မန္တလေးတိုင်း၊ ပြင်ဦးလွင်ခရိုင်၊ မိုးကုတ်မြို့နယ်မှာ ပညာရေးဝန်ထမ်း ကျောင်းဆရာမဖြစ်အောင် ပြုလုပ်ပေးမယ်လို့ ပြောဆိုပြီး အမျိုးသမီးတဦးဆီကနေ ငွေကြေးလိမ်လည်ရယူခဲ့သူကို ဇွန်လ ၁၉ ရက်နေ့က အမှုဖွင့်အရေးယူထားတယ်လို့ မိုးကုတ်မြို့နယ်ရဲစခန်းက ပြောပါတယ်။
မိုးကုတ်မြို့နယ်၊ ကသဲကျောက်ဆောင်ရပ်နေ အမျိုးသမီးတဦးဟာ ခင်မင်းရင်းနှီးခဲ့တဲ့ ကျောင်းဆရာမတဦးရဲ့ မောင်ဖြစ်သူက ကျောင်းဆရာမဖြစ်အောင်လုပ်ပေးနိုင်တယ်လို့ ပြောကာ ငွေကျပ် ၇ သိန်း တကြိမ် နဲ့ ငွေကျပ် ၄ သိန်းခွဲ တကြိမ် စုစုပေါင်း ငွေကျပ် ၁၁ သိန်းခွဲ တောင်းခံခဲ့တယ်လို့ သိရပါတယ်။
အဲ့ဒီလို ငွေကျပ် ၁၁ သိန်းခွဲ တောင်းယူခဲ့ပေမယ့် ပညာရေးဝန်ထမ်း ကျောင်းဆရာမဖြစ်အောင် မလုပ်ပေးနိုင်တဲ့အတွက် ငွေပြန်ပေးဖို့ တောင်းခံတဲ့အခါ ပြန်မပေးတာကြောင့် ငွေလိမ်လည်တောင်းခံခဲ့တဲ့ မိုးကုတ်မြို့နယ်၊ အောင်သစ်လွင်ရပ်နေ ရဲမြင့်သူ (ခ) အငယ်လေး ကို အမှုဖွင့်လှစ်ခဲ့တာလို့ သိရပါတယ်။
မိုးကုတ်မြို့နယ် ရဲမှူး မင်းခိုင်က “ကျနော်တို့ ၄၂၀ နဲ့ တိုင်ထားတဲ့အတွက် အရေးယူထားပါတယ်” လို့ ပြောပါတယ်။
ငွေကြေးလိမ်လည်တောင်းခံမှုနဲ့ ပတ်သက်ပြီး ငွေကြေးလိမ်လည်ခံရသူက တိုင်တန်းတဲ့အတွက် ရဲမြင့်သူ (ခ) အငယ်လေးကို ကျပ်ပြင်နယ်မြေရဲစခန်းမှာ ရာဇသတ်ကြီးဥပဒေပုဒ်မ ၄၂၀ အရ အမှုဖွင့်လှစ် အရေးယူထားတယ်လို့ သိရပါတယ်။
No comments:
Post a Comment