ရန်ကုန်တိုင်းဒေသကြီး ဒဂုံမြို့သစ်မြောက်ပိုင်းမြို့နယ်ရှိ ဆေးဆိုင် ၆ ဆိုင်အား သက်တမ်းလွန်ဆေးဝါးများရောင်းချနေခြင်းကြောင့် မေ ၂၁ ရက်မှစတင်၍ ယာယီပိတ်သိမ်းထားကြောင်း အစားအသောက်နှင့်ဆေးဝါးကွပ်ကဲရေးဦးစီးဌာနခွဲ (ရန်ကုန်)FDAမှ သိရသည်။ ယင်းဆေးဆိုင်များအားစစ်ဆေးရာတွင် ဆေးဆိုင် (၆) ဆိုင်မှ မြန်မာနိုင်ငံဆေးဝါးမှတ်ပုံတင်အမှတ်( Myanmar Registration No.) မပါရှိသောဆေးဝါး (၇၉) မျိုး၊ သက်တမ်းလွန်ဆေးဝါး (၆) မျိုး နှင့် စပ်ဆေးဟုယူဆရသောဆေး ထုပ် (၆) ထုပ်တို့ကို စစ်ဆေးတွေ့ရှိခဲ့သဖြင့် သိမ်းဆည်းခဲ့ပြီး ယင်းဆေးဝါးအရောင်းဆိုင်များအား စီမံခန့်ခွဲမှုနည်းလမ်းအရ အရေးယူနိုင်ရန်အတွက်စီစဉ်ဆောင်ရွက်လျက်ရှိကြောင်း FDA မှ သိရသည်။"ကျွန်တော်တို့ တမြို့နယ်မှာ ဆေးဆိုင်လေးဆိုင် ငါးဆိုင်လောက်စစ်ဆေးပါတယ်။ တလ ခြောက်မြို့နယ်နှုန်းနဲ့ စစ်ဆေးနေတာပေါ့။ စစ်ဆေးတဲ့အခါမှာ စည်းကမ်းသတ်မှတ်ချက်နဲ့မညီလို့ ဆိုင် ၆ ဆိုင်ကို ၃ ပိတ်သိမ်းအရေးယူထားပါတယ်"ဟု FDA (ရန်ကုန်) ညွှန်ကြားရေးမှူး ဒေါက်တာမင်းဝန်က ပြောသည်။
ထို့အပြင် ဆေးဆိုင်တစ်ဆိုင် မှာ ဆေးဝါးရောင်းချခွင့်လိုင်စင် မရှိဘဲ ဆေးဝါးရောင်းချနေကြောင်း တွေ့ရှိရခြင်းကြောင့် ဆေးဝါးဆက်လက်ရောင်းချခြင်းမရှိစေရန်နှင့် လိုအပ်သောအရေးယူမှုများပြုလုပ်ရန် ဆက်လက်လုပ်ဆောင်နေကြောင်း ဒေါက်တာမင်းဝန်ကဆက် ပြောသည်။
ယင်းသို့စစ်ဆေးရာတွင် မြို့နယ်အလိုက်ဖွင့်လှစ်ရောင်းချနေသည့် ဆေးဝါး (လက်လီ၊လက္ကား) ဖြန့်ဖြူးရောင်းချသူများ၊ ဆေးဆိုင်များတွင် ဆေးဝါးအတု၊ စံမညီဆေးဝါး၊ မြန်မာနိုင်ငံဆေးဝါးမှတ်ပုံတင်မရှိသောဆေးဝါးများ၊ စပ်ဆေးများ ရောင်းချမှုစစ်ဆေးတွေ့ရှိပါက ပထမတကြိမ် ဆိုင် ၃ လပိတ်သိမ်းခြင်း၊ ဒုတိယတကြိမ်စစ်ဆေးတွေ့ရှိပါက ဆိုင် ၆ လပိတ်သိမ်းခြင်းနှင့် တတိယတကြိမ်စစ်ဆေးတွေ့ရှိပါက အမျိုးသားဆေးဝါးဥပဒေဖြင့် တရားစွဲဆိုပြီး ဆေးဝါးရောင်းချခွင့်လမ်းစင်ပိတ်သိမ်းအရေယူကြောင်း သိရသည်။
၂ဝ၁၉ ခုနှစ် ၅ လအတွင်း မြို့နယ် တမြို့နယ်ဆေးဆိုင် ၅ ဆိုင်နှုန်းဖြင့်စစ်ဆေးခဲ့ရာ တောင် ဥက္ကလာပမြို့၊ လှိုင်မြို့နယ်၊ ကမာရွတ်မြို့နယ်၊ တွံတေးမြို့နယ်၊ ဒဂုံမြို့နယ်၊ ဒဂုံမြို့သစ် (မြောက်ပိုင်း)၊ တောင်ဒဂုံ၊ အင်းစိန်၊ မရမ်းကုန်း၊ မြောက်ဥက္ကလာပမြို့နယ်၊ လှိုင်မြို့နယ် အစရှိသည့်မြို့နယ်များမှ ဆေးဆိုင်များ၊ ဈေးများကို စစ်ဆေးခဲ့ကြောင်း FDA (ရန်ကုန်)မှ တာဝန်ရှိသူတဦးကပြောသည်။
No comments:
Post a Comment