တရုတ်နိုင်ငံ၊ ယူနန်ပြည်နယ်၊ တယ်ဟုန်ပြည်နယ်ခွဲ၊ လုံချွန်ခရိုင် ကြံစိုက်ခင်းတွင် အလုပ်လုပ်ကိုင်နေသည့် မြန်မာနိုင်ငံသား (၇)ဦး မှိုရိုင်းများချက်စားရာမှ မှိုအဆိပ်သင့်မှုကြောင့် (၄)ဦးသေဆုံးခဲ့ကြောင်း သိရှိရသည်။ မှိုအဆိပ်သင့်မှုကြောင့် ဦးထွန်းထွန်းဦး(၃၆)နှစ်၊ ဦးထွန်းလင်း(၄၃)နှစ်၊ မောင်တင်ဆန်းလင်း(၁၈)နှစ်၊ ဦးစူပါ(၂၆)နှစ်၊ မသိန်းသိန်းဝင်း(၂၈)နှစ်၊ မစုမြတ်ခိုင် (၂၃)နှစ်နှင့် မကေဇင်သွယ်(၁၈)နှစ်တို့သည် ဇွန်လ (၂၀)ရက်တွင် (နေ့လည်တစ်ခါ၊ ညနေတစ်ခါ) ကြံစိုက် ခင်းနားရှိ မှိုရိုင်းများချက်စားရာမှ အစာအဆိပ်သင့်ပြီး လုံချွန်ခရိုင်ဆေးရုံတွင် (၅) ရက်ကြာကုသမှုခံယူသော် လည်း ထူးခြားမှုမရှိသောကြောင့် ကူမင်းမြို့ရှိ မြန်မာနိုင်ငံ ကောင်စစ်ဝန်ချုပ်ရုံးနှင့် ယူနန်ပြည်နယ်၊ ပြည်သူ့ အစိုးရ နိုင်ငံခြားရေးရုံး၊ ကောင်စစ်ရေးရာဌာနတို့၏ ကူညီမှုဖြင့် မြန်မာနိုင်ငံသို့ ဇွန်လ(၂၆)ရက် နေ့လည်(၃) နာရီအချိန် ခန့်တွင် လွှဲပြောင်းပေးခဲ့သည်။
လွှဲပြောင်းပေးရာတွင် မြန်မာနိုင်ငံ လူဝင်မှုကြီးကြပ် ရေးနှင့်ပြည်သူ့အင်အားဦးစီးဌာန ဦးစီးမှူး ဦးစန်းဝေ၊ ဒုတိယအုပ်ချုပ်ရေးမှူး ဦးအောင်ကျော်မိုးနှင့် တာဝန်ရှိသူများမှ လက်ခံခဲ့ပြီး မူဆယ်မြို့၊ လူမှုကရုဏာ လူမှုကူညီ ရေးအသင်းမှ လူနာတင်ယာဉ်(၅)စီးဖြင့် မူဆယ်ပြည်သူ့ ဆေးရုံးသို့ ပို့ဆောင်ခဲ့ကြောင်း သိရသည်။
အဆိုပါ မှိုအဆိပ်သင့်သည့် လူနာများအား မြို့နယ်အ ထွေထွေအုပ်ချုပ်ရေးဦးစီးဌာန၊ ခရိုင်လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာန၊ မြို့နယ်မိခင်နှင့်ကလေး စောင့်ရှောက်ရေးအသင်းတို့မှ ကူညီထောက်ပံ့ငွေများနှင့် အသုံးအဆောင်ပစ္စည်းများ ပေးအပ်ခဲ့ကြသည်။
မူဆယ်ပြည်သူ့ဆေးရုံမှတစ်ဆင့် မူဆယ်မြို့၊ လူမှုက ရုဏာ လူမှုကူညီရေးအသင်းမှ လူနာတင်ယာဉ်(၄)စီးဖြင့် ညနေ (၅)နာရီအချိန်ခန့်တွင် မန္တလေးပြည်သူ့ဆေးရုံသို့ ဆက်လက်ကုသရန်ပို့ဆောင်ခဲ့ရာ ဇွန်လ (၂၇)ရက်နေ့တွင် မန္တလေး ပြည်သူ့ဆေးရုံ၌ (၄)ဦး သေဆုံးသွားခဲ့ ကြောင်း မူဆယ်မြို့ လူမှုကရုဏာ လူမှုကူညီရေးအသင်း ဥက္ကဌ ဦးသောင်းထွန်း၏ ပြောပြချက်အရသိရသည်။
No comments:
Post a Comment