ချင်းပြည်နယ်၊ ဟားခါးမြို့နယ်တွင် အကောင် (၂၀) ၀န်းကျင်ရှိသော မြေခွေးများအုပ်စုလိုက် သောင်းကျန်းနေတာကြောင့် အစိုးရဘက်မှ တစ်ဖက်တစ်လမ်းဖြင့် ကူညီပံ့ပိုးပေးစေလိုကြောင်း ရွာသားများက ပြောပါတယ်။ ဟားခါးမြို့နယ်၊ ဘွန်လုံးရွာသား ဦးငွန်လျန်က “ဇူလိုင်လ ၅ ရက်နေ့မှာ နွားနှစ်ကောင်နှင့် ကျွဲတစ်ကောင်ကို မြေခွေးများက ကိုက်သတ်စားသောက်နေတာ ကျနော်တို့တွေ့မြင်ရတယ်။ မြေခွေးနှစ်ကောင်ကိုတော့ ကျနော်တို့ပစ်သတ်နိုင်ခဲ့တယ်” လို့ပြောပါတယ်။
ချင်းပြည်နယ်အစိုးရမှ မြေခွေးပစ်သတ်နိုင်သော သူများကို ဆုကြေးငွေချီးမြှင့်မည်ဟု ကြေညာထားသော်လည်း ဘွန်လုံးရွားသားများမှ မြေခွေးနှစ်ကောင်ပစ်သတ်သည့်အကြောင်းကို အစိုးရဆီတင်ပြပေမယ့် ဆုငွေချီးမြှင့်ခြင်းမရှိဘူးလို့ အဆိုပါရွာသားက The Hakha Post ကို ပြောပါတယ်။
“ချင်းပြည်နယ်အစိုးရမှ ဆုကြေးငွေချီးမြှင့်မည်ဟု ကြေညာထားပေမယ့် ကျနော်တို့ဘာဆုငွေမှ မရခဲ့ဘူး။ မြေခွေးနှိမ့်နင်းဖို့ အစိုးဘက်မှ ကူညီပေးစေချင်ပါတယ်။ ဘာလို့လည်းဆိုတော့ ကျနော်တို့ရွားသားများရဲ့ အိမ်မွေးတရိစ္ဆာန်တွေ တော်တော်များများ ကိုက်သတ်ခံရပြီ” ဦးငွန်လျန် ဆက်ပြောသည်။
ဘွန်လုံးရွာနှင့် အနီးနာတ၀ိုက်ရွာများတွင် မြေခွေးများအုပ်စုလိုက် ကျင်လည်ကျက်စားလေ့ရှိပြီး အိမ်မွေးတရိစ္ဆာန်များ ကိုက်သက်စားသောက်ခံရမှုကြောင့် ရွာသားများဘက်က နှစ်စဉ် ကျပ်သိန်း ၅၀၀ ခန့် ဆုံးရှုံးခဲ့ရကြောင်း သိရသည်။
ထန်တလန်မြို့နယ်၊ တလွာလာမ်ရွာအနီးတ၀ိုက်တွင်လည်း မြေခွေးများမှ အိမ်မွေးတရိစ္ဆာန်များကို အုပ်စုလိုက် ကိုက်သက်စားသောက်နေတာကြောင့် ရွာသားစိုးရိမ်ပူပန်လျက်ရှိကြောင်း သိရသည်။
မြေခွေးပစ်သတ်နိုင်သောသူများကို ဆုကြေးငွေ ကျပ် ၅၀၀၀၀ ချီးမြှင့်မည်ဟု ချင်းပြည်နယ်အစိုးရမှ ၂၀၁၈ ခုနှစ်က ကြေညာခဲ့သည်။
No comments:
Post a Comment