အိန္ဒိယနိုင်ငံ Andhra ပြည်နယ်တွင် မေလ ၁၁ ရက် ၌ ယာဉ်မတော်တဆမှု တစ်ခုဖြစ်ပွားခဲ့ပြီး အနည်းဆုံး ၁၅ ဦး သေဆုံးခဲ့ကြောင်း သိရှိရသည်။ အိန္ဒိယနိုင်ငံ သတင်းမီဒီယာများ၏ ဖော်ပြချက်အရ မေလ ၁၁ ရက် ၌ မော်တော်ယာဉ် တစ်စင်းနှင့် ခရီးသည်တင်ယာဉ်တစ်စင်းတို့ တိုက်မိခဲ့ကြောင်း ၊ ယာဉ်တိုက်မှုကြောင့် အနည်းဆုံးလူ ၁၅ ဦး သေဆုံး ခဲ့ပြီး ၆ ဦး ဒဏ်ရာရရှိခဲ့ကြောင်း ၊ မော်တော်ယာဉ်သည် မော်တော်ဆိုင်ကယ်အား တိမ်းရှောင်စဉ် အရှိန်မထိန်းနိုင်တော့ဘဲ ခရီးသည်တင်ယာဉ် အား ဝင်တိုက်မိခဲ့ကြောင်း ၊ ယာဉ်တိုက်မှု ဖြစ်ပွားရသည့် အဓိကအကြောင်းရင်းမှာ မော်တော်ယာဉ်သည် သတ်မှတ်အရှိန်ထက် ကျော်လွန် မောင်းနှင်ခဲ့ခြင်းကြောင့်ဖြစ်ကြောင်း သိရှိရသည်။အိန္ဒိယ နိုင်ငံ တွင် ကားလမ်းအခြေအနေ ဆိုးရွားခြင်း ၊ ယာဉ်မောင်းများ စည်းကမ်း မလိုက်နာခြင်း ၊ ဝန်ပိုတင်ဆောင်ခြင်း စသည် တို့ကြောင့် ယာဉ်မတော်တဆမှု မကြာခဏ ဖြစ်ပွားလေ့ရှိပြီး စာရင်းပြုစုချက် အချို့ အရ နှစ်စဉ် လူပေါင်း တစ်သိန်းခွဲခန့် ယာဉ်မတော်တဆမှု ကြောင့် သေဆုံးခဲ့ရကြောင်း သိရှိရသည်။
No comments:
Post a Comment