အိုင်ဗရီကို့စ် နိုင်ငံတကာစီးရီးကြက်တောင်ရိုက်ပြိုင်ပွဲတွင် ချန်ပီယံဆုရယူနိုင်ခဲ့သော မြန်မာ့လက်ရွေးစင်ကြက်တောင်အားကစားမယ်သက်ထားသူဇာသည် ယနေ့(ဇွန်လ ၉ရက်)တွင် နောက်ဆုံးထုတ်ပြန်လိုက်သည့် ကမ္ဘာ့အဆင့်သတ်မှတ်ချက်၌ အဆင့် ၈၄နေရာအထိ တက်လှမ်းနိုင်ခဲ့သည်။ သက်ထားသူဇာသည် ယခင် အဆင့် ၁၀၁ရှိခဲ့ရမှ ၈၄အထိမြင့်တက် လာခဲ့ပြီးဖြစ်သော်လည်း ၂၀၂၀ အိုလံပစ်ဝင်ခွင့်ရရန် အတွက်ဆက်ကြိုးစားသွားရဦးမည်ဖြစ်ပြီး ကမ္ဘာ့အဆင့်သတ်မှတ်ချက်အဆင့် ၅၀ကျော်အတွင်း ရောက်ရှိနေမှသာလျှင် စိတ်ချရမည့်အခြေအနေရှိကြောင်း မြန်မာနိုင်ငံကြက်တောင်အဖွဲ့ချုပ်တွဲဖက်အထွေအထွေအတွင်းရေးမှူး ဦးဘရန်မိုင်က ပြည်မြန်မာသို့ ပြောသည်။
``အိုလံပစ်ဝင်ခွင့် ရဖို့က သူကအခုအဆင့်၈၀ကျော်ဆိုတော့စိတ်ချရတဲ့ အနေအထားတော့မဟုတ်သေးဘူးပေါ့နော်။ဒါပေမဲ့ ဒီကြားထဲမှာ ပြိုင်ပွဲတွေအများကြီးရှိသေးတယ်။ သူကလည်းဆက်ကြိုးစားနေတော့ ရလဒ်တွေကောင်းပြီး အဆင့်၅၀ကျော် အတွင်းလောက် ရောက်သွားရင်တော့ အိုလံပစ်ဝင်ခွင့်ရဖို့ကစိတ်ချရလောက်ပါတယ်´´ဟု ယင်းကပြောသည်။
၂၀၂၀ တိုကျိုအိုလံပစ်ပြိူင်ပွဲအတွက် ကြက်တောင်အားကစားနည်း၌ ဝင်ရောက်ယှဉ်ပြိုင်ခွင့်နှင့်ပတ်သက်၍ လာမည့်နှစ် ဧပြီလ ၃၀ရက်တွင် နောက်ဆုံးသတ်မှတ်ချက်များအား ထုတ်ပြန်သွားမည် ဖြစ်ကြောင်းသိသည်။
`` အိုလံပစ်အတွက်က ကမ္ဘာ့သတ်မှတ်ချက်နဲ့လည်းသွားတယ်။Road to Tokyo Olympic လမ်းကြောင်းနဲ့ အိုလံပစ်အဆင့်သက်မှတ်ချက်နဲ့ သွားတာရှိတယ်။ အိုလံပစ်အဆင့်သတ်မှတ်ချက်မှာနောက်ဆုံးသတ်မှတ်ထားတဲ့ အဆင့်အတွင်းဝင်ရင်တော့ တိုက်ရိုက်ဝင်ခွင့် ရပြီပေါ့နော်။ အဲဒီလိုမှ မဝင်ရင် ဝှိုက်ကတ်နဲ့သွားရမယ်။အဲ့ဒါက ဒီဘက်ကနည်းလမ်းပေါ့နော်။ ဝှိုက်ကတ်ကျတော့ OICတို့ အာရှကြက်တောင်အဖွဲ့ချုပ်တို့က စတဲ့ ထောက်ခံချက်တွေ အများကြီးလိုတာပေါ့နော်´´ ဟု သက်ထားသူဇာ၏ ဖခင် ဦးထွန်းထွန်းဇော်က ပြောသည်။
No comments:
Post a Comment