တရုတ်ပြည်နယ်စပ် မူဆယ်မြို့ ပေါ် မြို့ လယ်ခေါင်တွင် စကားရပ်ပြောနေသူနှစ်ဦးထံမှဖုန်းနှင့်ပိုက်ဆံအိတ်ကို အမျိုးသားတစ်ဦးက ပေါ်တင်ဝင်လုပြီး ဓါးဖြင့်ထိုးသည့်ဖြစ်စဉ်တစ်ခု ဇူလိုင်လ(၆)ရက် ညပိုင်းက ဖြစ်ပွားခဲ့ကြောင်း သတင်းရရှိသည်။ ရှမ်းပြည်နယ်၏ တရုတ်နယ်စပ်မြို့ ဖြစ်သော မူဆယ်မြို့ ၊ မင်္ဂလာမူဆယ်လမ်း၊ ဆန်းစပါးကုန်စည်ဒိုင်ရှေ့ အများမြင်ကွင်းတွင် ယင်းဖြစ်စဉ်ဖြစ်ပွားခဲ့ခြင်းဖြစ်ပြီး လုယက်သူကို ရဲတပ်ဖွဲ့ က ရှာဖွေဖမ်းဆီးထားပြီဖြစ်ကြောင်းလည်း သိရသည်။အခင်းဖြစ်စဉ်အရ မူဆယ်မြို့ ဟိုမွန်ရပ်ကွက်တွင် နေထိုင်သော အသက် ၁၆ နှစ်အရွယ် မ၀င့်ဝါဖြိုးက အစ်ကိုဝမ်းကွဲတော်စပ်သူ အသက် ၃၃ နှစ်အရွယ် ကိုအောင်မြင့်ဌေးနှင့် ဇူလိုင်လ (၆)ရက်ညပိုင်း၌ မင်္ဂလာမူဆယ်လမ်း၊ ဆန်စပါးကုန်စည်ဒိုင်ရှေ့ လမ်းမပေါ်တွင် စကားရပ်ပြောနေကြကြောင်း သိရသည်။ ယင်းကဲ့သို့ စကားပြောနေကြစဉ်အတွင်း အမည်မသိအမျိုးသားတစ်ဦးက ရုတ်တရက်ရောက်လာပြီး လက်ကိုင်ဖုန်းထည့်ထားသော ပိုက်ဆံအိတ်ကို လုယူခဲ့ခြင်းဖြစ်ပြီး ကိုအောင်မြင့်ဌေးက ပြန်လည်လုယူရာတွင် အမည်မသိ အမျိုးသားက ၄င်းကိုင်ဆောင်ထားသော ဓါးဖြင့် ပြန်ထိုးခဲ့ကြောင်း သိရသည်။ ယင်းကဲ့သို့ ဓါးဖြင့်ထိုးခဲ့မှုကြောင့် ကိုအောင်မြင့်ဌေးတွင် ထိုးသွင်းဒဏ်ရာများ ရရှိခဲ့ပြီး ဘေးပတ်ဝန်းကျင်က အကူအညီပေးမှုကြောင့်သာ လုယက်ဓါးထိုးသူကို ဖမ်းဆီးနိုင်ခဲ့ခြင်းဖြစ်ကြောင်း သိရသည်။ ယင်းဖြစ်စဉ်အတွက် အမည်မသိ အမျိုးသားကို ၀ိုင်းဝန်းဖမ်းဆီး စစ်ဆေးရာတွင် မူဆယ်မြို့ ကောင်းမှုတုံရပ်ကွက် ဆင်ဖြူဈေးဝင်းတွင် နေထိုင်သည့် အသက် ၂၄ နှစ်အရွယ် ကျန်းရွှင်ကျင်းဆိုသူ ဖြစ်ကြောင်းလည်း ပေါ်ပေါက်ခဲ့သည်။ လတ်တလောအနေဖြင့် ရဲတပ်ဖွဲ့ ဘက်ကလည်း ကျန်းရွှင်ကျင်းကို (ပ)၅၇၁/၂၀၁၉၊ ရာဇသတ်ကြီးပုဒ်မ ၃၉၄ ဖြင့် ဖမ်းဆီး၍အမှုဖွင့်စစ်ဆေးနေကြောင်း ဇူလိုင်(၇)ရက်က သတင်းထုတ်ပြန်ချက်အရ သိရသည်။
No comments:
Post a Comment