ထိုင်းနိုင်ငံ တာ့ခ်ခရိုင် မဲဆောက်နယ်မြေ မဲဆောက်-မဲတောင်(၀်)လမ်းရှိ မြန်မာနိုင်ငံသားများနေထိုင်ရာ နေအိမ်တို့ကို ယနေ့(၁၆.၅.၂၀၁၉) နံနက် (၆) နာရီအချိန်ခန့်၌ တာ့ခ်ခရိုင်လူဝင်မှူကြီးကြပ်ရေးဌာန ရဲဗိုလ်မှူးကြီး Mr.Manat Ratanaprathip ညွှန်ကြားချက်အရ လူဝင်မှူကြီးကြပ်ရေးဌာန၊ ရဲတပ်ဖွဲ့ဝင်များ ၊နယ်မြေခံစစ်ဖက်ဆိုင်ရာအဖွဲ့ဝင်များနှင့် ထိုင်းအလုပ်ကိုင်ရှာဖွေရေးရုံး (ကျဟာငန်) တို့ပါဝင်သည့် ပူးပေါင်းအဖွဲ့များ ၀င်ရောက်စစ်ဆေးခဲ့ကြောင်း သိရသည်။ဆက်လက်၍ စစ်ရေးအဖွဲ့ဝင်များသည် မဲတောင်အိမ်ယာရှိ မြန်မာအလုပ်သမားများအား သက်သေခံစာရွက် စာတမ်းများမှန်ကုန်မှု ရှိမရှိကိုစစ်ဆေးပြီး အထောက်ထားမှန်ကန်မှုရှိသူများကို ပြန်လွှတ်ပေးခဲ့ကြောင်း သိရသည်။
“ ထိုင်းနိုင်ငံထဲကို တရားမ၀င်အလုပ်သမားတွေ နေ့စဉ်ဆိုသလို ၀င်လာနေတဲ့အတွက် တာဝန်ရှိသူတွေကထိုင်းနိုင်ငံ လုံခြုံရေးနဲ့ တရားမ၀င်အလုပ်သမားပပျောက်စေရေပြီးတော့ ရာဇ၀တ်မှုကိစ္စရပ်တွေပပျောက်အောင် အခုလိုမျိုး အလုပ်ရုံနေရာတွေနဲ့ နိုင်ငံခြားသားအလုပ်သမားတွေ အနေများတဲ့နေရာတွေကို မကြာခဏ စစ်ဆေးတာတွေပြုလုပ်လျက်ရှိပါတယ်” လို့ အလုပ်သမားသံအရာရှိဦးစန်းမောင်ဦးကပြောသည်။ ဆက်လက်၍ မြန်မာအလုပ်သမားများအနေဖြင့် မိမိတို့ သက်သေခံစာရွက်စာတမ်းများ ပြည့်စုံမှန်ကန်စွာဆောင်ရွက်ထားရှိရန်နှင့် အလုပ်နေရာနှင့် ၀ပ်ပါမစ်မတူညီပါက ပြောင်းလဲထားခြင်းများပြုလုပ်ထားရန်ပြောကြားခဲ့သည်။
ယခုလို စစ်ဆေးမှူပြုလုပ်ရာတွင် အထောက်ထားမဲ့ တရားမ၀င် ၀င်ရောက်နေထိုင်ကြသည့် မြန်မာအလုပ်သမား (၁၀၀) ဦး ဖမ်းဆီးရမိပြီး ဖမ်းဆီးရမိသည့် တရား မ၀င်မြန်မာအလုပ်သမားများအား ဥပဒေနဲ့အညီဆောင်ရွက်ပြီး နေရပ်သို့ ပြန်လည်ပို့ဆောင်မည်ဖြစ်ကြောင်း သိရသည်။
No comments:
Post a Comment