မီတာခ စတင်တက်သည့်ရက်တွင် နိုင်ငံတစ်ဝန်း လျှပ်စစ်သုံးစွဲမှု ယူနစ်ခုနစ်သန်းကျော် လျော့နည်း

လျှပ်စစ်မီတာခများ တိုးမြှင့်ခဲ့သည့် ပထမဦးဆုံးရက် ဇူလိုင် ၁ ရက် (တနင်္လာနေ့)တွင် ပြီးခဲ့သည့် သီတင်းပတ် တနင်္လာ နေ့ထက် လျှပ်စစ်ယူနစ်ပေါင်း ၇ ဒသမ ၇၇ သန်းခန့် လျော့နည်း သုံးစွဲခဲ့ကြောင်း လျှပ်စစ်နှင့် စွမ်း အင်ဝန်ကြီးဌာနက ထုတ်ပြန်သော စာရင်းများ၌ ဖော်ပြသည်။ တနင်္လာနေ့သည် လျှပ်စစ် ဓာတ်အားသုံးစွဲမှု မြင့်မားလေ့ရှိ သည့်ရက်ဖြစ်ကာ ဇွန်လ ၂၄ ရက် (တနင်္လာနေ့) တွင်   တစ်နိုင်ငံ လုံး၌ လျှပ်စစ်ယူနစ်ပေါင်း ၇၀ ဒသမ ၃၃ သန်းကျော်ရှိခဲ့ပြီး ဇူလိုင် ၁ ရက်တွင် လျှပ်စစ်ယူနစ် ၆၂ ဒသမ ၅၆ သန်းကျော်သုံးစွဲခဲ့သည် ဟု ၀န်ကြီးဌာနက ထုတ်ပြန်သည်။
‘‘ဒါက မီတာခတက်လို့ ခြိုးခြံပြီး သုံးတာလည်းဖြစ်နိုင်တယ်။ ရာသီဥတုကြောင့်လည်း ဖြစ်နိုင်တယ်။ သေချာတာတော့ ကျွန်တော်တို့ဘက်က လျှော့ချပေးတာ တော့ မဟုတ်ပါဘူး’’ဟု ရန်ကုန် မြို့တော် လျှပ်စစ်ဓာတ်အားပေး ရေးကော်ပိုရေးရှင်းမှ တာဝန်ရှိသူ တစ်ဦးက ပြောသည်။ ပိတ်ရက်များနှင့် အခါကြီး ရက်ကြီးများတွင် လျှပ်စစ်ဓာတ် အားသုံးစွဲမှုလျော့နည်းလေ့ရှိပြီး တနင်္လာနေ့၌ ပြန်လည်မြင့်တက် လေ့ရှိသည်ဟု ၎င်းက ဆိုသည်။ ထို့ပြင် နေ့တစ်နေ့တွင် ဓာတ်အားသုံးစွဲမှု အများဆုံးအချိန်များမှာ နံနက် ၃ နာရီမှ ၁၁ နာရီအထိနှင့် ညနေပိုင်းတွင် ၄ နာရီမှ ည ၈ နာရီအထိဖြစ်ကြောင်း ၎င်းက ဆိုသည်။ တစ်နိုင်ငံလုံးတွင် အချိန်ပိုင်းမီးဖြတ်သည့် စနစ်ရပ်ဆိုင်းခဲ့သည့် ဇွန်လ ၂၂ ရက် နောက်ပိုင်း လျှပ်စစ်သုံးစွဲမှုသည် တစ်ရက်လျှင် ပျှမ်းမျှ ယူနစ် ၆၈ သန်းကျော်ရှိနေသည်ဟု ၀န်ကြီးဌာနစာရင်း များတွင် ဖော်ပြထားသည်။ ဇွန်လ ၃၀ ရက်တွင် ဓာတ်အားသုံးစွဲမှု အနည်းဆုံးဖြစ်ပြီး ယူနစ်ပေါင်း သန်း ၆၀ ကျော်ရှိခဲ့သည်။ ၀န်ကြီးဌာနက ထုတ်ပြန် သော အချက်အလက်များအရ ဇူလိုင် ၁ ရက်တွင် အသုံးပြုသည့် လျှပ်စစ်ဓာတ်အားပမာဏ မဂ္ဂါ ၀ပ် ၃,၀၀၀ ကျော်ရှိကြောင်း၊ ရန်ကုန်က ဓာတ်အားသုံးစွဲမှုအများ ဆုံးဖြစ်ပြီး မဂ္ဂါဝပ် ၁,၃၈၀ ရှိ ကြောင်း သိရသည်။