်းကဆိုသည်။
ထို့ကြောင့်သမိုင်းနှင့်ပထ၀ီကိုအလယ်တန်းတွင်သာမကအထက်တန်းနှင့်တက္ကသိုလ်ဝင်တန်းအထိမသင်မနေရဘာသာရပ်အဖြစ်သင်ကြားပေးရန်လိုကြောင်းလည်းအကြံပြုခဲ့သည်။
တက္ကသိုလ်များတွင်လည်းသမိုင်းနှင့်ပထ၀ီသင်ကြားသောပုံစံကိုပြောင်းလဲပြီးသေချာစွာနက်နက်ရှိုင်းရှိုင်းသိအောင်သင်ပေးမှသာနိုင်ငံ၏အနာဂတ်မှာစိုးရိမ်ပူပန်မှုကင်းဝေးနိုင်မည်ဖြစ်ကြောင်းသူကတင်ပြဆွေးနွေးခဲ့သည်။
No comments:
Post a Comment