‘စိန’က အပြန်

အထုပ်အပိုးကိုယ်စီ ထမ်း သယ်လာကြသည့် လူ ၃၀ ကျော် ရှိမည့် လူအုပ်ကြီးတစ်စုသည် တရုတ်ပြည်တစ်နေရာရှိ လူစည် ကားရာ မီးပွိုင့်တစ်ခုတွင် ရပ် လိုက်ကြသည်။ လူအုပ်အလယ် တွင် မိန်းကလေးခြောက်ဦးခန့် ပါပြီး ထိုမိန်းကလေးများကို ယောက်ျားသားများက ပတ်ပတ်လည်ကာထားကြသည်။ စိုးထိတ် နေကြသော မျက်လုံးကိုယ်စီဖြင့် ထိုလူစုသည် ဘေးပတ်ပတ်လည် ရှိ ဆိုင်ခန်းများ၊ လူအများကြားစေ ရန် ပလိစ်ဟဲမီ... ၊ ဝဲလ်အစ်စ် သယ်ပုလိစ်စတေရှင် စသဖြင့် အော်ဟစ်ကြသည်။
ထိုလူစုသည် ကူရာကယ်ရာမဲ့နေသဖြင့် တရုတ် ပြည်ရှိ မီးပွိုင့်တစ်ခုတွင် စုဝေး ကာ အော်ဟစ်နေကြခြင်းဖြစ် သည်။ ထိုလူအုပ်ထဲမှ အသံတချို့ လည်း ထွက်လာသည်။ ‘‘ကယ်ကြ ပါဦးဗျာ။ ကျွန်တော်တို့ကို ကယ် ကြပါဦး’’ဟူသည့် မြန်မာစကား။ သို့သော် ထိုမြန်မာစကားကိုတော့ မည်သူမှ နားလည်ပုံမရ။ မီးပွိုင့် ဝန်းကျင်က ကားတွေ၊ လူတွေက တော့ ထိုလူအုပ်ကို အထူးအဆန်း သဖွယ်ငေးကြည့်လျက်။


တရုတ်နိုင်ငံ၌ ဂျင်းဘောင်းဘီစက်ရုံတွင် အလုပ်လုပ်ရမည်ဟုဆိုပြီး အသားများကို ရေခဲရိုက်ရသည့်စက်ရုံ၌ လိမ်၍အလုပ်သွင်းခံရသည့် လုပ်သားများ၏အိပ်ခန်းကို တွေ့ရစဉ်

၂၀၁၈ အောက်တိုဘာ ၃၀ ရက် ည

အန်စာတုံးကားလေးတစ်စီး သည် မုံရွာ-မန္တလေးလမ်းအတိုင်း အရှေ့သို့ မောင်းနှင်နေသည်။ ထို ကားပေါ်တွင် အသက် (၂၀) ကျော်မှ (၄၀)ကျော်အထိ အမျိုး သား၊ အမျိုးသမီး ၁၅ ဦး လိုက်ပါ လာကြသည်။ အမျိုးသမီးလေးဦး နှင့် အမျိုးသား ၁၁ ဦးတို့ဖြစ် သည်။ သူတို့အားလုံး ခရီးစဉ်တစ် ခုအစအတွက် ပျော်ရွှင်မြူးထူးနေပုံရသည်။ တစ်ယောက်နှင့်တစ် ယောက် စလိုက်နောက်လိုက် ရယ်မောနေကြသည်။ ထိုအဖွဲ့ထဲ တွင် အသက် (၂၁)နှစ်အရွယ်အောင်သူဝင်းလည်း ပါသည်။ သူလည်း သူ့ရည်မှန်းချက်တွေဖြင့် ဒီခရီးကို လိုက်ပါလာခြင်းဖြစ် သည်။ ကြည်နူးလည်း ကြည်နူး စရာ။ ဒီခရီးစဉ်က သူတို့ဘဝတစ်ခုအပြောင်းအလဲအတွက် ပထမ ခြေလှမ်းမဟုတ်လား။

အောင်သူဝင်းတို့သည် စစ် ကိုင်းတိုင်းဒေသကြီး ဘုတလင် မြို့နယ် ဝက်ရဲရွာက ဖြစ်သည်။ ဝက်ရဲရွာက ဘုတလင်မြောက် ဘက် ၁၇ မိုင်လောက်အကွာမှာရှိ သည်။ လမ်းပန်းဆက်သွယ်ရေး ကလည်း သိပ်မကောင်း၊ လျှပ်စစ်မီးလည်း မရသေးသည့် အနည်း ငယ်ခေါင်သည့်ရွာဖြစ်သည်။ သူ တို့ရွာသည် ဆီး (သီး)နှင့် ပဲစင်းငုံ၊ မြေပဲ စသည့်သီးနှံများ စိုက်ပျိုး ကြသည်။ ဆီးသီးကို စီးပွားဖြစ် စိုက်ပျိုးပြီး တရုတ်ပြည်ပို့ကြ သည်။ သူတို့အားလုံးသည်လည်း ရွာမှာတင် တောင်သူအလုပ်ကို ပျော်ပျော်ရွှင်ရွှင်လုပ်ခဲ့ကြသူများ ဖြစ်သည်။


စက်ရုံမရောက်မီ လမ်းခရီးတွင် ခေတ္တရပ်နားစဉ်

သို့သော် ပြီးခဲ့သည့် ၂ နှစ် လောက်ကစတင်ကာ ဆီး (သီး) နှင့် ပဲစင်းငုံဈေးတွေ ထိုးကျသည်။ ဆီးသီးက တစ်ပြည်ကို လုပ်သားခ၁၀၀ လောက်ကျတာကို ၅၀ သာ ရသည်။ အဲဒီမှာတင် ရွာသူရွာ သားတွေ အခက်အခဲဖြစ်ကြ၊ စီးပွားရေးတွေ ထိခိုက်ကြသည်။ ဝမ်းရေးအတွက် ခက်ခဲလာကြ သည်။ ထိုအချိန် သူတို့အတွက် လွတ်မြောက်ရာ လမ်းစလေးတစ် ခုပေါ်လာသည်။ ဒီပဲယင်းဘက်က ရွာတစ်ရွာက လူတစ်ယောက်ဆီ ကဖြစ်သည်။ တရုတ်ပြည်သွား အလုပ်လုပ်မလားတဲ့။ ဂျင်း ဘောင်းဘီစက်ရုံတဲ့။ တစ်လတစ် လ စားပြီးသောက်ပြီး ခြောက် သိန်းလောက်ရမှာတဲ့။

ရွာမှာ အဆင်မပြေတာမို့ တချို့တွေက စိတ်ဝင်စားကြ သည်။ သို့ဖြင့် တစ်ယောက်နဲ့တစ် ယောက် တိုင်ပင်ရင်း လိုက်ဖို့ပြင် ကြတာ လူပေါင်း ၁၅ ဦးဖြစ်သွား သည်။ တစ်ယောက်ကို ပွဲခအဖြစ်နှစ်သိန်းခွဲပေးရမည်။ တရုတ်ပြည်နယ်စပ်အထိ ကိုယ့်စရိတ်နဲ့ကိုယ် သွားရမည်တဲ့။ ဒီလောက်တော့ ရင်းရမှာပေါ့ဟု တွေးပြီး တစ်ဦး လျှင် ငါးသိန်းစီလောက် ရှာကြ သည်။ အိမ်ရှိတာ ပေါင်နှံရောင်း ချသူရောင်းချ၊ မရှိသူက အတိုးနှင့် ဆွဲလိုဆွဲရဖြင့် တရုတ်ပြည် ခရီးစဉ် စတင်ခဲ့ကြလေသည်။

ချင်းရွှေဟော်ရောက်တော့ ဒီပဲယင်းက ပွဲစားက သူတို့အဖွဲ့ ကို တခြားပွဲစားလက်ထဲထည့် လိုက်သည်။ ထိုပွဲစားဖြင့် သူတို့ တတွေ တရုတ်ပြည်ထဲကိုဝင် သည်။ မိန်းတိန်ကနေ နိုဝင်ဘာ ၁ ရက်နေ့မှာ စထွက်သည်။ လမ်း ခရီးမှာလည်း အစားအသောက် လည်း ကောင်းကောင်းမစားရ၊ အပေါ့အပါးသွားချင်တာတောင် မလွယ်၊ သို့သော် သူတို့အဖွဲ့တွေ သည်းခံသည်။ အလုပ်လုပ်ရမယ့် နေရာရောက်လျှင်တော့ အဆင် ပြေမှာပါဟု။

သူတို့ အလုပ်လုပ်ရမည့်စက် ရုံသည် ဘယ်လောက်ဝေးလဲ တောင်မသိ။ တရုတ်ပြည်ထဲမှာ တင် နိုဝင်ဘာ ၁ ရက်နေ့က စထွက်တာ ၅ ရက်နေ့ ညပိုင်း လောက်မှ နှင်းတွေအေးခဲနေ အောင်ကျသော ဒေသတစ်ခုကို ရောက်ရှိလာခဲ့သည်။ ရောက်ပြီ တဲ့။ မကြီးလွန်းသော၊ မကျယ် လွန်းသော စက်ရုံဝင်းတစ်ခုအ တွင်းသို့ ဝင်ခဲ့ရခြင်းဖြစ်သည်။ ရောက်ရောက်ချင်း သူတို့နှာ ခေါင်းဝတွင် ရလာသည့်အနံ့က ပုပ်အဲ့အဲ့အနံ့တွေ။ ဂျင်းဘောင်း ဘီစက်ရုံက ဘာကြောင့် ပုပ်စော်နံ နေရသလဲ သူတို့စဉ်းစားရသည်။


တရုတ်ပြည်မှပြန်လာသူ၁၅ဦးအနက် ရှစ်ဦးအား မေလ၅ရက်က ဝက်ရဲရွာတွင် ပြုံးရွှင်စွာတွေ့ရစဉ် (ဓာတ်ပုံ-ညီညီဇော်)

သူတို့တွေကို အခန်းကျဉ်း တစ်ခုထဲတွင် စုပေါင်းနေရာချ ပေးသည်။ နောက်ရက်မှ နှစ်ထပ် ခုတင်များဆီ ပြောင်းပေးသည်။ ရောက်ရောက်ချင်း အလုပ်က တော့ မလုပ်ရသေး။ နားဦးဟုဆို သည်။ လေး၊ ငါးရက်ကြာတော့မှ အလုပ်စရသည်။ သို့သော် အ လုပ်က သူတို့ ထင်ထားသလို ဂျင်းဘောင်းဘီစက်ရုံမဟုတ်။ တိရစ္ဆာန်အသားတွေကို မပုပ် မသိုးအောင် ရေခဲတွေဖြင့် ရိုက် ပေးရသည့် လုပ်ငန်းတစ်ခုဖြစ်နေ သည်။ သူတို့ ခွေးသေတွေကို ကိုင်ရသည်။ ကြက်သားတွေ၊ ကင်းမွန်တွေကို တုတ်ဖြင့် ထိုးရ သည်။ အာလူးတွေ အခွံနွှာရ သည်။

အလုပ်ချိန်က မနက် ၇ နာရီ မှ ည ၁၀ နာရီအထိ၊ ထမင်းစား ချိန် နာရီဝက်သာနားရသည်။ ထမင်းဆို၍ ပြောရဦးမည်။ ရောက်စကတည်းက သူတို့ကိုကျွေးသော ထမင်းက အတော်လေး အံ့ဩဖို့ ကောင်းခဲ့သည်။ ပန်းကန်လေး တစ်လုံးထဲ နှစ်လုတ်စာလောက် သာရှိမည့် ထမင်းလေးသာ။ တောသူတောင်သားများမို့ မဝ၍ ထပ်တောင်းချင်လည်းမရ။ ထမင်း ကနည်း၍ ဟင်းကများမည်လား၊ ပိုတောင်ဆိုးနေသေးသည်။ နေ့ စဉ်နေ့တိုင်း သူတို့စားရသည့်ဟင်း တွေက ဆိုးရွားလွန်းလှသည်။ ဆလတ်ရွက်ရေလုံပြုတ်ဟင်း၊ ပုပ်တော့မည့် အာလူးသီးဟင်းများ သာ နေ့စဉ်စားရသည်။ ထမင်း၊ ဟင်း မချက်သည့်နေ့တွေဆို ပေါက်စီသေးသေးလေး နှစ်လုံး သာ ကျွေးလေသည်။

မူလက ဂျင်းဘောင်းဘီစက် ရုံဟု ပြောပြီးပို့ခဲ့သည့်ပွဲစားကို အင်တာနက်ကနေတစ်ဆင့် လှမ်း မေးသည်။ ဘယ်လိုဖြစ်တာလဲ ဟု။ သူကတော့ သည်းခံနေဖို့၊ နောက်တော့ ပြောင်းပေးမှာပါဟု နှစ်သိမ့်သည်။ ထိုသို့ သည်းခံနေ ရင်း တစ်လပြည့်တော့လည်း လုပ်ခမရ။ အစကတည်းက တရုတ်ပြည်တွင်း ခရီးစရိတ်အ ဖြစ် တစ်လလုပ်ပေးရမည်ဟုပြော ပြီးသားတဲ့။ သူတို့လည်း ဟုတ်ပါ ပြီဟု လက်ခံပေးကာ ဆက်လုပ် ကြသည်။ ထိုသို့ ဆက်လုပ်နေရင်း အဆင်မပြေမှုတွေက တစ်နေ့ တခြား ပိုပိုဆိုးလာသည်။ အစား အသောက်ကောင်းကောင်းမစား ရသဖြင့် အာဟာရပြတ်သူတွေ လည်းရှိလာသည်။ ကျန်းမာရေး တွေလည်း ချို့ယွင်းလာကြသည်။


ခွေးများကို ရေခဲရိုက်ပေးနေစဉ်

တစ်ခုကံကောင်းသည်က သူတို့ပါလာသည့် ဖုန်းတွေထဲက မြန်မာဆင်းမ်ကတ်တစ်မျိုးက ဖုန်း လိုင်းလာမိနေသည်။ ထို့ကြောင့် ဗိုက်ဘာကနေတစ်ဆင့် ရွာနဲ့လှမ်း ချိတ်သည်။ အဆင်မပြေတဲ့အ ကြောင်း ပြောပြကြသည်။ ရွာက အုပ်ချုပ်ရေးမှူး ဦးစိုးလင်းတို့၊ ရွာ ကနေ မုံရွာတက် အလုပ်လုပ်နေ သည့် ကိုဇော်ရဲမောင်တို့ကို လှမ်း ချိတ်သည်။ သူတို့ကနေတစ်ဆင့် ၈၈ ငြိမ်းပွင့်က ကိုဝင်းဇော်ခိုင်တို့ ကိုလည်း ချိတ်မိသည်။ ကိုဝင်း ဇော်ခိုင်ကနေတစ်ဆင့် သက်ဆိုင် ရာကိုလည်း တင်ပြပေးသည်။

 သူတို့ရောက်သည့်နေရာ မြေပုံတွေကို အင်တာနက်ဖြင့်ရှာကာ ပို့ပေးကြသည်။ နောက်မှ သိရသည်က သူတို့ရောက်သည့် နေရာသည် တရုတ်ပြည်အစွန်အ ဖျား ပင်လယ်နှင့်တောင်နီးသည် ဟု သိခဲ့ရသည်။ သူတို့ဖုန်းတွေက နယ်ခြားမှာ သုံးနေတာမို့ ဘီလ် တွေ အတော်ဖြတ်သည်။ သို့သော်ရွာသူရွာသားတွေ၊ မိသားစုဝင် တွေက ဖုန်းဘီလ်တွေ စုပေါင်း စိုက်ကာ ထည့်ထည့်ပေးကြ သည်။ ထိုသို့ အင်တာနက်ကနေ ဆက်သွယ်ရင်း တရုတ်ပြည်တွင်း လိုက်ပို့ခဲ့သည့် ‘ဝ’အမျိုးသမီးနဲ့ ပြန်ချိတ်ဆက်မိသည်။ အောင်သူဝင်းတို့တစ်တွေ ဒီစက်ရုံမှာ အဆင်မပြေတဲ့အကြောင်း ပြောပြကြ သည်။ ထိုအမျိုးသမီးက အလုပ်ရှာပေးမယ်ဟုပြောပြီး သိပ်မကြာ ဆက်သွယ်လာခဲ့သည်။ အရုပ် စက်ရုံတစ်ခုမှာ လုပ်ရမည်တဲ့။

ဒီဇင်ဘာ ၁၀ ရက်နေ့ ညဥ့် သန်းခေါင်တွင် စက်ရုံထဲကနေ သူတို့အဖွဲ့တွေ ထွက်ပြေးဖို့ စီစဉ်ထားသည်။ သူတို့အဖွဲ့က မူလ တုန်းက ဝက်ရဲရွာ ၁၅ ဦးတင်မဟုတ်တော့။ ခရီးစဉ်စကတည်း ကပါလာခဲ့သည့် ဒီပဲယင်း၊ ကနီ နယ်ဘက်ကလူတွေပါပါသည့် စုစုပေါင်း ၃၀ ကျော်လောက်ဖြစ် နေလေပြီ။ သူတို့အဖွဲ့သည် ထို စက်ရုံထဲကနေ တိတ်တဆိတ် ထွက်ပြီး စက်ရုံနှင့် မနီးမဝေးတွင်သူတို့ နောက်ပြောင်းမည့် အရုပ် စက်ရုံက လာကြိုသည့်ကားဖြင့် ထွက်ခွာသွားခဲ့ကြလေသည်။


ဝန်ထမ်းဆောင်တွင် တွေ့ရစဉ်

 အရုပ်စက်ရုံရောက်တော့ သူတို့တွေ လုပ်ရကိုင်ရမည့်အနေ အထားတွေ လေ့လာကြသည်။ စားရသောက်ရတာလည်းမဆိုး၊ ဝင်ငွေလည်း သင့်သည်။ သို့သော် သူတို့အတွက် အခက်အခဲတစ်ခု က ကြိုဆိုနေခဲ့သည်။ ထိုအရုပ် စက်ရုံပိုင်ရှင်က ‘‘လူက ၂၀ လောက်ပဲလိုတာ။ ၃၀ ကျော်မလို ဘူး’’တဲ့။ သူတို့အားလုံး စိတ်ဓာတ် ကျသွားခဲ့ရသည်။ သူတို့ကတော့ တစ်ဖွဲ့လုံးမခွဲချင်။ ဒုက္ခရောက် လည်း တူတူရောက်ကြမည်။ ဒီ အလုပ်မရဘူးဆိုလျှင် သူတို့ဘာ လုပ်ကြမည်နည်း။ မြန်မာပြည် လည်း ပြန်စရာလမ်းစရိတ်မရှိ။ ပြန်လည်း မပြန်တတ်။ နောက် ဆုံးတော့ သူတို့တွေသည် ပွဲစား ၏ ဖျောင်းဖျမှုဖြင့် မူလအလုပ်ရုံ သို့သာ ပြန်ခဲ့ရလေသည်။

မူလစက်ရုံပြန်ရောက်တော့ သူတို့တွေကို ဖုန်းတွေသိမ်းတော့ သည်။ တချို့က မပေးချင်သဖြင့် ရုန်းရင်းဆန်ခတ်ဖြစ်ကြသည်။ ထိုသို့ ဖြစ်နေတုန်း တစ်ယောက် က လွတ်ကျလာသည့် ဖုန်းတစ်ခု ကို အမြန်ကောက်ယူထားလိုက် သည်။ ထိုဖုန်းအပြင် ဝှက်ထား သည့် ဖုန်းတစ်လုံး၊ အခန်းထဲတွင် ကျန်နေသည့် ဖုန်းတစ်လုံးဖြင့် သူ တို့လက်ထဲတွင် ဖုန်းသုံးလုံးကျန် နေခဲ့သေးသည်။

မူလအလုပ်ပြန်ရောက်ပြီး တော့ သူတို့ကို အရင်ထက်ပိုကျပ် လာခဲ့သည်။ အစောင့်တွေနှင့် ထားတာမျိုးတွေ ဖြစ်လာသည်။ ဘေးပတ်ဝန်းကျင်မှာလည်း နှင်း တောကြီးသာ ဖုံးလွှမ်းနေသည်။ လုပ်ခကလည်း တစ်ပြားမှမရ။ တဖြည်းဖြည်းနှင့် သူတို့ကိုယ်သူ တို့ အကျဉ်းသားတွေလို ခံစားလာ ရသည်။ ထိုသို့ နေလာရင်း တစ် ရက်တော့ အပြောင်းအလဲတစ်ခု ပေါ်လာလေတော့သည်။ ထိုနေ့ က တရုတ်ပြည်ရောက်ပြီး သုံးလ ခန့်အကြာ ၂၀၁၉ ဇန်နဝါရီ ၂၈ ရက်နေ့။

သူတို့တစ်တွေကို စက်ရုံအ ကြီးအကဲတစ်ယောက်က လက် မှတ်ထိုးခိုင်းသည်။ လစာတွေပေးဖို့ပါတဲ့။ လက်မှတ်ထိုးစာရွက်အ ပေါ် မြန်မာလိုရေးထားသည့် စာ ရွက်ကို သေချာဖတ်ကြည့်တော့မှ ရွာက မိဘတွေဆီ အဆင်ပြေ ကြောင်း၊ တစ်နှစ်အထိ လုပ်ကိုင် ပါမည်အကြောင်း ရေးထားသည့် စာတွေ တွေ့ရသည်။ သူတို့ သည်းမခံနိုင်တော့။ ဒါ နားလှည့်ပါးလှည့် လုပ်ခြင်းသာဖြစ်ကြောင်း၊ ဘယ် လိုမှ ဆက်နေဖို့ မသင့်တော့တဲ့အ ကြောင်း ပြောကြသည်။ မည်သူ မှ လက်မှတ်ထိုးမပေးသေးဘဲ အခန်းထဲတွင် စုဝေးတိုင်ပင်ကြသည်။

နောက်ဆုံး ဆုံးဖြတ်ချက် တစ်ခုချလိုက်သည်။ ထွက်ပြေးကြစို့တဲ့။


ထမင်းစားချိန်ဝန်ထမ်းများအနားယူနေစဉ်

ကိုယ့်အဝတ်အစားထုပ်တွေ အမြန်သိမ်းဆည်းကြသည်။ ထို အချိန်က စက်ရုံထဲတွင် မန်နေဂျာ တစ်ယောက်လောက်သာ တွေ့ရ သည်။ ကိုယ့်အထုပ်အပိုးတွေ သယ်ရင်း စက်ရုံအပြင်ရောက် အောင် ပြေးထွက်ကြသည်။ မန် နေဂျာက မြင်သွားပြီး လိုက်တား သည်။ သူတို့က လူများသဖြင့် မန်နေဂျာမနိုင်တော့။ သူတို့ လမ်း ပေါ်ရောက်ခဲ့ကြလေပြီ။

 လမ်းပေါ်ရောက်ပြီးတော့ သူတို့တွေ တိုင်ပင်ကြသည်။ ငါတို့တွေ လူစည်ကားရာနေရာတစ် နေရာကိုသွားမည်။ အကူအညီ တောင်းမည်။ ရဲစခန်းရှာမည်။ ရဲစခန်းမတွေ့လျှင် ဆေးရုံတို့၊ ဈေးတို့လိုနေရာတွေမှာ သွား မည်။ လူအများကြီးရှိနေလျှင် သူတို့အတွက် လုံခြုံနိုင်ကောင်းသည်ဟု။ လမ်းတော်တော်လျှောက်ပြီး နောက် စက်ရုံက တရုတ်တွေ ကား လေး၊ ငါး၊ ခြောက်စီးဖြင့် သူတို့နားရောက်လာလေသည်။ သူတို့အဖွဲ့တွေ ပိုပြီးပူးကပ်လိုက် ကြသည်။ မိန်းကလေးတွေကို အလယ်ထဲထားလိုက်ကြသည်။

ပိုင်ရှင်ဘက်ကလူတွေက သူတို့ထဲက လူတချို့ကိုဆွဲကာ ကား ပေါ်တင်သည်။ သူတို့ကလည်း ပြန်ဆွဲသည်။ ထွက်ပြေးသည်။ ထိုသို့ဖြင့် လူစည်ကားရာနေရာ မြို့ထဲကို ရောက်လာသည်။ မြို့ထဲရောက်တော့ နောက်ကလူတွေ သိပ်မကပ်ရဲတော့။ နောက်ဆုံး မီးပွိုင့်တစ်ခုနားရောက်တော့ သူ တို့တွေ အော်ဟစ်ကာ အကူအညီ တောင်းကြလေသည်။ မီးပွိုင့်နား ရှိ ဆေးဆိုင်တစ်ဆိုင်က ထွက်လာ ကြည့်၍ သူတို့တွေ အပြေးအ လွှားသွားကာ ရဲစခန်း ဘယ်မှာရှိ လဲမေးကြသည်။ သူတို့က လက်ဟန်ခြေဟန်ဖြင့် ညွှန်ပြကြသည်။ သူတို့အဖွဲ့လည်း ညွှန်သည့်အ တိုင်း ရှာရာရဲစခန်းကို တွေ့ပါ လေသည်။

ရဲစခန်းထဲသူတို့တွေ အဖွဲ့လိုက်အပြေးဝင်သွားကြသည်။ တရုတ်ရဲတွေကလည်း သူတို့ပြော တာ နားမလည်၊ သူတို့ပြောတာ လည်း ဒီအဖွဲ့က နားမလည်ဖြင့် ရှုပ်ထွေးကုန်သည်။ သူတို့ပိုင်ရှင် တရုတ်မကလည်း လိုက်လာ သည်။ သူတို့ချင်းပြောနေကြ သည်။ သူတို့ကတော့ ရဲစခန်းထဲ ကနေ တစ်ဖဝါးမှမခွာဘဲ စုဝေး ကာ ထိုင်နေကြသည်။ ညနေ ရောက်တော့ မြန်မာအမျိုးသမီး စကားပြန်တစ်ယောက် ရောက် လာခဲ့ပါသည်။ သူဘယ်သူ၊ ဘယ် အဖွဲ့အစည်းကဆိုတာ မသိပါ။


ထမင်းစားချိန်တွင် ၀န်ထမ်းများကို တွေ့ရစဉ်

ထိုအမျိုးသမီး၏ စကားပြန် ပေးမှုဖြင့် ပြဿနာကို သိသွားခဲ့ကြသည်။ ရဲတွေက သူတို့အဖွဲ့ကို နေစရာပေးသည်။ စက်ရုံပိုင်ရှင် အမျိုးသမီးကိုလည်း ရဲစခန်းမှာ ဒီအဖွဲ့ရှိနေစဉ် ကာလတစ် လျှောက် အစားအသောက်လာပို့ ရန် ညွှန်ကြားခဲ့သည်။ ထိုသို့ဖြင့် သူတို့အဖွဲ့တွေ ရဲစခန်းမှာ ရက် ပေါင်း ၂၀ ကျော် ကြာခဲ့လေသည်။

၂၅ ရက်ခန့် ရဲစခန်းမှာနေ အပြီးမှာတော့ စကားပြန် မြန်မာ အမျိုးသမီးလေးက ရဲတပ်ဖွဲ့နှင့် စီစဉ်ထားတာတွေ ပြောပြသည်။ မြန်မာပြည်ပြန်ဖို့အတွက် စရိတ်စကလိုမည်။ ထို့အတွက် အလုပ် လုပ်နိုင်မလားဟု။ ဟိုမှာထက် အ ဆင်ပြေလျှင် လုပ်ပါ့မည်ဟု ပြန် ပြောလိုက်သည်။ ထိုသို့ဖြင့် သူတို့အဖွဲ့ ကြက်သားစက်ရုံတစ်ခုမှာ အလုပ်လုပ်ရပါသည်။ ထိုစက်ရုံမှာတော့ ယခင်စက်ရုံနှင့် ဘာမျှမဆိုင်တော့။ ကောင်းကောင်း ထားသည်။ ကောင်းကောင်းကျွေး သည်။ အလုပ်ချိန်ကလည်း ရှစ်နာရီသာ။ ထိုစက်ရုံမှာ လုပ်နေရင်း နှစ်လနီးပါးအကြာမှာတော့ သူတို့သတင်းစကားတစ်ခုရခဲ့သည်။ ဧပြီ ၁၉ ရက်တွင် သူတို့ကို မြန်မာပြည်ပြန်ပို့ပေးတော့မည်တဲ့။ သူတို့အဖွဲ့တွေ ပျော်သွား လိုက်ကြတာများ။

အောင်သူဝင်းတို့ကို ချင်းရွှေ ဟော်ဂိတ်အထိ ပြန်လိုက်ပို့ပေးခဲ့ ပါသည်။ ပြန်တော့ စာအိတ်လေး တွေ တစ်ယောက်တစ်လုံးစီပေးသည်။ ဖွင့်ကြည့်တော့ တရုတ် ယွမ်တွေ။ တစ်ယောက်ကို တစ်ထောင့်ရှစ်ရာ၊ တစ်ထောင့်ကိုးရာ၊နှစ်ထောင် စသဖြင့် ရခဲ့ကြသည်။သူတို့အဖွဲ့တွေ ကျေးဇူးတင်ခဲ့ကြသည်။ မြန်မာပြည်ဘက်ကမ်းကို လှမ်းမြင်ရတော့ သူတို့တွေ ပျော်လိုက်ကြတာ။ တစ်ယောက်ကဆို ‘‘မြန်မာစာလုံးလေးတစ်လုံး မြင်လိုက်ရတာနဲ့ကို ပျော်တာကွာ’’တဲ့။

 ချင်းရွှေဟော်ကနေတစ်ဆင့် သူတို့တွေ မုံရွာကို ပြန်ခဲ့ကြသည်။ မုံရွာရောက်တော့ ကိုဝင်း ဇော်ခိုင်တို့နှင့်အတူ စစ်ကိုင်းတိုင်း ဒေသကြီး ဝန်ကြီးချုပ်နှင့်အဖွဲ့က တွေ့ဆုံပြီး ထောက်ပံ့ငွေနှင့် လိုအပ်တာတွေ ပံ့ပိုးပေးခဲ့ကြ သည်။ ရွာကလူတွေကလည်း သူတို့မိသားစုဝင်တွေ ပြန်လာပြီဆို တော့ မုံရွာအထိ လာကြိုကြသည်။ ပြန်မလာနိုင်တော့လောက်ဘူးထင်ထားရာမှ ပြန်ရောက်လာ၍ ပျော်ခဲ့ကြသည်။

အခုတော့ အောင်သူဝင်းတို့လည်း ဇာတိဝက်ရဲရွာကို ပြန် ရောက်ပါပြီ။ ခြောက်လလောက် စိတ်ဆင်းရဲကိုယ်ဆင်းရဲ ဒုက္ခ ရောက်ခဲ့ရပြီး အိမ်ပြန်အရောက်မှာတော့ ရယ်နိုင်မောနိုင်ပါပြီ။ သို့ သော် စိတ်ချလက်ချတော့မဟုတ်သေး။ ‘‘ရွာမှာက လုပ်ကိုင်စားစရာ ဘာမှမှမရှိတာ။ ဘယ်သွားပြီး ဘာလုပ်ရမှန်းကို မသိတော့ပါဘူးဗျာ’’ ဟုပြောရင်း အောင်သူ ဝင်းတို့တစ်တွေ သက်ပြင်းကိုချလေသည်။။