ရှမ်းပြည်မြောက်ပိုင်း၊ ကွတ်ခိုင်မြို့ ရပ်ကွက် (၅) ရှိ ဈေးအနီးမှာ ဒီကနေ့မနက်က မီးလောင်မှု ဖြစ်ပွားပြီး အိမ်ဆိုင် ၃ လုံး မီးထဲပါသွားကာ လူ ၂ ဦး မီးလောင် သေဆုံးသွားပါတယ်။ ဒီမနက် ၄ နာရီလောက်က ဈေးအနီး စေတနာဖုံးဆိုင်ကနေ မီးစလောင်ပြီး အနီးနား အခြားဖုံးဆိုင် တဆိုင်နဲ့ ကုန်စုံဆိုင်တဆိုင်ကိုပါ လောင်ကျွမ်းသွားကြောင်း၊ အမျိုးသား ၁ ဦးနဲ့ အမျိုးသမီး ၁ ဦးတို့လည်း မီးထဲပါသွားပြီး သေဆုံးခဲ့ရတယ်လို့ ကွတ်ခိုင်ဗြဟ္မစိုရ် လူမှုကူညီရေး အသင်း ခေါင်းဆောင် ဦးတင်ဝင်းက ဒီဗွီဘီကို ပြောပါတယ်။“ကျနော်တို့ လူမှုကူညီရေးအဖွဲ့ထဲကရော၊ ရပ်ကွက်ထဲကလူတွေ အကုန်ဝိုင်းငြှိမ်းကြတယ်။ မီးလောင်ပြီး မိနစ် ၄၀ လောက်ကြာတော့မှ မီးသတ်ကား ၃ စီးလောက်လာပါတယ်။ မီးက မနက် ၆နာရီလောက်မှာမှ မီးညွန့်ကျိုးသွား တယ်ခင်ဗျ။ လူမှုကူညီရေးအဖွဲ့က စိုင်းစံဆိုတဲ့တယောက်က မီးထဲရောက်နေတဲ့ သူ့အဒေါ်ကို ၀င်ဆွဲရင်း သူလည်းမီးလောင်ခံရပြီး ဆုံးသွားတယ်။ နောက် အမျိုးသမီး ၁ ယောက်က မီးထဲမှာ ပိတ်မိပြီး ဆုံးသွားတာ၊ နာမည်တော့ မသိသေးဘူး။ အသက် ၂၀ ကျော်ဝန်းကျင်ရှိမယ်။ နှစ်ယောက်လုံး ပွဲချင်းပြီး ဆုံးတယ်လို့ဘဲပြောရမှာပေါ့ဗျာ။ ဆေးရုံကို အလောင်းအနေနဲ့ပဲ ပို့လိုက်ရတယ်လေ။”
မီးစလောင်ရတဲ့ အကြောင်းရင်းကို သေချာမသိသေးဘဲ ၀ိုင်ယာရှော့ဖြစ်တယ်လို့ ကနဦး ယူဆနေကြပါတယ်။
မီးလောင်ခံရတဲ့ အိမ်ဆိုင် ၃ ဆိုင်လုံးမှာ တန်ဖိုးကြီးတယ်လီဖုန်းအမျိုးမျိုးနဲ့ ကုန်မျိုးစုံတွေပါ ရောင်းချတာကြောင့် ဆုံးရှုံးမှုပမာဏ သိန်းပေါင်းထောင်နဲ့ချီရှိမယ်လို့ ခန့်မှန်း ကြောင်း ဦးတင်ဝင်းက ပြောပါတယ်။
သေဆုံးသူ စိုင်းစံ (အသက် ၃၀ ကျော်)ဟာ စေတနာဖုန်းဆိုင်ကဖြစ်ပြီး လူမှုရေးလုပ်ငန်း၊ ပရဟိတလုပ်ငန်းတွေမှာ တက်ကြွစွာလှုပ်ရှားကူညီတတ်သူ ဖြစ်တယ်လို့ အခြားမြို့ခံတဦး ကလည်း ဒီဗွီဘီကို ပြောသွားပါတယ်။
No comments:
Post a Comment