တပ်မတော် ထိပ်ပိုင်းရာထူးတချို့ကို အခုရက်ပိုင်းအတွင်း အပြောင်းအလဲတွေလုပ်နေရာမှာ စစ်ရေးချုပ်ရာထူးကို ဒုတိယဗိုလ်ချုပ်ကြီး မျိုးဇော်သိန်းက လွှဲပြောင်း တာဝန်ရယူလိုက်ပြီ ဖြစ်တယ်လို့ တပ်မတော် သတင်းမှန် ပြန်ကြားရေးအဖွဲ့ အတွင်းရေးမှူး ဗိုလ်မှူးချုပ် ဇော်မင်းထွန်းက ဘီဘီစီကို အတည်ပြုပြောပါတယ်။ စစ်ရေးချုပ်သစ်ဖြစ်လာတဲ့ ဒုတိယဗိုလ်ချုပ်ကြီး မျိုးဇော်သိန်းဟာ ရန်ကုန်တိုင်းစစ်ဌာနချုပ်ကို ကြီးကြပ်ကွပ်ကဲရတဲ့ အမှတ် ၅ စစ်ဆင်ရေး အထူးအဖွဲ့မှူး-(ကစထ-၅) ကထစမှူး တာဝန်ယူခဲ့သူပါ။
သူဟာ ကစထမှူး ဒုတိယဗိုလ်ချုပ်ကြီးတွေထဲမှာ အသက်အငယ်ဆုံးဖြစ်တဲ့အတွက် တပ်မတော်ရဲ့ထိပ်တန်းခေါင်းဆောင်နေရာကို ရောက်လာနိုင်သူလို့ လေ့လာသူတွေက ခန့်မှန်းပြောဆိုမှုတွေ ရှိခဲ့ပါတယ်။ စစ်ရေးချုပ်ရာထူး တာဝန်ထမ်းဆောင်ခဲ့တဲ့ ဒုတိယဗိုလ်ချုပ်ကြီး ဆန်းဦးကို တပ်မတော်အရန်အင်အားကို ပြောင်းရွှေ့တာဝန် ချထားပေးလိုက်ပါတယ်။
လစ်လပ်သွားတဲ့ ကစထ- ၅ ကစထမှူး နေရာကိုတော့ ဒုတိယဗိုလ်ချုပ်ကြီး မင်းနောင်က တာဝန်လွှဲပြောင်းယူလိုက်ပါတယ်။ ကစထ-၆ ကစထမှူး တာဝန်ကို လက်ရှိ စစ်ဦးစီးအရာရှိချုပ်(ကြည်း) ဖြစ်တဲ့ ဒုတိယဗိုလ်ချုပ်ကြီး မိုးမြင့်ထွန်းကို တာဝန်ပေးလိုက်တာမို့ သူဟာ ဒီရာထူး ၂ ခုလုံးကို ပူးတွဲ တာဝန်ထမ်းဆောင်မှာ ဖြစ်ပါတယ်။
ဒါ့အပြင် ရခိုင်စစ်ဆင်ရေး ကွပ်ကဲခဲ့သူ ဒုတိယ ဗိုလ်ချုပ်ကြီး အေးဝင်းကို တပ်မတော် စစ်ဆေးရေးနှင့် စာရင်းစစ်အရာရှိချုပ် (ကြည်း၊ရေ၊လေ ) အဖြစ် ပြောင်းလဲခန့်အပ်ခဲ့ပါတယ်။ သူဟာ ရက္ခိုင့်တပ်မတော် (အေအေ)နဲ့ တပ်မတော်ကြား တိုက်ပွဲတွေစဖြစ်ချိန်ကစလို့ ရခိုင်ပြည်နယ်မှာ ရုံးထိုင်ပြီး စစ်ဆေးရေးကို ကွပ်ကဲခဲ့သူလည်း ဖြစ်ပါတယ်။
No comments:
Post a Comment