ပဲခူးတိုင်း ဖြူးမြို့ ဆားဂွန်းကျေးရွာမှာ မေလ ၂၅ ရက်နေ့ ညနေပိုင်းက မိုးကြိုးထိမှန်ပြီး အမျိုးသားတဦး သေဆုံးခဲ့တယ်လို့ ဖြူးမြို့မရဲတပ်ဖွဲ့စခန်းမှ တာဝန်ရှိသူတဦးက ပြောပါတယ်။ အဆိုပါအမျိုးသားဟာ မိုးရွာချိန်လယ်ကွင်းအတွင်း နွားကျောင်းနေစဉ်မှာ မိုးကြိုးအပစ် ခံခဲ့ရတာဖြစ်ပြီး နေရာမှာပင် သေဆုံးခဲ့တာလို့ ဆိုပါတယ်။
“ညနေပိုင်း မိုးရွာတဲ့အချိန်မှာ သူက လယ်ကွက်ထဲမှာ နွားကျောင်းနေတာ။ နေရာမှာတင် သေဆုံးသွားတယ်။ အလောင်းကိုတော့ ဖြူးဆေးရုံကို ရဲဆေးစာနဲ့ပို့ထားပါတယ်” လို့ ဖြူးမြို့မ ရဲတပ်ဖွဲ့စခန်းမှ တာဝန်ရှိသူက ပြောပါတယ်။
မိုးကြိုးထိမှန်သေဆုံးသူ ဦးဆိုဘ်နတ်ရဲ့အလောင်းကို ဖြူးပြည်သူ့ဆေးရုံသို့ ရဲဆေးစာနဲ့ ပို့ဆောင်ကာ သေမှုသေခင်းဖွင့်လှစ်ပြီး ဓမ္မတာအတိုင်းသေဆုံးခြင်း ဟုတ်မဟုတ် ဆေးပညာအရ စစ်ဆေးတာတွေ ဆောင်ရွက်နေကြောင်း သိရပါတယ်။
No comments:
Post a Comment