အင်းစိန်အကျဉ်းထောင် စာစစ်ဌာနမှ ၃ဘာသာဂုဏ်ထူးဖြင့် တက္ကသိုလ်ဝင်စာမေးပွဲမေအာင်မြင်သူ ၄ဦး၊ ၂ဘာသာ ဂုဏ်ထူးဖြင့်အောင်မြင်သူ ၁၃ဦး၊ ၁ဘာသာ ဂုဏ်ထူးဖြင့်အောင်မြင်သူ ၂၀ဦး အသီးသီး ထွက်ပေါ်ခဲ့ကြောင်း အကျဉ်းဦးစီးဌာန ဒုတိယ ညွှန်ကြားရေးမှူး ဦးမင်းထွန်းစိုးက ပြောသည်။ အကျဉ်းစာစစ်ဌာန ၏ အောင်ချက်ရာခိုင်နှုန်းမှာ ၅၀ ဒသမ ၉၇ ရာခိုင်နှုန်းရှိကြောင်း လည်း ဦးမင်းထွန်းစိုးက ဆက်ပြောသည်။
အင်းစိန်၊ တောင်ငူ၊ ဘားအံ့၊ မန္တလေး၊ လွိုင်ကော်၊ မြိတ်၊ သရက်၊ ကသာ နှင့် မုံရွာ အကျဉ်းထောင်များမှနေ၍ အကျဉ်းသား/အကျဉ်းသူ ၁၇၁ယောက် ဖြေဆိုကြရာတွင် အင်းစိန်၊ တောင်ငူ၊ မန္တလေး အကျဉ်းထောင်များမှ(၉၄)ဦး အောင်မြင်ခဲ့သည်ဟု ဦးမင်းထွန်းစိုးက ပြောသည်။
ပညာရေးဝန်ကြီးဌာနမှ ယနေ့ ထုတ်ပြန်လိုက်သည့် တက္ကသိုလ်ဝင်တန်း စာမေးပွဲ အောင်ချက်ပြ နှိုင်းယှဉ်ဇယားအရ ယခင်နှစ်က အောင်ချက်ရာခိုင်နှုန်းမှာ (၃၂ . ၈၂ ရာခိုင်နှုန်း)ရှိခဲ့ပြီး ယခုနှစ်အောင်ချက် ရာခိုင်နှုန်းမှာ (၃၁.၄၄ ရာခိုင်နှုန်း)ရှိကြောင်းသိရသည်။
ပညာရေးဝန်ကြီးဌာနမှ ယနေ့ ထုတ်ပြန်လိုက်သည့် အောင်ချက်နှင့် ဂုဏ်ထူးဦးရေပြဇယားအရ ၂၀၁၈ခုနှစ်က ဂုဏ်ထူးထွက်သူ စုစုပေါင်း (၇၅၇၅၆)ဦးရှိခဲ့သော်လည်း ယခု ၂၀၁၉ ခုနှစ်တွင် ဂုဏ်ထူးထွက်သူ စုစုပေါင်း (၄၃၀၂၂)ဦးသာရှိကြောင်းသိရသည်။
No comments:
Post a Comment