အမတ်လောင်းများ လေ့လာစရာ ‘ဆိပ်ကမ်း’သင်ခန်းစာ

နှစ်နာရီနီးပါး ကြာမြင့်သည့်စီရင်ချက်ဖတ် ပြပြီးနောက် ရွေး ကောက်ပွဲ ကော်မရှင်ခုံအဖွဲ့ ဥက္ကဋ္ဌ ဦးမြင့်နိုင်က ချောင်းဟန့် ကာ စက္ကန့်အနည်းငယ်နားလိုက် သည်။ ထို့နောက် သူ့စီရင်ချက်ကိုမတ်တတ်ရပ် နားထောင်နေကြ သည့် တိုင်ကြားခံရသူ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ(ပြည်ခိုင်ဖြိုး)မှ လွှတ်တော်ကိုယ်စားလှယ် ဦးနေမျိုးအောင်၊ တိုင်ကြားသူ အမျိုးသားဒီမိုကရေစီ အဖွဲ့ချုပ် (NLD)မှ  ဦးသန်းထိုက် အောင်တို့ကို တစ်လှည့်စီ ကြည့် လိုက်သည်။



‘‘ရန်ကုန်တိုင်းဒေသကြီး ဆိပ်ကမ်းမြို့နယ် တိုင်းဒေသကြီး လွှတ်တော် မဲဆန္ဒနယ် (၂)တွင်တိုင်းဒေသကြီး လွှတ်တော်ကိုယ် စားလှယ်အဖြစ် ဦးနေမျိုးအောင် ကို ရွေးကောက်တင်မြှောက်ခြင်း သည် တရားမဝင် ပျက်ပြယ်ကြောင်းနှင့် ဦးသန်းထိုက်အောင် သည် ခိုင်လုံမဲ အများဆုံးရရှိသူ ဖြစ်ပြီး တရားဝင်ရွေးကောက်တင် မြှောက်ခံရသူဖြစ်ကြောင်း ဆုံး ဖြတ်သည်’’ဟု ခုံအဖွဲ့ဥက္ကဋ္ဌက နေပြည်တော် ပြည်ထောင်စုရွေး ကောက်ပွဲကော်မရှင်ရုံးအတွင်း အသံတည်တည်ငြိမ်ငြိမ်ဖြင့် ကြေ ညာလိုက်သည်။

ဤသို့ဖြင့် ပြီးခဲ့သည့်နှစ် နိုဝင်ဘာ ကြားဖြတ်ရွေးကောက်ပွဲကာလ အငြင်းပွားမှုတစ်ခုအတွက် ငါးလကြာ စစ်ဆေးမှု အဆုံးသတ် သွားသည်။ အမှုအတွက် ခုံရုံး ဥက္ကဋ္ဌ ဦးမြင့်နိုင်၊ အဖွဲ့ဝင် ဦးသန်း ဌေး၊ ဦးလှတင့်တို့က သက်သေ၁၆ ဦးကို ခေါ်ယူစစ်ဆေးခဲ့သည်။

ဆိပ်ကမ်းမဲဆန္ဒနယ် ရွေးကောက်ပွဲ အငြင်းပွားမှု NLD ကိုအနိုင်ပေး

ရွေးကောက်ပွဲတွင် NLD ကိုယ်စားလှယ်က ၃၆၅ မဲရခဲ့ပြီး ပြည်ခိုင်ဖြိုး ကိုယ်စားလှယ်က ၅၁၄ မဲရရှိခဲ့သည့် ဆိပ်ကမ်း အမှတ် (၂) နယ်မြေသည် နိုင်ငံ၏လူဦးရေအနည်းဆုံးသော မဲဆန္ဒနယ်များထဲမှ တစ်ခုဖြစ်သော် လည်း ထိုနေရာမှ ပေါ်ပေါက်လာသည့်အမှုတွင် ရွေးကောက်ပွဲ အကြိုကာလနှင့် သက်ဆိုင်သော အငြင်းပွားဖွယ်အချက် များစွာရှိ နေသည်။

အမှုဖြစ်စဉ်သည် လာမည့် နှစ် အထွေထွေရွေးကောက်ပွဲနှင့် အနာဂတ်ရွေးကောက်ပွဲများတွင် ပါဝင်ယှဉ်ပြိုင်လိုသူတို့အတွက် ဆောင်ရန်၊ ရှောင်ရန် အချက်အလက်အများအပြား ပါဝင်နေရာ အမှုစီရင်ချက်သည် အမတ်လောင်း တို့အတွက် ပြဋ္ဌာန်းစာအုပ်သဖွယ် ဖြစ်လာမည်ဟု ရွေးကောက်ပွဲ ကော်မရှင်က ပြောသည်။

မဲပေးသူကို ငွေချေးခြင်း

မဲပေးနိုင်ခွင့်ရှိသူ အနည်းငယ်သာနေထိုင်သော ရန်ကုန်မြစ်ဘေးရှိ ဆိပ်ကမ်းမဲဆန္ဒနယ် အ မှတ် (၂)သည် နိုင်ငံရေးသမားအ များအပြား မျက်စိကျသည့် နေရာ တစ်ခုဖြစ်သည်။

ထိုနယ်မြေအတွက် ဝင် ရောက်ယှဉ်ပြိုင်သူကိုးဦးရှိရာ ထိုအမတ်လောင်းများအနက် ပြည် ခိုင်ဖြိုးပါတီကိုယ်စားလှယ်၏ လှုပ်ရှားမှုများသည် မဲဆန္ဒရှင်အများ အပြားအတွက် စိတ်ဝင်စားဖွယ် ဖြစ်လာသည်။

ပြည်ခိုင်ဖြိုးကိုယ်စားလှယ် ဦးနေမျိုးအောင်က ရွေးကောက်ပွဲ နီးချိန်တွင် အသေးစား ငွေချေး လုပ်ငန်းတစ်ခုကိုဖိတ်ခေါ်ခဲ့ရာ ထိုကုမ္ပဏီက ဒေသခံအများအပြား ကို အတိုးမဲ့ ချေးငွေထုတ်ပေးခဲ့ သည်။

ထိုကုမ္ပဏီသည် ပါတီ၏ ရွှေပြည်သာမြို့နယ်ဥက္ကဋ္ဌ ဦးလင်းအောင်အောင်က ဒါရိုက်တာအ ဖြစ် တာဝန်ယူထားသည့် မေထွဋ် ကုမ္ပဏီဖြစ်သည်။

ဆိပ်ကမ်းမြို့နယ်တွင် လုပ်ငန်း တရားဝင်လုပ်ကိုင်ခွင့်မရှိဘဲ ဒေသခံတို့ကို ငွေချေးခြင်းဖြစ်ကြောင်း၊ အခြားမြို့နယ်များတွင်လုပ်ငန်း လုပ်ကိုင်ခဲ့ခြင်းမရှိ ကြောင်း၊ တစ်ဦးလျှင် ကျပ်ခြောက်သောင်းနှုန်းဖြင့် ၂၁၅ ဦးကို ငွေ ချေးခဲ့ကြောင်း မေထွဋ်ကုမ္ပဏီက ခုံရုံးတွင် ထွက်ဆိုသည်။

အနိုင်ရအမတ်လောင်းနှင့် ရွေးကောက်ပွဲအကြိုကာလ ငွေချေး လုပ်ငန်း

တိုင်ကြားခံရသူ ဦးနေမျိုး အောင်ကမူ ထိုငွေချေးလုပ်ငန်းမှာ ၎င်းနှင့် မသက်ဆိုင်ကြောင်း၊ ငွေချေးသည်မှာလည်း မဲဆွယ်စည်း ရုံးရေးကာလတွင် မဟုတ်ကြောင်း ခုံရုံးကြားနာမှုတစ်ခုတွင် ချေပခဲ့ သည်။

ငွေချေးခြင်းကြောင့် အနိုင်ရ သည်ဟူသော စွပ်စွဲချက်မှာ သူ၏အောင်မြင်မှုကို ပြက်ရယ်ပြုသကဲ့ သို့ ဖြစ်နေသည်ဟုလည်း သူက တုံ့ပြန်ခဲ့သည်။

ရွေးကောက်ပွဲကာလ

ဘာသာရေး

ဦးနေမျိုးအောင်က မဲဆွယ်ကာလတွင် ၎င်းမဲဆန္ဒနယ်မြေရှိ အပတ်စဉ် ဝတ်ရွတ်အသင်းများ ကို (၂၈)ကြိမ် လှူဒါန်းခဲ့သည်ကို လည်း ခုံရုံးက စစ်ဆေးတွေ့ရှိခဲ့ သည်။ ၎င်းကမူ ဘာသာရေးဖြင့် မဲဆွယ်စည်းရုံးခြင်း မဟုတ်ဘဲ ဝါတွင်းကာလ ကောင်းမှုကုသိုလ် ပြုလုပ်ခြင်းသာဖြစ်သည်ဟု ခုံရုံး တွင် ချေပသည်။

ရွေးကောက်ပွဲနှင့် မသက် ဆိုင်ဟု  ငြင်းဆိုသော်လည်း ထိုစရိတ်များသည် သက်ဆိုင်ရာသို့ တင်ပြရသည့် ရွေးကောက်ပွဲ အသုံးစရိတ်တွင် ထည့်သွင်းဖော် ပြထားသည့်အတွက် အံ့သြစရာ  ဖြစ်နေသည်ဟု ခုံရုံးဥက္ကဋ္ဌ ဦးမြင့် နိုင်က မှတ်ချက်ပေးသည်။

မဲဆွယ်ကာလ ဤလုပ်ရပ် များသည် ရွေးကောက်ပွဲနှင့် ဘာသာရေး ရောထွေးဆောင်ရွက် ခြင်းဖြစ်သည်၊ ရွေးကောက်ပွဲအတွက် ဘာသာရေးကို အကြောင်း ပြု မဲဆွယ်ခြင်းဖြစ်သည်ဟု ခုံရုံး စီရင်ချက်က ဆိုသည်။

သို့သော် အလှူအတွက် ခုံရုံးအဖွဲ့က ချီးကျူးဝမ်းမြောက် ကြောင်း ဖော်ပြချက်ကို စီရင်ချက် စာမျက်နှာ (၅)နှင့် (၇)တို့တွင် တွေ့နိုင်သည်။

‘‘ဦးနေမျိုးအောင်၏ ထွက်ဆိုပြောကြားချက်များအပေါ် ဤ ခုံရုံးအဖွဲ့က လွန်စွာမှ လေးစားမိ သည်။ ထပ်ခါထပ်ခါ သာဓုခေါ်ဆို နေမိသည်။ နောင်လည်း အလှူရေစက် လက်နှင့်မကွာ လှူဒါန်းသွားနိုင်ပါစေဟု ဆုတောင်းပေး နေမည်’’ဟု စီရင်ချက်တွင် ဖော်ပြထားသည်။

အမှုရှုံးသွားသည့် ဦးနေမျိုးအောင်က ခုံရုံးဆုံးဖြတ်ချက်နှင့် ပတ်သက်ပြီးအယူခံဝင်ထားသည်။ သူ အယူခံရှုံးလျှင်တိုင်ကြားသူ ဦးသန်းထိုက်အောင်က လွှတ်တော် တက်ရမည်ဖြစ်သည်။

ရွေးကောက်ပွဲ နှစ်ကြိမ်နိုင်သူ

ဦးနေမျိုးအောင်၏ ရွေးကောက်ပွဲ အနိုင်ရလဒ် ပျက်ပြယ် ကြောင်း ခုံရုံးက ဆုံးဖြတ်ရသည့် အကြောင်းရင်းများထဲတွင် ရွေးကောက်ပွဲ အသုံးစရိတ် မမှန်မကန်တင်ပြခြင်းလည်း ပါဝင်သည်။

ရွေးကောက်ပွဲနည်းဥပဒေ အရ အသုံးစရိတ်ကို ဦးနေမျိုး အောင်နှင့် သူ၏ကိုယ်စားလှယ် ဒေါ်တိုးတိုးလှိုင်တို့က လက်မှတ်ထိုးပြီး ရွေးကောက်ပွဲကော်မရှင် သို့ တင်သွင်းခဲ့သည်။

သို့သော် ဒေါ်တိုးတိုးလှိုင်က သူကိုယ်တိုင်လက်မှတ်ထိုး တင်ပြထားသည့် ရွေးကောက်ပွဲ ကုန်ကျ စရိတ်များကို မသိရှိကြောင်း၊ ပြည်ခိုင်ဖြိုးပါတီရုံးစာရေးကြီး စေခိုင်းချက်အရ လက်မှတ်ထိုးခဲ့ခြင်းဖြစ် ကြောင်းခုံရုံးတွင်ထွက်ဆိုခဲ့သည်။

မျက်စိဝေဒနာရှင် ၁ဝ ဦး ဆေးရုံတွင် ကုသစရိတ် ၄၀၀,၀၀၀၊ ကုသမှုအတွက် သယ်ယူပို့ဆောင် စရိတ် ၂၅၀,၀၀၀ တို့ကိုလည်း ရွေးကောက်ပွဲ မဲဆွယ်မှု အသုံးစရိတ် အဖြစ် ထည့်သွင်းထားသည်။ ထိုသို့ စာရင်းပြခြင်းသည် မဲဆန္ဒရှင် ကို လာဘ်ပေးကြောင်း သက်သေ ပြသကဲ့သို့ ဖြစ်သွားသည်ဟု ခုံရုံး က မှတ်ချက်ပေးသည်။

‘‘လူမှုရေး၊ ကျန်းမာရေးလုပ် ငန်းကူညီရန်အတွက် ရွေးကောက်ပွဲ မဲဆွယ်စည်းရုံးရေး စရိတ်ငွေထဲ မှ ကျခံသုံးစွဲခဲ့ခြင်း မရှိသည့်အပြင် ဤသို့ကူညီခြင်းဖြင့် မဲဆွယ်ခြင်း တစ်စုံတစ်ရာမရှိခဲ့လျှင် တိုင်း ဒေသကြီးနှင့် ပြည်နယ်လွှတ်တော် ရွေးကောက်ပွဲဥပဒေ ပြဋ္ဌာန်းချက် ပါ တရားမဲ့ပြုကျင့်မှုကို ပြုလုပ် ကြောင်း ပေါ်ပေါက်မည် မဟုတ် ပေ’’ဟုခုံရုံးစီရင်ချက်ကဆိုသည်။

ဦးနေမျိုးအောင်နှင့် သူ၏ ရွေးကောက်ပွဲကိုယ်စားလှယ် ဒေါ်တိုးတိုးလှိုင်တို့က ရွေးကောက်ပွဲ ဥပ ဒေ၊ နည်းဥပဒေများပါ ပြဋ္ဌာန်းချက်ကို မသိကြောင်း၊ လေ့လာ ခြင်းမရှိခဲ့ကြောင်း ခုံရုံးတွင် ထွက်ဆိုကြသည်။ ဦးနေမျိုးအောင် သည် ၂ဝ၁ဝ ရွေးကောက်ပွဲတွင်ပါ အနိုင်ရခဲ့ဖူးသူဖြစ်သော်လည်း ဥပဒေကို လေ့လာမှုမရှိခြင်း ကြောင့် ၂၀၁၈ ကြားဖြတ်ရွေး ကောက်ပွဲဝင်သည့်အခါ တရားမဲ့ ပြုကျင့်မှုများ ဖြစ်လာရသည်ဟု ခုံရုံးက သုံးသပ်သည်။

ခုံရုံး အဖွဲ့ဝင် ဦးသန်းဌေးက အသုံးစရိတ် တင်သွင်းရာတွင် ဆောင်ရန်၊ ရှောင်ရန် အချက်များ ကို အမတ်လောင်းတို့ ဆင်ခြင် သင့်သည်ဟု ပြောသည်။

ရွေးကောက်ပွဲ ကုန်ကျစရိတ်နဲ့ ပတ်သက်သည့် ကိစ္စများမှာတရားမဲ့ပြုကျင့်မှု ပိုပြီးဖြစ်နိုင် ကြောင်း၊  စရိတ်ကို စနစ်တကျ မတင်သွင်းခြင်း၊ တင်သွင်းရန်  ပျက်ကွက်ခဲ့ခြင်းတို့သည် အနာ ဂတ် ရွေးကောက်ပွဲများတွင် ဝင် ရောက်ယှဉ်ပြိုင်ခွင့် ပိတ်ပင်ခံရသည်အထိ အရေးယူခံရနိုင် ကြောင်း ပြောသည်။

ဆိပ်ကမ်းအနိုင်ရ ပြည်ခိုင်ဖြိုး ကိုယ်စားလှယ်ကို ပြိုင်ဘက် ဒီချုပ်ပါတီက ရွေးကောက်ပွဲဥပဒေဖြင့် အမှုဖွင့်

ပါတီကို ဖျက်သိမ်းနိုင်

 ဆိပ်ကမ်းလုပ်ငန်းများ၊ သင်္ဘောဆိပ်များ တည်ရှိရာ ဆိပ်ကမ်းမြို့နယ် တစ်ခုလုံးမှာ နိုင်ငံတော်ပိုင်မြေဖြစ်ပြီး မည်သည့် နိုင်ငံရေးပါတီကမှ ရုံးခန်းဖွင့်ထား ခြင်းမရှိပေ။ သို့သော် ပြည်ခိုင်ဖြိုး ပါတီက ခြွင်းချက်ဖြစ်နေသည်။ မော်တင်ရပ်ကွက်တွင် ပါတီရုံးခန်းဖွင့်ထားရာ ယခုအစိုးရက ထိုရုံးကို နိုင်ငံပိုင်မြေပေါ်မှ ရွှေ့ပြောင်းပေးရန် ငါးကြိမ်ခန့် အ ကြောင်းကြားပြီးဖြစ်သည်။

ထိုရုံးခန်းဖယ်ရှားပေးရန် အကြောင်းကြားထားပြီးဖြစ်သည်ဟု ပို့ဆောင်၊ ဆက်သွယ်ရေး ဒုတိယ ဝန်ကြီး ဦးကျော်မျိုးက ခုံရုံးတွင် ထွက်ဆိုခဲ့သည်။

မိသားစုရပ်ကွက်တွင် တပ် မတော် အစိုးရလက်ထက်က တည်ဆောက်ခဲ့သော အဆောက်အအုံတစ်လုံးတွင် ဖြိုးစေတနာ ဆေးခန်း ရှိခဲ့ဖူးသည်။

ပြီးခဲ့သည့် ကြားဖြတ်ရွေး ကောက်ပွဲကာလတွင် ဦးနေမျိုး အောင်က ထိုဆေးခန်းနေရာကို ပါတီရုံးခန်းအဖြစ် အသုံးပြုခဲ့ သည်။ ထိုနေရာသည် နိုင်ငံပိုင် မြေဖြစ်သော်လည်း အဆောက်အအုံမှာ ပြည်ခိုင်ဖြိုးပါတီ လူမှုရေးအ သင်းအဖြစ်တည်ရှိစဉ်က ရန်ပုံငွေဖြင့် တည်ဆောက်ထားခြင်းဖြစ် သည်ဟု ခုံရုံးတွင်ထွက်ဆိုသည်။

ခုံရုံးဥက္ကဋ္ဌ ဦးမြင့်နိုင်က ထိုအချက်မှာ ဖွဲ့စည်းပုံအခြေခံ ဥပဒေအရသာမက နိုင်ငံရေးပါတီ များ မှတ်ပုံတင်ခြင်းဆိုင်ရာ ဥပဒေနှင့်ပါ ငြိစွန်းနေသောကြောင့် ကိုယ်စားလှယ်သာမက  ပါတီ လည်း အရေးယူခံရနိုင်သည် ဟု ပြောသည်။ သို့သော် ထိုသို့ အရေးယူရန်မှာ အဆိုပါ အငြင်းပွားမဲဆန္ဒနယ် မှ မဲဆန္ဒရှင်တစ်ဦးက တိုင်ကြား ရန် လိုအပ်သည်ဟုဆိုသည်။