အဲလောက်ထိ အခြေအနေ ဆိုးဝါးသွားတယ်။ ကျနော်တို့က လွင်ပြင် ကားလမ်းစပ်မှာ နေရတာကြောင့် လေက တော်တော်ပြင်းထန်တယ်။ ရွာထဲမှာကျတော့ တောကွယ်နေတယ်လေ။ ကျနော်တို့မှာကျတော့ အကာအကွယ်မရှိတဲ့ သဘောဖြစ်ပါတယ်”လို့ ပြောပါတယ်။
ပျက်စီးသွားတဲ့ တဲအိမ်တွေက မိသားစု ၃၆ စုဟာ တခြားတဲတွေမှာ ခိုလှုံနေကြရပြီး ပြန်လည်ဆောက်လုပ်ဖို့အတွက်ကတော့ အမိုးအကာတွေနဲ့ ဝါးတွေ အရေးတကြီး လိုအပ်နေတယ်လို့ ဆိုပါတယ်။
ဦးမောင်ဖြူက “ကျနော်တို့ စခန်းအတွက် အကူညီလိုအပ်နေတာက စားနပ်ရိက္ခာ၊ လတ်တလောမှာဆိုရင် ပျက်စီးသွားတဲ့ တဲတွေကို ဆောက်ဖို့ အမိုးအကာနဲ့ ဝါးတွေ အဲလောက်လိုအပ်ပါတယ် ” လို့ ပြောပါတယ်။
ပြီးခဲ့တဲ့ မတ်လအတွင်းက ဖြစ်ခဲ့တဲ့ ရက္ခိုင့်တပ်မတော်အေအေနဲ့ မြန်မာ့တပ်မတော်တို့ တိုက်ပွဲတွေကြောင့် မြောက်ဦးမြို့နယ် ဘုရားကြီး၊ မြိုရွာဟောင်း၊ စာပေါင်၊ မြိုရွာသစ်၊ ခြိတ်ချောင်း စတဲ့ကျေးရွာတွေ အပါအဝင် ကျေးရွာ ၈ ရွာလောက်က စစ်ဘေးရှောင် ၂ ထောင်ကျော်ဟာ အဲဒီစခန်းမှာ နေထိုင်နေကြတာပါ။
မနေ့က တိုက်ခတ်ခဲ့တဲ့ လေပြင်းကြောင့် စင်ဘောကိုင်း စစ်ရှောင်စခန်းအပါအဝင် ကျေးရွာတချို့မှာ ထိခိုက်ပျက်စီးမှု အနည်းငယ်စီ ရှိခဲ့ကြပါတယ်။
လတ်တလောရာသီဥတုကတော့ အချိန်မရွေး မိုးကြိုးပစ်တာတွေ ဖြစ်ပေါ်နိုင်တယ်လို့ မိုးဇလက ကြေညာထားပါတယ်။
No comments:
Post a Comment