အကြွေးတောင်းပြီး ပြန်လာသည့် ၈၃ နှစ်အရွယ် အဖွားအိုအား ၂၀ နှစ် အရွယ်အမျိုးသားက အဓမ္မပြုကျင့်ခဲ့မှု ခင်ဦးမြို့နယ်တွင် ဖြစ်ပွားခဲ့ကြောင်း သိရသည်။ စစ်ကိုင်းတိုင်းဒေသကြီး၊ ရွှေဘိုခရိုင်၊ ခင်ဦးမြို့နယ်၊ ကြို့ကန်ကျေးရွာနေ ဒေါ် ------- (၈၃) နှစ်သည် ဇူလိုင်လ ၅ ရက်၊ နံနက် ၈ နာရီခန့်က တစ်မိုင်ခန့်ကွာဝေးသော ကျွန်းပင်ကန်ကျေးရွာသို့ အကြွေးသွားတောင်းပြီး ပြန်လာစဉ် မိုးဒီ (၂၀)နှစ်က အဓမ္မပြု ကျင့်ခဲ့ကြောင်း ခင်ဦးမြို့မရဲစခန်းမှ သိရသည်။
“အဖွားကြီးက ကျွန်းပင်ကန်ကျေးရွာမှာ မနက်အစောကြီး အကြွေးတောင်းသွားခဲ့တယ်။ အဲဒီကနေ ပြန်အလာမှာ ကောင်လေး က နောက်ကနေ ပါလာပြီး ကုန်းကြားအရောက်မှာ တွန်းလှဲပြီး အဓမ္မပြုကျင့်တယ်လို့ ပြောတာပဲ။ ကောင်လေးက စကားမပြော တတ်တော့ အခုထိ ဟုတ်တိပတ်တိမေးလို့ မရသေးဘူး။ ပြီးတော့ သူက ဒီကိစ္စကို ဝန်မခံဘူး။ ဒါပေမဲ့ အခင်းဖြစ်စဉ်နေရာမှာ အဖွားကြီးပြောတဲ့ နေရာပေါ့။ အဲဒီကိုသွားကြည့်တော့ ကောင်လေးလည်ပင်းက ပြတ်ကျန်ခဲ့တဲ့ ဆွဲသီးအပြတ်လေး တစ်ခုရယ်၊ အဖွားကြီး ဘီးရယ်၊ နောက်ပြီး ကောင်လေးသောက်တဲ့ ဆေးလိပ်တိုလေးရယ်ကို တွေ့ခဲ့ရတယ်” ဟု ခင်ဦးမြို့မရဲစခန်းမှ စခန်း မှူး ဒုရဲမှူး ထွန်းထွန်းဦးက အကုန်သိသတင်းဌာနသို့ ပြောသည်။
အဆိုပါ ဖြစ်စဉ်နှင့်ပတ်သက်၍ မိုးဒီ၊ (၂၀)နှစ်၊ ကျွန်းပင်ကန်ကျေးရွာနေသူကို နွားကျောင်းနေရင်း ဖမ်းဆီးရမိခဲ့ပြီး ခင်ဦးမြို့မရဲစခန်း၌ (ပ)၃၇၅/ ၂၀၁၉၊ ရာဇသတ်ကြီး ပုဒ်မ - ၃၇၆ ဖြင့် အမှုဖွင့် စစ်ဆေးနေကြောင်း သိရသည်။
No comments:
Post a Comment