နိုင်ငံတော်သမ္မတအနေဖြင့် လွတ်ငြိမ်းချမ်းသာခွင့်များပေးရာတွင် ဥပဒေနှင့်အညီဆင်ခြင်တုံတရားနှင့် ချင့်ချိန်စဉ်းစားပြီးမှသာ ဆောင်ရွက်သင့်ကြောင်း ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ဗဟိုအလုပ်အမှုဆောင်ပြောရေးဆိုခွင့်ရှိသူဒေါက်တာနန္ဒလှမြင့်က ပြောလိုက်သည်။ေ မလဒုတိယပတ်အတွင်း ပြည်ခိုင်ဖြိုးပါတီ၏ Facebook Page တွင်တင်ထားသော ဗီဒီယိုဖိုင် အမေးအဖြေတွင် ဖြေကြားထားခြင်းဖြစ်သည်။
“ ထောင်အတွင်းမှာဆူပူမှုတွေဖြစ်တဲ့ဟာကိုပြန်ပြီး ကြည့်လို့ရှိရင် အဓိကကတော့ ဒီလွှတ်ပေးတဲ့အပေါ်မှာ မညီမျှမှုတွေရှိတဲ့အပေါ်မှာ ထောင်ထဲမှာရှိနေတဲ့ကျန်ခဲ့တဲ့ပုဂ္ဂိုလ်တွေဟာမကျေနပ်လို့ လွှတ်ပေးတဲ့အပေါ်မှာ မူဝါဒဟာမညီမျှလို့၊ မကျေနပ်လို့ ဒီထောင်အတွင်းမှာဆူပူမှုတွေဖြစ်တယ်လို့ ကျွန်တော်တို့တွေ့ရှိတယ်။ ဆိုတော့ကာ နိုင်ငံတော်သမ္မတအနေနဲ့ လွတ်ငြိမ်းချမ်းသာခွင့်တွေပေးတဲ့အခါမှာ ဥပဒေနဲ့အညီ ဆင်ခြင်တုံတရားနဲ့ ချင့်ချိန်စဉ်းစားပြီးတော့မှဆောင်ရွက်ဖို့ ကျွန်တော်တို့ကအကြံပြု တိုက်တွန်းလိုပါတယ်’’ ဟု ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ဗဟိုအလုပ်အမှုဆောင်ပြောရေးဆိုခွင့်ရှိသူဒေါက်တာနန္ဒလှမြင့်က ပြောသည်။
နိုင်ငံတော်သမ္မတသည် ၂၀၁၉ ခုနှစ်၊ ဧပြီလ ၂၆ ရက်တွင် အမိန့်အမှတ် ၁၅/၂၀၁၉ ဖြင့် နိုင်ငံသား အကျဉ်းသူ/သား ၆၉၄၈ ဦးအား ပြစ်ဒဏ်မှ လွတ်ငြိမ်းသက်သာခွင့်ပြုစေခဲ့ပြီး မေလ ၇ ရက်တွင် အမိန့်အမှတ် ၁၆/၂၀၁၉ ဖြင့် အကျဉ်းသားအကျဉ်းသူစုစုပေါင်း ၆၅၂၀ ဦးအားလည်းကောင်း လွတ်ငြိမ်းသက်သာခွင့်များ ပေးခဲ့သည်။
ထို့နောက် မေလ ၈ ရက်တွင် ကလေးအကျဉ်းထောင်နှင့် ဘားအံ့အကျဉ်းထောင်များတွင်လည်းကောင်း၊ မေလ ၉ ရက်တွင် ရွေဘို၊ မြစ်ကြိးနား၊ ထားဝယ်၊ သာယာဝတီ၊ ပုသိမ်အကျဉ်းထောင်တို့တွင် အကျဉ်းသားများမှ ဆူပူဆန္ဒပြမှုများဖြစ်ပွားခဲ့သည်။
No comments:
Post a Comment