ပဲခူးတိုင်းဒေသကြီးအစိုးရအဖွဲ့ဝင် သစ်တောနှင့်သယံဇာတ ဝန်ကြီး ဒေါက်တာစောညိုဝင်းအား အဂတိလိုက်စားမှုတိုက်ဖျက်ရေးအပါအဝင် ဌာန၅ခုသို့ အခွင့်အာဏာအသုံးချကာ နိုင်ငံတော်၏မူဝါဒလမ်းစဉ်နှင့်မညီညွတ်ပဲ အဂတိတရားဖြင့် ပြည့်သူဘဏ္ဍာကိုတလွဲသုံး စီမံခန့်ခွဲဆောင်ရွက်သည်ဟုဆိုကာအရေးယူမှုပြုလုပ်ပေးပါရန် ဒီကနေ့မေလ ၂၈ရက်နေ့ ရက်စွဲဖြင့် သနပ်ပင်မြို့နယ် အောက်တကဲကျေးရွာမှ ဦးဇော်ဝင်းလှိုင်နှင့် ဦးဝင်းအောင်တို့ကတိုင်ကြားထားသည်ဟုသိရသည်။
"ဦးစောညိုဝင်းက ကျွန်တော်တို့ဒေသတွေကိုကွင်းမဆင်းဘူး ၃နှစ်မှ သူက ၁ခါပဲဆင်းတယ် ၁ခါပဲဆင်းခဲ့ပြီးတော့ အမှန်တကယ်လိုအပ်တဲ့လမ်းတံတားတွေကိုသူကလိုက်မလုပ်ပေးပဲနဲ့ သူ့ရဲ့parsonalပေါ့ သူ့ရဲ့ဆန္ဒအရ သူ့ရဲ့ခေါင်းစဉ်ကဘာကိုပေးထားလဲဆိုတော့ သဘာဝဘေးအန္တရာယ်ကြောင့် ပျက်စီးဆုံးရှုံးသွားသောတံတားများအတွက် သစ်လိုအပ်ချက်စာရင်းဆိုပြီးသူက ဆောက်လုပ်ရေးဝန်ကြီးဌာနရယ်ကျေးလက်ရယ်ကို တွက်ချက်ခိုင်းပြီးတော့ သူ့သဘောနဲ့သူပေးလိုက်တာ အမှန်မှန်တော့ အဲ့နေရာဒေသ၄ခုရဲ့တံတားတွေက တံတားတွေလဲတစ်ချို့နေရာတွေမရှိဘူး တချို့နေရာဆိုတာလဲလူသွားလမ်းလေးပဲ အမှန်သဘာဝဘေးအန္တရာယ်ကြောင့်ပျက်စီးဆုံးရှုံးသွားတဲ့တံတားတွေမဟုတ်ဘူး သူ့ဆန္ဒနဲ့သူကပေးတာ အဲ့ဒီနေရာတွေကကျွန်တော်တို့နဲ့နီးနီးလေး ရွာချင်းဆက်တွေရှိတယ် တစ်ရွာခြားတွေရှိတယ် နှစ်ရွာခြားတွေရှိတယ် ကျွန်တော်သိတဲ့ရွာတွေချည်းပဲ ကျေးရွာအုပ်ချုပ်ရေးမှူးလဲမသိဘူး ကျေးရွာအုပ်ချုပ်ရေးမှူးလဲတင်ထားတာမရှိဘူး ကျေးရွာတံတားကော်မတီတွေကတင်ထားတာလဲမရှိဘူး မြို့နယ်အုပ်ချုပ်ရေးမှူးဆီမှာလဲမရှိဘူး လွှတ်တော်ကိုယ်စားလှယ်တွေဆီမှာလဲမရှိဘူး သူဟာနဲ့သူ သူ့သဘောနဲ့သူတွက်ချက်ပြီးတော့သူက ဝန်ကြီးပါဝါနဲ့ သုံးပြီးတော့ သူ့နယ်မြေ သူ့တပည့်တွေကို ပေးတဲ့ပုံစံနဲ့ပေးလိုက်တာ"ဟု ဦးဇော်ဝင်းလှိုင်ကပြောသည်။
ဆက်လက်ပြီး၎င်းက"ဦးအောင်ထွန်းသစ်သားတံတား အဲ့တစ်ခုပဲပျက်ဆီးဆုံးရှုံးသွားတာပဲရှိတယ် ကျန်တာတွေမရှိဘူး တိုင်ကြားတာအကုန်လုံး အဲ့ဆီဟာတွေက အမှန်တွေချည်းပဲ တံတား၅စင်းစာတင်တယ် ၄စင်းကအမှား အဲ့ဒီမှာ သူ့သစ်တန်နဲ့သူ့ခွဲသားတွေနဲ့ပေးထားတာ အဲ့ဒီမှာစာရင်ချုပ်ရှိတယ် အဲ့ဒီစာရင်းချုပ်ကို မီဒီယာရှင်းလင်းပွဲကြရင်တစ်ခုခြင်းချပြမယ်၊ဒါပြည်သူ့ကျေးရွာလေ ပြည်သူကသူ့ကိုတင်ထားတာ သူ့မှာဝန်ကြီးဆိုပေမယ့် သူ့မှာအာဏာမရှိဘူး ဒါကျွန်တော်တို့ရဲ့ဘဏ္ဍာ သစ်ဆိုတာကျွန်တော်တို့ရဲ့ဘဏ္ဍာ ငွေဆိုတာလဲကျွန်တော်တို့ရဲ့ဘဏ္ဍာ သူ့မှာသုံးပိုင်ခွင့်မရှိဘူး ကျွန်တော်တို့ပြည်သူပိုင်တယ် ပြည်သူပိုင်တဲ့ငွေကို အမှန်တယ်လိုအပ်တဲ့နေရာ ကွက်လပ်ဖြည့်ပါ တကယ်လိုအပ်တဲ့နေရာကိုတကယ်ပေးရမှာ၊ကျွန်တော်တို့မှာအထောက်အထားရှိပြီးသား လေတိုက်လို့လဲပျက်တာမဟုတ်ဘူး ရေကြီးလို့လဲ ပျက်တာမရှိဘူး ခုချပေးတဲ့ခေါင်းစဉ်ကိုသူက ဘာနဲ့ထိုးထည့်လိုက်လဲဆိုတော့ သဘာဝဘေးအန္တရာယ်ကြောင့်ပျက်စီးဆုံးရှုံးသွားသောတံတားများအတွက် ပစ္စည်းလိုအပ်ချက်စာရင်းဆိုပြီး သူကချပေးလိုက်တယ်ဆောက်လုပ်ရေးနဲ့ကျေးလက်ကိုသူ့ပါဝါနဲ့ သူကထိုးထည့်ပြီးတော့လုပ်ခိုင်းတာ မြေပြင်ကိုဆင်းစစ်မေး အုပ်ချုပ်ရေးမှူးတွေကိုတင်ထားလား အဲ့တံတားတွေကို၊မြို့နယ်အုပ်ချုပ်ရေးမှူးတွေကိုတင်ထားလား၊လွှတ်တော်ကိုယ်စားလှယ်တွေကိုတင်ထားတာလား တံတားကော်မတီတွေကိုတင်ထားတာလား ဘာမှတင်ထားတာမရှိဘူး ကျွန်တော်အကုန်စုံစမ်းပြီးပြီ ခင်ဗျားတို့ရှိသလားကျုပ်တိုင်တော့မှာ ခင်ဗျားတို့မှန်တာကိုပြော အဲ့တော့ဘသူတို့မှာမရှိဘူး မရှိရင်ကျုပ်တိုင်ပြီ"ဟု ပြောသည်။
တိုင်ကြားထားခြင်းနှင့်ပတ်သက်ပြီးဒေါက်တာစောညိုဝင်း သို့ ဖုန်း ဆက်သွယ်မေးမြန်းသော်လည်းပြန်လဲဖြေဆိုခြင်းမရှိပါ။
No comments:
Post a Comment