ပဲခူးတိုင်းဒေသကြီး လက်ပံတန်းမြို့နယ် ခမုံဆိပ်ကျေးရွာ အခြေခံပညာအထက်တန်းကျောင်းတွင်ဇွန်လ၂၇ရက်နံနက် ၁၀နာရီအချိန်ခန့်ကကျောင်းသူ၂၀ခန့်ကို သရဲဝင်ပူးသောကြောင့် ကျောင်းသူ မိဘများ စိုးရိမ်ထိတ်လန့်နေကြောင်း အဆိုပါအထက်တန်းကျောင်းမှသိရှိရသည်။ "သရဲဝင်ပူးတာဟုတ်ပါတယ် အယောက်နှစ်ဆယ်လောက်ရှိတယ် ဟိုတုန်းကသေ သွားတဲ့ကျောင်စောင့်တွေက ဝင်ပူးတာလို့ပြောတယ် ငိုတဲ့သူကငိုနဲ့ ဆေးရုံသွားတဲ့သူကသွားကြတယ်နှစ်ယောက်လောက်က သတိလစ်နေတုန်းဘဲ ဒီနေ့လည်တော့ ကျောင်းပိတ်လိုက်တယ် သေ သွားတဲ့ကျောင်းစောင့်တွေရဲ့မိသားစုဝင်တွေက ပရိတ်ရွတ်မယ် ဆွမ်းကျွေးမယ်ပြောတယ်"ဟုကျောင်းသူမိဘတစ်ဦးက ပြောကြားသည်။
အဋ္ဌမတန်း ၊နဝမတန်းနှင့် ဒသမတန်းမှကျောင်းသူစုစုပေါင်းနှစ်ဆယ်ခန့်ကို သရဲဝင်ပူးခြင်းဖြစ်ကြောင်ိးု့ကျောင်းသူမိဘ ဖြစ်သော ဒေါ်အေးအေးက ပြောသည်။"တစ်ချို့က လုံချည်တွေစွဲချွတ်တယ် တစ်ချို့က ခုံတွေ လွှတ်ပစ်တယ်။ဘယ်လိုမှ ထိန်းလို့မရဘူး ။တော်တော်ကြမ်းတယ်။ ဗုဒ္ဓံ သရဏံ ဂစ္ဆာမိ ဘုရားစာရွတ်တာလည်းမရဘူး။ အိမ်ပြန်ခေါ်သွားတော့လည်းကျောင်းပြန်ပို့ပေးလို့အော်နေကြတယ်။ ကျွန်မတို့လည်း အရမ်းစိုးရိမ် ထိတ်လန့်ရပါတယ်" ဟု Speakerသို့ ပြောသည်။
ကျောင်းသူများသည်သချိုင်္င်းစောင့်မဖဲဝါခေါ်တမ်းကစားကြခဲ့ကြသောကြောင့် ယခုကဲ့သို့ ဖြစ်နေရသည်ဟု ပြောဆိုမှုများဖြစ်ပေါ်နေသည်။
`ကလေးတွေကို ဘုရားခန်းရွှေ့တယ်။ မိဘတွေကလည်းစိုးရိမ်ပြီးရောက်လာကြတော့အထိတ်တလန့်  ဖြစ်ကြတာပေါ့ ။အဲ့ဒါ နဲ့နေ့ခင်းကျောင်းပိတ်လိုက်တယ်။ ပြီးခဲ့တဲ့နှစ်ကအခုလိုဖြစ်လိုက်သေးတယ် ဒါပေမဲ့ အခုလောက်မဟုတ်ဘူး ခဏပဲဖြစ်တာပါ။ဒီနှစ်ဒီလိုဖြစ်တယ်ဆိုတော့ သိပ်မယုံချင်ပေမယ့် ဘုန်းကြီးတွေပင့်ပြီးပရိတ်ရွတ် ရတယ်"ဟုကျောင်းအုပ်ဆရာကြီးဦးမောင်မောင်မြင့်ကပြောကြားသည်။
သတိလစ်သွားသောကျောင်းသူများကွို ဆေးရုံ သိုို့ပို့ပြီးဆေးကုသမှုခံယူရာ ဆရာဝန်မှအားနည်း၍ဖြစ်ကြောင်း မှတ်ချက်ပေးပြောကြားပြီးကျောင်းသူတစ်ဦးမှာဆေးရုံတွင် အကြောဆွဲကာ သက်သာမှုမရှိသောကြောင့်အိမ်သို့ပြန်၍ဆရာတော်တစ်ပါးမှပရိတ်ရွတ်ဆိုပေးရာသရဲထွက်သွားပြီးသက်သာသွားကြောင်းကျောင်းဆရာမတစ်ဦးထံမှသိရှိရသည်။
No comments:
Post a Comment