ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့တွင် "ဥာဏ်အလင်း" အခမဲ့ စာအုပ်အဌားဆိုင်ကို ပထမဆုံးအကြိမ် ဖွင့်လှစ်ခဲ့ကြောင်း သတင်းရရှိသည်။ ညောင်တုန်းမြို့တွင် ယခင်က ဗေဒါစာကြည့်တိုက်၊ စုမေတ္တာပညာရေးကွန်ရက်အမည်ဖြင့် စာအုပ်များဌားရမ်းခဲ့ကြသော်လည်း ၂၀၁၄ ခုနှစ်နတွင်ရပ်နားသွားခဲ့ပြီးနောက် ယခုအခါအလှူရှင် ကိုအောင်ခင်မြင့်မှ စာဖတ်သူ တိုးပွားလာစေရန်ရည်ရွယ်၍"ဥာဏ်အလင်း"အမည်ဖြင့် အခမဲ့ စာအုပ်မျိုးစုံအငှါးဆိုင်ကို ဖွင့်လှစ်ခဲ့ခြင်း ဖြစ်သည်။
"ကျနော် အခုလိုအခမဲ့စာအုပ်ဌားတဲ့အလုပ်ကို လုပ်ချင်နေတာကြာပါပြီ။ အခုတော့ မိတ်ဆွေတချို့ အကူအညီပေးတာကြောင့်လည်း အခုလိုဖွင့်နိုင်ခဲ့တာပါ။ စာအုပ်တွေကို ဘယ်သူမဆိုလာငှားဖတ်လို့ ရပါတယ်။ စာဖတ်သူတွေ တိုးပွားလာပြီး လူငယ်တွေ အသိပညာ ဗဟုသုတတွေ တိုးပွားလာရင် ကျေနပ်ပါပြီ"ဟု အလှူရှင် ဦးအောင်ခင်မြင့်က ဧရာဝတီတိုင်းမ်ကို ပြောသည်။
"ဥာဏ်အလင်း" အခမဲ့ စာအုပ်အငှါးဆိုင်ကို ညောင်တူန်းမြို့၊ အမှတ် ၃ ရပ်ကွက်၊ ၁၂ လမ်း၊ အိမ်အမှတ် ၉ တွင် ဖွင့်လှစ်ထားသည်။ အပတ်စဉ် တနလာင်္နေ့မှ သောကြာနေ့ထိ နံနက် ၉ နာရီမှ နေ့လည် ၂ နာရီထိ ဖွင့်လှစ်ပြီး စနေ၊စနေ၊ တနင်္ဂနွေနေ့များတွင် ဆိုင်ပိတ်ကြောင်း သိရသည်။
အဆိုပါ အခမဲ့စာအုပ်အငှါးဆိုင်ဖွင့်ပွဲကို ဇွန်လ ၁၉ ရက်နေ့က ညောင်တူန်းမြို့၊ အမှတ် ၃ ရပ်ကွက်၊ ၁၂ လမ်း၊ အိမ်အမှတ် ၉ တွင်ပြုလုပ်ခဲ့ရာ ညောင်တုန်းမြို့မှ စာရေးဆရာများ၊ ကဗျာဆရားများနှင့် စာပေဝါသနာရှင်များ တက်ရောက်ခဲ့ကြသည်။
No comments:
Post a Comment