အမျိုးသားရေး ဆရာတော် ဦးဝီရသူ ဦးဆောင်လုပ်နေသည့် မန်းမဟော်သဓာ အမျိုးသားရေး ကိုယ်ပိုင်အထက်တန်းကျောင်း မှ တရားစွဲဆိုခံထားရသည့် တည်ဆောက်ရေးကော်မတီ အမှုကို ဇွန်လ ၂၄ ရက်နေ့က ရုံးထုတ်ခဲ့ပြီး တရားလိုဖြစ်သူအား စတင်စစ်ဆေးခဲ့သည် ။ အဆိုပါကျောင်း တည်ဆောက်ရေးကော်မတီ မှ ဒေါက်တာမြင့်ဦးပါ (၇) ဦး အား ၁၈၈၉ ခုနှစ် အထက်ဗမာပြည်မြေနှင့်အခွန်တော်ဥပဒေ ပုဒ်မ ၆၉ (၂) အရ ပုသိမ်ကြီးမြို့နယ်အထွေထွေအုပ်ချုပ်ရေးဦးစီးဌာန မှ ကော်လိပ်တော်အရာရှိ ဦးညွှန့်လင်း က တရားစွဲဆိုထားခြင်းဖြစ်သည် ။``ဒီနေ့က တရားလိုကို စစ်တယ် ။ သူ့ကိုစစ်တော့ ခွင့်ပြုမိန့်မရပဲနဲ့ ဆောင်ရွက်လို့ ပဟ်ဖယ်ပေးဖို့ အကြောင်းကြားတယ်။ နောက်ပိုင်းကောလိပ်တော်အရာရှိအနေနဲ့ တာဝန်ပေးလို့ သူဒီအမှုကိုဆောင်ရွက်တယ်။ ကောလိပ်တော်အရာရှိအနေနဲ့ ခန့်တဲ့ တာဝန်ပေးတဲ့ စာ သူတင်ဖို့အတွက်မှာ တချို့စာတွေက မူရင်းတွေမပါဘူး။ မိတ္တူတွေဖြစ်နေတယ်။ ဒါကို နောက်တစ်ပတ်မှာ တိုက်ဆိုင်စစ်ဆေးမယ်။´´ ဟု ရှေ့နေ ဦးကြည်ဝင်း က ပြောသည် ။
တရားစွဲဆိုခံထားရသူများသည် ကျပ်သိန်း (၃၀) တန် ကိုယ်ပိုင်ခံဝန်ဖြင့် အချုပ်လွှတ်ထုချေခွင့် လျှောက်ထားခွင့်ကို တရားရုံးက ခွင့်ပေးခဲ့ပြီး အဆိုပါအမှုနှင့်ပတ်သက်၍ ဇူလိုင် ၃ ရက်နေ့တွင် ထပ်မံချိန်းဆိုခဲ့သည် ။
မန်း မဟော်သဓာ အမျိုးသားရေး ကိုယ်ပိုင်အထက်တန်းကျောင်းဆောက်လုပ်မှုအား မန္တလေးတိုင်းဒေသကြီး အစိုးရက ခွင့်ပြုခြင်းမရှိသော်လည်း ဇန်နဝါရီလ ၂၆ ရက်နေ့က ကျောင်းဆောက်လုပ်ရန်အတွက် ပန္နက်ရိုက်သည် ။
မဟော်သဓာ အမျိုးသားရေး ကိုယ်ပိုင်အထက်တန်းကျောင်း (မန္တလေး) ကို ပုသိမ်ကြီးမြို့နယ် ကျောက်ချောကျေးရွာရှိ ၈ ဧကခန့် ကျယ်ဝန်းသည့် မြေပေါ်တွင် ဆောက်လုပ်သွားမည်ဖြစ်ပြီး လက်ရှိတွင် အုတ်တံတိုင်း ၊ မုခ်ဦး နှင့် အဝီစီတွင်းတူးခြင်း တို့ကိုသာ ဆောင်ရွက်ထားကာ မန္တလေးတိုင်းဒေသကြီး အစိုးရ အနေဖြင့် ဆောက်လုပ်ခွင့်မရခင် လုပ်ငန်းရပ်ဆိုင်းထားရန် စာထုတ်ခဲ့ခြင်းဖြစ်သည် ။
မဟော်သဓာအမျိုးသားရေးကိုယ်ပိုင်အထက်တန်းကျောင်း(ရန်ကုန်)ကို ၂၀၁၆ ခုနှစ်ကလည်းကောင်း၊ မဟော်သဓာအမျိုးသားရေးကိုယ်ပိုင်အထက်တန်းကျောင်း(တောင်ကုတ်)ကို ၂၀၁၇ ခုနှစ်ကလည်းကောင်း ဖွင့်လှစ်ခဲ့ပြီးဖြစ်သည် ။
No comments:
Post a Comment