ရန်ကုန်လျှပ်စစ်လုပ်ပိုင်ခွင့်အပြည့်ရလို့ တစ်တိုင်းလုံးက မြို့နယ်တွေမှာ လမ်းမီးတွေကို ပြန်လည်တပ်ဆင်ကာ မီးလင်းရေးကို လုပ်ဆောင် ပေးနေပြီလို့ တိုင်းလျှပ်စစ်နဲ့စက်မှုလက်မှုနဲ့ လမ်းပန်းဆက်သွယ်ရေးဝန်ကြီး ဒေါ်နီလာကျော်က တတိယ တစ်နှစ်တာသတင်းစာရှင်းလင်းပွဲမှာပြောပါတယ်။ "အရင်ကမီးသီးကို စည်ပင်ကတာဝန်ယူတယ်၊ ဓါတ်ကြိုးနဲ့ ဓါတ်တိုင်ကိုလျှပ်စစ်ကတာဝန်ယူတယ်။
ဌာနတစ်ခုနဲ့ တစ်ခု အချိတ်အဆက်မရှိတော့ မီးသီးကျွမ်းလဲ လာလဲမယ့်သူမရှိ၊ မီးမလာရင်၊ မီးသီးကျွမ်းတာလား၊ မီးမလာတာလားဆိုတာအမြဲဖြစ်ခဲ့တယ်" လို့အရင် လမ်းမီးတွေ မီးမလာရခြင်းပြဿနာကို သူကရှင်းပြပါတယ်။
၂၀၁၈/၁၉ ဘဏ္ဍာနှစ်၊ လက်ရှိအချိန်မှာတော့ စည်ပင်က ရန်ကုန်လျှပ်စစ်ဓါတ်အားပေးရေးကော်ပိုရေးရှင်းကို လုပ်ပိုင်ခွင့်အားလုံးလွှဲအပ်ပေးလိုက်လို့ မီးတိုင်တွေကိုအကုန်ပြန်လည်ပြုပြင်တပ်ဆင်ပြီး မီးလင်းရေး လုပ်ပေးနေတယ်လို့သူကဆိုပါတယ်။
လက်ရှိမှာတော့ ထောက်ကြန့်ဖက်မှာ လုပ်ငန်းစတင်နေပြီး၊ အဲဒီကပြီးတာနဲ့ လှိုင်သာယာနဲ့ ဒဂုံလေးမြို့ နယ်ဖြစ်တဲ့ တောင်၊ မြောက်၊ အရှေ့နဲ့ ဆိပ်ကမ်းတွေမှာလည်းဆက်လက်တပ်ဆင်ကာ တတိုင်းလုံးမှာ ဆက်လုပ်သွားမယ်လို့ ဒေါ်နီလာကျော် ကပြောပါတယ်။
No comments:
Post a Comment