ရက္ခိုင့်တပ်မတော်မှ ကင်းတလင်းကျေးရွာဒေသခံ ၅၄ ဦးကိုဖမ်းစီးထားခဲ့ခြင်းဖြစ်ပြီး အမျိုးသမီးတစ်ဦးမှာ AA စခန်းတွင် သေဆုံးသွားသည်ဟု ထွက်ပြေးလွတ်မြောက်လာသူများမှပြောကြောင်း မီးဇာကျေးရွာအုပ်စု၊ ကုန်ပြင်ရွာ ဥက္ကဌ ဦးယိုက်တန်းက ပြောသည်။ ဖမ်းစီးခံထားရသည့် ကင်းတလင်းကျေးရွာဒေသခံများအနက် ၂ ဦးပြန်လည်ထွက်ပြေးလွတ်မြောက်လာပြီးနောက် ယခုရက်ပိုင်းတွင် ၁၂ ပြန်လည်ထွက်ပြေးလွတ်မြောက်လာခဲ့သည်။
ပြန်လည်ထွက်ပြေးလွတ်မြောက်လာသူများမှာ မိုးသည်းထန်စွာရွာသွန်းပြီး အစောင့်များမရှိသည့်အချိန်တွင် (၁၂) ဦးထွက်ပြေး လွတ်မြောက်လာခြင်း ဖြစ်ကြောင်း မီးဇာကျေးရွာအုပ်စု၊ ကုန်ပြင်ရွာ ဥက္ကဌ ဦးယိုက်တန်းကပြောသည်။
ဦးယိုက်တန်းက “AAတွေကဖမ်းသွားတုန်းက ကင်းတလင်းရွာသားက ၅၄ ဦးဖြစ်တယ်။ ပထမဆုံး AAစခန်းကနေ ထွက်ပြေးလွှတ်မြောက်တာ ၂ ယောက်ထွက်ပြေးလွှတ်မြောက်လာတယ်။ ဒုတိယတော့ ၁၂ယောက်ပေါ့။ အားလုံး ၁၄ယောက်တော့ လွတ်မြောက်ထားပြီ။ အဘွားကြီးတစ်ယောက်တော့ အဲဒီAAစခန်းမှာဘဲဆုံးပါး သွားတယ်။ ကျန်းမာရေးအခြေနေကြောင့် သေသွားတာဖြစ်တယ်လို့သိရတယ်။ အခုလက်ရှိ AAစခန်းမှာ ကင်းတလင်းရွာသား ၃၉ဦးကျန်သေးတယ်” ဟုပြောသည်။
သူကဆက်ပြီး “သူတို့နေရပ်ပြန်ချင်တယ်လို့ AA ဗိုလ်ကြီးဆီမှာ သွားပြောတဲ့ အခါ သူတို့ကို ခြောက်ပေါက်တွေမှာ ထည့်ထားတယ်တဲ့။ အဲဒီနောက်ပိုင်း လုံးဝမဖြစ်နိုင်ဘူးဆိုပြီး သောကြာနေ့ည ဆယ်နာရီအချိန်မှာ ကင်းစောင့် တာတွေလည်းမရှိတော့ သူတို့ကလည်း စခန်းမှာ လုံးဝနေဖို့မဖြစ်နိုင်ဘူးဆိုပြီး တညလုံးထွက်ပြေးလာကြတယ်အခုကျွန်တော်တို့ဆီကိုရောက်လာတယ်”ဟုပြောသည်
ပြန်လည်လွတ်မြောက်လာသူများ၏ ပြောပြချက်အရ AA စခန်းတွင် အနှိပ်စက်ခံရခြင်းမျိုးမရှိကြောင်း၊ ရခိုင်နိုင်ငံလွတ်လပ်မှ နေရပ်များသို့အတူပြန်ရန် AA ဖက်မှပြောကြောင်း၊ ရွာသားများနေထိုင်ရန်လည်း နေရာသီးသန့်ပေးထားကြောင်း၊ သို့ပေမယ့် တောင်ယာလုပ်ငန်းများကို လုပ်ခိုင်းကြောင်း၊ တစ်ရက်လျှင် သုံးကြိမ်အစစ်ဆေးခံရမှုများကြောင်း ဦးယိုက်တန်းကပြောသည်။
ထွက်ပြေးလွတ်မြောက်လာသူ (၁၂) ဦးတါင် အမျိုးသားခြောက်ဦးနှင့် အမျိုးသမီး ခြောက်ဦးဖြစ်ပြီး ကလေးငယ်များလည်း ပါဝင်ပြီး လက်ရှိတွင် မီးဇာစစ်ဘေးရှောင်တွင်နေထိုင်လျက်ရှိသည်။
No comments:
Post a Comment