မြန်မာ-ထိုင်းနယ်စပ်၊ ရှမ်းပြည်နယ်အရှေ့ပိုင်း၊ တာချီလိတ်မြို့တွင် ဓါးခုတ်မှုဖြင့် ရဲတပ်ဖွဲ့ကအလိုရှိနေသူ တိမ်းရှောင်နေသည့်နေရာအား ၂၀၁၉ ခုနှစ်၊ ဇွန်လ (၂၁)ရက်နေ့တွင် ဝင်ရောက်ဖမ်းဆီးရာမှ ရဲတပ်ဖွဲ့ကအလိုရှိနေသူအပြင် နောက်ထပ်လူငယ် (၄)ဦးကို စိတ်ကြွရူးသွပ်ဆေးပြား (၅၁၀)ပြားနှင့်အတူ ဖမ်းဆီးရမိကြောင်း သိရသည်။"စခန်းက (ပ) နံပတ်တစ်ခုနဲ့အလိုရှိတဲ့တရားခံ ၀င်ရှာတာပါ။ ၀င်ရှာတော့ နောက်ထပ်လူ (၄) ယောက်နဲ့ မူးယစ်ဆေးပြားတွေတွေ့တာပေါ့။ (ပ)၁၈၈/၂၀၁၉ နဲ့အလိုရှိနေတဲ့သူပေါ့"ဟု တာချီလိတ်မြို့မရဲစခန်းမှ နယ်ထိန်းခေါင်းဆောင်ရဲအရာခံကျော်ဇေယျက တာချီလိတ်သတင်းအေဂျင်စီသို့ ပြောသည်။
တာချီလိတ်တွင် ၂၀၁၉ ခုနှစ်၊ ဧပြီလ (၃) ရက်နေ့ ညပိုင်းတွင် ဓားခုတ်မှုဖြစ်ပွားပြီး လူငယ်တစ်ဦး လက်ကောက်ဝတ်ပြတ်ရှဒဏ်ရာရသွားမှုနှင့်ပတ်သက်၍့် ဓားဖြင့်ခုတ်သူ သန်းထိုက်ဦး(ခ)အငယ်ကောင်ကို ဧပြီလ (၅) ရက်နေ့တွင် တာချီလိတ်မြို့မရဲစခန်း၌ (ပ)၁၈၈/၂၀၁၉၊ ရာဇသတ်ကြီးပုဒ်မ (၃၂၄) မှ ၃၂၆ သို့ပြောင်းလဲဖွင့်လှစ်ထားခြင်းဖြစ်ကြောင်း သိရသည်။
သန်းထိုက်ဦး(ခ)အငယ်ကောင် ပုန်းအောင်းနေသည်ဟု သတင်းရရှိသည့် ဆန်ဆိုင်း(ခ) ရပ်ကွက်၊ သရဖီလမ်းရှိ (၂) ထပ်နေအိမ်အခန်းငှားအဆောင်ရှိ အခန်းအမှတ် (၂) ကိုဝင်ရောက်ရှာဖွေရာ သန်းထိုက်ဦး(ခ)အငယ်ကောင်နှင့်အတူ စိုင်းဆိုင်လိန်း၊ ထက်ဝင်း၊ ချစ်အောင်နှင့် သော်ဇင်ထွန်း (ခ) အိုက်ရွှေတို့ကို တွေ့ရှိခဲ့ရပြီး နေအိမ်ခန်း အိမ်သာခွက်အတွင်းမှ WY စာတမ်းပါ အစိမ်းဖျော့ရောင် စိတ်ကြွဆေးပြား (၂၉၀) ပြား၊ နေအိမ်အိပ်ခန်းအတွင်းမှ WY စာတမ်းပါ လိမ္မော်ရောင်စိတ်ကြွဆေးပြား (၂၁၀) ပြားနှင့် WY စာတမ်းပါ နီညိုရောင်စိတ်ကြွဆေးပြား (၁၀) ပြား၊ စုစုပေါင်း စိတ်ကြွဆေးပြား (၅၁၀) ပြားတို့ကို ဖမ်းဆီးရမိခြင်းဖြစ်ကြောင်းသိရသည်။
မူးယစ်ဆေးဝါးများနှင့်ဖမ်းဆီးရမိသည့် သန်းထိုက်ဦး(ခ)အငယ်ကောင်၊ စိုင်းဆိုင်လိန်း၊ ထက်ဝင်း၊ ချစ်အောင်နှင့် သော်ဇင်ထွန်း(ခ)အိုက်ရွှေတို့ကို တာချီလိတ်မြို့မရဲစခန်းမှ မယ(ယ)၈၅/၂၀၁၉၊မူး/စိတ်ပုဒ်မ ၁၉(က)/၂၁(က)တို့ဖြင့် အမှုဖွင့်အရေးယူထားကြောင်း သိရသည်။
No comments:
Post a Comment