ရေဘေးအကူအညီ ပေးအပ်နိုင်ရေး အဆင်သင့် ပြင်ဆင်ထားကြောင်း မြန်မာနိုင်ငံဆိုင်ရာ ကုလသမဂ္ဂ ဌာနေညှိနှိုင်းရေးမှူး နှင့် လူသားချင်းစာနာ ထောက်ထားမှုဆိုင်ရာ ညှိနှိုင်းရေးမှူး မစ္စတာ ခနုသ်အာစဘီက ပြောကြား သည်။ ‘‘ဧရာဝတီမြင့်တက်လာမှု အခြေအနေ အဆင့်ဆင့်ကို ကုလသမဂ္ဂအနေနဲ့ မျက်ခြည်မပြတ် စောင့်ကြည့်နေပါတယ်။ လိုအပ်ရင် သက်ဆိုင်ရာ တာဝန်ရှိသူတွေ ကတစ်ဆင့် လူသားချင်းစာနာ ထောက်ထားမှုဆိုင်ရာ အကူအညီတွေ ဖြန့်ဝေပေးအပ်နိုင်ရေး အဆင်သင့် ပြင်ဆင်ထားပါတယ်’’ဟု မစ္စတာခနုသ်အာစဘီက ဇူလိုင် ၁၀ ရက်တွင် ၎င်း၏တွစ်တာစာမျက်နှာ၌ ရေးသားခဲ့သည်။
ဧရာဝတီမြစ်ရေသည် မြစ်ကြီးနား၊ ဗန်းမော်နှင့် ရွှေကူမြို့တွင် စိုးရိမ်ရေမှတ်အနီး ရောက်ရှိနေ၍ မြစ်ကမ်းအနီးနှင့် မြေနိမ့်ပိုင်း နေထိုင်သူများ ရေဘေးအထူးသတိပြု နေထိုင်ရန် မိုးလေ၀သနှင့် ဇလဗေဒညွှန်ကြားမှု ဦးစီးဌာနက သတိပေးချက် ထုတ်ပြန်ထားသည်။ ဧရာဝတီမြစ်သာမက ချင်းတွင်းမြစ်နှင့် အခြားမြစ်သုံးစင်းလည်း ရေတက်လာ၍ မြစ်ကမ်းဘေးဒေသများ ရေဘေး သတိပြုရန် မိုးဇလက သတိပေး ထားသည်။ ကချင်ပြည်နယ် ၀ိုင်းမော်မြို့နယ်ရှိ ဆဒေါင်းမြို့နှင့် ရွာငါးရွာ၌ ဇွန်လနောက်ဆုံးပတ်က ဖြစ်ပွားသည့် ရေကြီး ရေလျှံမှုနှင့်မြေပြိုမှုများတွင် ထိခိုက်ခံစားရသူများကို ဘေးအန္တရာယ် စီမံခန့်ခွဲရေး ဦးစီးဌာန၊ မြန်မာနိုင်ငံ ကြက်ခြေနီအသင်းတို့မှ လူသားချင်းစာနာမှုဆိုင်ရာ အကူအညီပေးရေး မိတ်ဖက်အဖွဲ့အစည်း များနှင့် ပူးပေါင်း၍ ကုလသမဂ္ဂက ကူညီထားကြောင်း ကုလသမဂ္ဂ လူသားချင်း စာနာမှုဆိုင်ရာ ညှိနှိုင်းရေးရုံး (UNOCHA)က ထုတ်ပြန်ထားသည်။
No comments:
Post a Comment