လားရှိုးမြို့နယ်အတွင်းမှာ သေနတ်အရှည်(၁)လက်၊ အတို(၃)လက်နဲ့ ကျည်ဆံတွေဖမ်းမိ

လားရှိုးမြို့နယ်အတွင်းမှာ သေနတ်အရှည်(၁)လက်၊ အတို(၃)လက်၊ ကျည်ဆံတွေ၊ ကျည်အိမ်တွေ၊ စနိုက်ပါမှန်ပြောင်း အစရှိတဲ့ လက်နက်ခဲယမ်းတွေကို မနေ့က ဖမ်းဆီးရမိခဲ့ပါတယ်။ မနေ့က(မေ ၁၃) မွန်းလွဲ ၂ နာရီခွဲအချိန်လောက်မှာ တပ်မတော်သားတွေ၊ ရဲတပ်ဖွဲ့ဝင်တွေပါဝင်တဲ့ ပူးပေါင်းအဖွဲ့ဟာ လားရှိုးမြို့နယ် ခ၀ါးသျှိအောက်ကျေးရွာနဲ့၊ မန်ပျဉ်ကျေးရွာအကြား လားရှိုး-တန့်ယန်းကားလမ်း မိုင်တိုင်(၅/၇)အနီးမှာ မူးယစ်ဆေးဝါးနဲ့ လက်နက်/ခဲယမ်း တားဆီးနှိမ်နင်းရေးဆောင်ရွက်နေတုန်းမှာ တန့်ယန်းမြို့ဖက်ကနေ လားရှိုးမြို့ဖက်ကိုမောင်းလာတဲ့ နိဆန်း X-TRAIL အမျိုးအစား အဖြူရောင်မော်တော်ယာဉ်ဟာ စစ်ဆေးရေးအဖွဲ့ဆီကိုမရောက်ခင် ကိုက်(၅၀)လောက်အကွာမှာ ရပ်နေတာကြောင့် အဲဒီကိုသွားပြီးစစ်ဆေးခဲ့ကြပါတယ်။


အဲဒီအခါမှာ မော်တော်ယာဉ်ပေါ်မှာ ပါလာသူတွေအနက် ၂ ဦးက ထွက်ပြေးသွားကြပြီး၊ စိုင်းခမ်းကျော်(၃၈ နှစ်)နဲ့ စိုင်းလှရွှေ(၁၉ နှစ်)တို့ကိုသာ တွေ့ရှိရပါတယ်။ အဲဒီတွေ့ရှိသူတွေကို ထိန်းသိမ်းထားပြီး မော်တော်ယာဉ်ကို စစ်ဆေးရှာဖွေရာမှာတော့ မော်တော်ယာဉ်ရဲ့ အင်ဂျင်ခန်း၊ ရှေ့လေကာမှန်ကြီးအောက်၊ အင်ဂျင်နောက် ကာဘာ အံဝှက်အတွင်းနဲ့၊ ယာဉ်နောက်ခန်း ညာဖက်ထိုင်ခုံကျောမှီဆိုဖာထဲမှာ သိုဝှက်သယ်ဆောင်လာတဲ့ လက်နက်ခဲယမ်းတွေကို တွေ့ရှိဖမ်းဆီးရမိခဲ့တာပါ။

ဖမ်းဆီးရမိတဲ့ လက်နက်ခဲယမ်းတွေကတော့ Austria နိုင်ငံထုတ် GLOCK ပစ္စတို သေနတ် ၃ လက်၊ ၎င်းကျည်အိမ် ၆ ခု၊ အီတလီနိုင်ငံထုတ် CHIAPPA.M.Four .22 သေနတ်အရှည် ၁ လက်၊ ၎င်းကျည်အိမ် ၂ ခု၊ စနိုက်ပါ မှန်ပြောင်း ၂ ခု၊ ပွိုင့် ၂၂ ကျည် ၇၅၀ တောင့်၊ ပွိုင့် ၂၂ သေနတ်အတို ကျည်အိမ် ၂ ခု၊ သေနတ်နဲ့ စနိုက်ပါ မှန်ပြောင်းချိတ်ဆက်တဲ့ သံကွင်း ၄ ခု၊ ကျည်အိမ်ထည့် ကော်စွတ် ၁ ခု၊ စနိုက်ပါ ဖြုတ်/တပ်တဲ့ L Key အသေးလေး ၁ ခုနဲ့ လက်ကိုင်ဖုန်း ၂ လုံးတို့ဖြစ်ကြပါတယ်။

ဒါနဲ့ ယာဉ်ပေါ်မှာကျန်ရစ်နေသူတွေကို စစ်ဆေးမေးမြန်းရာမှာတော့ ထွက်ပြေးသွားကြသူတွေဟာ အိုက်ဝင်းဆိုသူနဲ့ အိုက်စိုင်းဆိုသူတို့ဖြစ်ကြောင်း၊ သူတို့ဟာ မူဆယ်မြို့မှာနေတဲ့ အိုက်ဖေဆိုသူက ချိတ်ဆက်ပေးခဲ့တာကြောင့် ထွက်ပြေးသွားတဲ့ ယာဉ်မောင်းဖြစ်သူ အိုက်ဝင်းနဲ့ ခင်မင်ခဲ့ကြောင်း၊ ဒါကြောင့် မူဆယ်ကိုသွားဖို့ မန်ကတ်ရွာနားကနေ ကားကြုံလိုက်ပါစီးနင်လာရာမှာ ခုလိုဖမ်းဆီးခံရတာဖြစ်ကြောင်း ကနဦးသိရပါတယ်။

ဖမ်းဆီးရမိတဲ့ လက်နက်ခဲယမ်းတွေကို စစ်ဆေးသုတေသနလုပ်ဖို့အတွက် သက်ဆိုင်ရာတာဝန်ရှိအဖွဲ့အစည်းဆီကို လွှဲပြောင်းပေးခဲ့ပြီး၊ စိုင်းခမ်းကျော်နဲ့ စိုင်းလှရွှေတို့ကိုတော့ လားရှိုးမြို့မရဲစခန်း(ပ)၁၅၃/၂၀၁၉၊ လက်နက်(ယာယီ)ပြင်ဆင်ချက်ဥပဒေပုဒ်မ ၁၉-ကနဲ့ အမှုဖွင့် စစ်ဆေးနေတယ်လို့ လားရှိုးမြို့မရဲစခန်းကသိရပါတယ်။