သဘာဝပတ်ဝန်းကျင်ကို ထိန်းသိမ်းကြရာဝယ်

သည်လပိုင်းမှာ ရွှေလက်တစ်ယောက် သဘာဝပတ်ဝန်းကျင် ဆိုင်ရာ လှုပ်ရှားမှုများတွင် ပူးပေါင်းပါဝင်ဖြစ်ခဲ့သည်။ သစ်ပင်စိုက်ပွဲများ၊ ဟောပြောပွဲများ၊ ဆွေးနွေးပွဲများ၊   သင်တန်းများစသဖြင့် အမျိုးအစား စုံလင်လှသည်။ လှုပ်ရှားမှုအားလုံးသည် သဘာဝပတ် ၀န်းကျင်ထိန်းသိမ်းရေးကို ရည် ရွယ်သည့်အတွက် ရွှေလက်လည်း ပါဝင်ဖြစ်ခဲ့ခြင်းဖြစ်သည်။ ရွှေလက်သည် သဘာဝပတ်ဝန်းကျင် ကို ချစ်မြတ်နိုးသူတစ်ယောက်ဖြစ် သောကြောင့် ပျက်စီးလာနေသည့် သဘာဝပတ်ဝန်းကျင်ကို မည်ကဲ့ သို့ ကာကွယ်ထိန်းသိမ်းစောင့် ရှောက်မည်နည်းဟူသည့် အ ကြောင်းအရာကို စိတ်ဝင်စားခဲ့ သည်။
တတ်နိုင်သမျှ လေ့လာ သင်ယူခဲ့သည်။ တတ်သိသလောက် ပြန်လည်မျှဝေခဲ့သည်။ ကြိုဆိုအားပေးမှုများနှင့် ကြုံရသကဲ့သို့ ဝေဖန်တိုက်ခိုက် ဆဲဆိုမှုများနှင့်လည်း ကြုံတွေ့ခဲ့ရသည်။ မည်သို့ပင်ဆိုစေကာမူ ယနေ့အချိန်အခါသည် သဘာဝပတ်ဝန်းကျင်ထိန်းသိမ်းရေးကို မဖြစ်မနေမပျက်မကွက် လုပ်ရတော့မည့် အချိန်အခါ ဖြစ်သည်။ ထို့ကြောင့် ရွှေလက်တို့ မြန်မာပြည်သူ ပြည်သားအားလုံး၊ ကမ္ဘာသူ ကမ္ဘာသားအားလုံး သဘာဝပတ်ဝန်းကျင် ထိန်းသိမ်းရေးလုပ်ငန်းများတွင် ကိုယ်တတ်နိုင်သလောက် ပါဝင်ဆောင်ရွက်ရမည်ဖြစ်သည်။
သဘာဝပတ်ဝန်းကျင်ထိန်းသိမ်းရေး လုပ်ဆောင်ကြမည့်သူ များအနေဖြင့် သဘာဝပတ်ဝန်း ကျင်ထိန်းသိမ်းရေး၏ အဓိပ္ပာယ် ကို သိရှိထားဖို့ လိုပေသည်။ သို့မှသာ မည်သည့်အရာကို ထိန်းသိမ်းရမည်ကို သိကြရမည် ဖြစ်သည်။ သဘာဝပတ်ဝန်းကျင်ဆိုသည်မှာ သက်ရှိများ အသက်ရှင်နေထိုင်ဖို့ အထောက်အပံ့ ပေးနေသည့် သက်ရှိသက်မဲ့ အရာအားလုံး သည် သဘာဝပတ်ဝန်းကျင် ဖြစ် သည်။ ရေထု၊ မြေထု၊ လေထု၊ ရာသီဥတု၊ အသံ၊ အနံ့၊ အရသာ၊ တိရစ္ဆာန်နှင့် အပင်အမျိုးမျိုး (ဇီဝမျိုးစုံမျိုးကွဲ)၊ သမိုင်းဆိုင်ရာ၊ ယဉ်ကျေးမှုဆိုင်ရာ၊ လူမှုရေးဆိုင် ရာတွေနဲ့ ပသာဒအလှအပဆိုင် ရာများ အားလုံးပါဝင်သည်။ ထိုအ ရာများ ပါဝင်နေသည့် သဘာဝ ပတ်ဝန်းကျင်သည် ကမ္ဘာကြီးနှင့် လူသားမျိုးနွယ်စုများ ရေရှည် တည်တံ့ အသက်ရှင်နိုင်ဖို့ မရှိမ ဖြစ် လိုအပ်သောအရာဖြစ်သည်။ သဘာဝပတ်ဝန်းကျင် ပျက်စီး ပျောက်ကွယ်သွားလျှင် ကမ္ဘာကြီး နှင့် လူသားမျိုးနွယ်စုများလည်း အနှေးနှင့် အမြန် ပျောက်ကွယ် သွားရမည် ဖြစ်သည်။ ထို့ကြောင့် ကမ္ဘာ့သိပ္ပံပညာရှင်များက သဘာဝပတ်ဝန်းကျင်ကို ထိန်းသိမ်းဖို့ လိုနေပြီဖြစ်ကြောင်း ၁၉၈၀ ပြည့်နှစ်ကတည်းက စတင်တိုက်တွန်း နှိုးဆော်ခဲ့ခြင်းဖြစ်သည်။

          ကမ္ဘာ့နိုင်ငံအသီးသီးကလည်း သဘာဝပတ်ဝန်းကျင် ထိန်းသိမ်း ရေးအတွက် အထိမ်းအမှတ်အ ခမ်းအနားများ၊ အလုပ်ရုံဆွေး နွေးပွဲများ၊ ဟောပြောပွဲများ၊ ပြပွဲ၊ ပြိုင်ပွဲများ၊ ညီလာခံများ၊ လက် မှတ်ရေးထိုးပွဲများ စသဖြင့် အခမ်း အနားမျိုးစုံဖြင့် သဘာဝပတ်ဝန်း ကျင်ထိန်းသိမ်းရေးကို ဆောင်ရွက် ခဲ့ကြသည်။ ထိုသို့ ဆောင်ရွက်နေ ကြစဉ်မှာပင် ကမ္ဘာကြီးတွင် သဘာဝပတ်ဝန်းကျင်ပျက်စီးမှု များ ဖြစ်ပေါ်လာပြီး နောက်ဆက် တွဲ သဘာဝဘေးအန္တရာယ်များ နှင့်လည်း ရင်ဆိုင်ခဲ့ရသည်။ မုန်တိုင်းတိုက်၊ မိုးကြီး၊ ရေကြီး၊ ငလျင်လှုပ်၊ ဆူနာမီဖြစ်၊ အပူချိန်ပြင်း ထန်၊ ရေရှားပါးပြတ်လပ်၊ တော မီးလောင် စသည်တို့ ဖြစ်ပေါ်ပြီး လူများသေဆုံး၊ ဒဏ်ရာရ၊ အိုးမဲ့အိမ်မဲ့၊ မိသားစုမဲ့ပြီး အနာဂတ်ပါ မဲ့ခဲ့ကြရသည်။ နိုင်ငံ့ဘဏ္ဍာငွေ များလည်း ပြုန်းတီးခဲ့ရသည်။ ထိုကဲ့သို့ သဘာဝ ဘေးအန္တရာယ်များ ကို ကမ္ဘာမှာ ကြုံတွေ့ခဲ့ရပေမယ့် မြန်မာနိုင်ငံတွင် မကြုံတွေ့ခဲ့ရ ပေ။ ထိုကာလက သစ်ပင် သစ်တောပြုန်းတီးမှုနှင့် သဘာဝပတ် ၀န်းကျင်ထိခိုက်မှု နည်းပါးနေ သေးသောကြောင့် ဖြစ်သည်ဟု ယူဆရသည်။ သို့သော် ထိုအချိန် ကတည်းက မြန်မာနိုင်ငံတွင်လည်း သဘာဝပတ်ဝန်းကျင်ပျက်စီးနေပြီဖြစ်သည်။ တာဝန်ရှိသူများကတော့ စနစ်တကျမထိန်းသိမ်းခဲ့သည့်အပြင် သဘာဝပတ်ဝန်းကျင်ပျက်စီးစေသော လုပ်ငန်းများကိုပင် လုပ်ဆောင်လိုက်သေးသည်။

၂၀၀၈ ခုနှစ်တွင်တော့ မြန်မာ နိုင်ငံ၏ သဘာဝပတ်ဝန်းကျင် ပျက်စီးမှုအခြေအနေကို နာဂစ်မုန် တိုင်းက မီးမောင်းထိုးပြခဲ့သည်။ နာဂစ်ကြောင့် လူပေါင်းတစ်သိန်း လေးသောင်းခန့် အသက်ဆုံးရှုံးခဲ့ရသည်။ အိမ်ရာ အဆောက်အအုံ ပေါင်း ခုနစ်သိန်းခွဲခန့် ပျက်စီးခဲ့ ရသည်။ လူပေါင်း ၁၁ သန်းကျော် ခန့် ထိခိုက်ခဲ့ရသည်။ နိုင်ငံတော် ပိုင်နှင့် ပုဂ္ဂလိကပိုင် နှစ်ရပ်ပေါင်း ပစ္စည်းဆုံးရှုံးမှုတန်ဖိုး ကျပ် ၁၂ ထရီလီယံကျော်ရှိခဲ့သည်။ သဘာ ၀ဘေးအန္တရာယ်ကြောင့် ပျက်စီး ဆုံးရှုံးမှုနှင့် အသေအပျောက် အ များဆုံးစာရင်းတွင်လည်း ကမ္ဘာ့နံပါတ် (၈)အဆင့် ဖြစ်ခဲ့သည်။ ထိုသို့ကြီးမားသော ပျက်စီးဆုံးရှုံး မှုနှင့် ရင်ဆိုင်ခဲ့ပြီးမှ မြန်မာနိုင်ငံ တွင် သဘာဝပတ်ဝန်းကျင်ပျက် စီးနေပြီ၊ သဘာဝပတ်ဝန်းကျင် ထိန်းသိမ်းဖို့ လိုနေပြီဟူသော အသံများ ထွက်ပေါ်လာခဲ့သည်။ နိုင်ငံတော်အစိုးရကလည်း သဘာဝ ပတ်ဝန်းကျင် ထိန်းသိမ်းရေးအ ကြောင်း တွင်တွင်ပြောပြီး လှုပ်ရှားမှုများလည်း ပြုလုပ်လာခဲ့သည်။ သို့သော် လက်တွေ့နှင့် ဝေးကွာနေခဲ့သည်။ ထိုအချိန်တွင် အစိုးရ မဟုတ်သော သဘာဝပတ်ဝန်းကျင် ထိန်းသိမ်းရေးအဖွဲ့များလည်း ပေါ်ပေါက်လာသည်။ သဘာဝပတ်ဝန်းကျင် ထိန်းသိမ်းရေးအကြောင်းပြောပြီး လှုပ်ရှားမှုများ လုပ်ဆောင်ခဲ့ကြသည်။ သို့သော် အများစုက လက်တွေ့နှင့် ဝေးကွာနေခဲ့သည်။ ထို့ကြောင့်ပင် မြန်မာနိုင်ငံ၏ သဘာဝပတ်ဝန်းကျင် အခြေအနေသည် ယနေ့အနေအထားသို့ ရောက်ရှိနေခဲ့ခြင်းဖြစ်သည်။

 ရွှေလက်သဘာဝပတ်ဝန်း ကျင်ဆိုင်ရာများကို လေ့လာခဲ့စဉ် ကတည်းက သဘာဝပတ်ဝန်းကျင်ထိန်းသိမ်းရေး လုပ်ဆောင် နေသည့် အစိုးရနှင့် အစိုးရမဟုတ် သော အဖွဲ့အစည်းများကို သတိ ထားကြည့်ဖြစ်သည်။ အစိုးရကိုကြည့်တော့ နိုင်ငံတကာမှာ လုပ်နေလို့ ကိုယ်လည်း လုပ်သည်။ လက်မှတ်ထိုးသည်။ အဖွဲ့ဝင် သည်။ ကတိသစ္စာပြုသည်။ သဘာဝပတ်ဝန်းကျင်ထိန်းသိမ်း ရေးလုပ်ငန်းများကို တာဝန်ကျေရုံ လုပ်သည်။ ဥပမာ မြန်မာနိုင်ငံ တွင် နှစ်စဉ် သစ်ပင် သန်းနှင့်ချီ စိုက်သော်လည်း ရှင်သန်မှုက နည်းပါးလွန်းခဲ့သည်။ စာရင်းထဲ တွင် အရေအတွက်ရှိပြီး မြေပြင် ပေါ်တွင် သစ်ပင်မရှိသော အခြေအနေဖြစ်ခဲ့သည်။ သဘာဝပတ် ၀န်းကျင်ထိန်းသိမ်းရေးအတွက် နိုင်ငံတော်အကြီးအကဲတစ်ဦးက ပလတ်စတစ်လျှော့ချရေးနဲ့ပတ်သက်ပြီး စိတ်အားထက်သန်စွာ ပြောနေချိန်တွင် ရန်ကုန်မြို့၏ အထင်ကရခန်းမကြီးတစ်ခုတွင် ပလတ်စတစ်ထုတ်လုပ်သည့် စက်များ အရောင်းပြပွဲလုပ်နေသည်။

ထိုကဲ့သို့ပင် နိုင်ငံတော်အ ကြီးအကဲတစ်ဦးက လေထုညစ် ညမ်းမှု တိုက်ဖျက်ကြစို့ ဟူသော မိန့်ခွန်းကို အားတက်သရော ပြောကြားနေချိန်တွင် မြန်မာနိုင်ငံရှိ ရန်ကုန်မြို့ကြီး လေထုညစ်ညမ်း နေပြီဖြစ်သည်။ လေထုညစ်ညမ်း မှုဖြစ်စေသော စက်ရုံ၊ အလုပ်ရုံ များကို စိစစ်အရေးမယူဘဲ လေထု ညစ်ညမ်းမှုဖြစ်စေမည့် စက်ရုံများကို တည်ဆောက်ခွင့်ပြုနေသည်။ ရာသီဥတု ဖောက်ပြန်ပြောင်းလဲမှု နှင့် သဘာဝဘေးအန္တရာယ်ကို လျှော့ချဖို့အတွက် သစ်ပင်စိုက် ပျိုးကြဖို့ ပြောကြားနေချိန်တွင် သစ်ပင်ခုတ်ဖို့ ကြိုးစားနေသူများ ကို တွေ့ရသည်။ အစိုးရမဟုတ် သော သဘာဝပတ်ဝန်းကျင်ထိန်း သိမ်းရေးအဖွဲ့များကို ကြည့်ပြန် တော့လည်း ဒေါ်လာတောင်း ကောင်းအောင် လုပ်နေသူက ပိုများနေသည်ကို တွေ့ရသည်။ အလုပ်က ဘာမျှမလုပ်ရသေး၊ ‘‘သဘာဝပတ်ဝန်းကျင်ထိန်းသိမ်း ရေးအဖွဲ့လေး ဖွဲ့ချင်လို့၊ ပိုက်ဆံဘယ်လိုရှာရမလဲ’’ ဆိုသူများကို လည်း တွေ့ရသည်။ အမှန်တကယ် သဘာဝပတ်ဝန်းကျင်ထိန်းသိမ်းရေးကို စိတ်ပါလက်ပါ ဆောင်ရွက်နေသူများကျတော့ ငွေကြေးနှင့် လူအင်အားမရှိသောကြောင့် ထိရောက်သင့်သလောက် မထိရောက်ပြန်။ ထိုသို့ဖြင့် သဘာဝပတ်ဝန်းကျင်ထိန်းသိမ်းရင်း သဘာဝပတ်ဝန်းကျင်ပျက်စီးမှုကို ထိန်းမနိုင်သိမ်းမရ ဖြစ်နေခဲ့ရသည်။

ယနေ့အချိန်အခါတွင် ထိုဖြစ်စဉ်များကို ပြန်လည် သုံးသပ် သင့်ပြီဖြစ်သည်။ ထိရောက်သော သဘာဝပတ်ဝန်းကျင် ထိန်းသိမ်း မှုများကို လုပ်ဆောင်ရတော့မည် ဖြစ်သည်။ ဟိုတယ်ကြီးတစ်ခု၏ ခန်းမကြီးထဲတွင် သဘာဝပတ် ၀န်းကျင်ထိန်းသိမ်းရေးနှင့်ပတ် သက်သောပွဲများ ပြုလုပ်နေသည် ထက် ပြည်သူလူထုနှင့် ထိတွေ့နိုင် သော၊ ပြည်သူလူထု ပါဝင်ဆောင် ရွက်နိုင်သော၊ လက်တွေ့ကျသော လှုပ်ရှားမှုများကို လုပ်ဆောင်ကြ ရမည်ဖြစ်သည်။ သဘာဝပတ်ဝန်း ကျင်ထိန်းသိမ်းရာတွင် သစ်ပင် စိုက်ပျိုးဖို့ လိုသလို ရှိပြီးသား သစ်ပင်များ မပြုန်းတီးအောင်လည်း ထိန်းသိမ်းစောင့်ရှောက်ဖို့ လိုသည်။ ထိုနည်းတူ အမှိုက်များကို ရှင်းလင်းသိမ်းဆည်းဖို့လိုသလို အမှိုက်မပစ်အောင်၊ အမှိုက်ပစ် သူမရှိအောင်လည်း ဆောင်ရွက်ဖို့ လိုသည်။ သို့မှသာ ထိရောက် သော သဘာဝပတ်ဝန်းကျင်ထိန်း သိမ်းရေးကို ပုံဖော်ဆောင်ရွက်နိုင် မည်ဖြစ်သည်။

သိပ်မကြာခင်က သဘာဝ ပတ်ဝန်းကျင်ထိန်းသိမ်းရေး လူထု စကားဝိုင်းတစ်ခု တက်ရောက်ဖြစ် ခဲ့သည်။ လူထုစကားဝိုင်း ဆိုသော် လည်း သဘာဝပတ်ဝန်းကျင်ထိန်း သိမ်းရေးအဖွဲ့ဝင်များ၊ ဆရာမများ နှင့် ကျောင်းသား၊ ကျောင်းသူများ ကိုသာ တွေ့ရသည်။

လူထုစကားဝိုင်းဆိုသော်လည်း တကယ်တမ်းလူထုပါဝင်မှု မရှိခဲ့။ပါဝင်အောင် မဆောင်ရွက်နိုင်တာလား၊ မဆောင်ရွက်ခဲ့တာလားတော့ ရွှေလက်မသိပါ။ ထိုသို့သော စကားဝိုင်း မည်မျှပြုလုပ်ပါစေ၊ သဘာဝပတ်ဝန်းကျင်ထိန်းသိမ်းရေးကို လူထုသိမည်မဟုတ်ပေ။ သိလျှင်လည်း ပူးပေါင်း ပါဝင်ဆောင်ရွက်မည်မဟုတ်ပေ။ လူထုပူးပေါင်းပါ ၀င်မှုမရှိလျှင် သဘာဝပတ်ဝန်းကျင်ထိန်းသိမ်းရေးလုပ်ငန်းများကို အောင်မြင်စွာ ဆောင်ရွက်နိုင်ဖို့ အလှမ်းဝေးနေဦးမည်ဖြစ်သည်။ ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်က ပြောဖူးသည်။ ‘‘ပြည်သူမပါဝင်ရင် ဘယ်လုပ်ငန်းစီမံချက်မှ မအောင်မြင်ဘူး။ ခြံစည်းရိုးကြက်ဆူပင် စိုက်တာတောင် မအောင်မြင်ခဲ့ဘူးမဟုတ်လား’’ ဟူ၍။

ကမ္ဘာကြီးပူနွေးလာမှု၊ ရာသီဥတု ဖောက်ပြန်ပြောင်းလဲမှုနှင့် နောက်ဆက်တွဲ သဘာဝဘေး အန္တရာယ်များကို ဖြစ်ပေါ်စေသည့် အကြောင်းရင်း များစွာရှိသည်။ ၎င်းတို့မှာ ကျောက်မီးသွေးလောင် စာသုံးစွဲခြင်း၊ သစ်တောပြုန်းတီး ခြင်း၊ လျှပ်စစ်ဓာတ်အားထုတ် လုပ်ခြင်း၊ ကုန်းလမ်းသယ်ယူပို့ ဆောင်ခြင်း၊ စက်သုံးဆီနဲ့ ဓာတ်ငွေ့ထုတ်လုပ်ခြင်း၊ ဓာတ်မြေသြဇာထုတ်လုပ်ခြင်း၊ မွေးမြူရေးနှင့် စိုက်ပျိုးရေးပြုလုပ်ခြင်း၊ လေကြောင်းသယ်ယူပို့ဆောင်ခြင်း၊ သံနှင့် သံမဏိလုပ်ငန်းများ လည်ပတ်ခြင်းနှင့် စွန့်ပစ်အမှိုက်များ မသိမ်းဆည်းခြင်း စသည်တို့ ဖြစ်သည်။ ထိုလုပ်ငန်းဆောင်ရွက် ချက်များကြောင့် ကမ္ဘာကြီး ပူနွေး လာမှု၊ ရာသီဥတု ဖောက်ပြန် ပြောင်းလဲမှုနှင့် နောက်ဆက်တွဲ သဘာဝဘေးအန္တရာယ်များ ဖြစ်ပေါ်နေသည်ဆိုလျှင် ထိုလုပ်ငန်းများကို ရပ်လိုက်ပြီး ကျောက်ခေတ် မှာပဲ နေလိုက်တော့ဟု ပြောမည့် သူများ ရှိလာနိုင်သည်။ ထိုသူများ ရှိနေလို့လည်း ရွှေလက်တို့ နိုင်ငံ တော်ကြီး ယခုအခြေအနေသို့ ရောက်ရှိနေခြင်းဖြစ်သည်။

ရွှေလက်တို့ မြန်မာနိုင်ငံတွင် သဘာဝဘေးအန္တရာယ်များကို တစ်နှစ်ထက်တစ်နှစ် ပိုမိုပြင်းထန် စွာ ခံစားနေရသည်ကို ပြည်သူများ အားလုံးအသိဖြစ်သည်။ ယင်း သဘာဝဘေးအန္တရာယ်များကို လျှော့ချဖို့ဆိုလျှင် အထက်တွင် ဖော်ပြခဲ့သည့် လုပ်ငန်းဆောင် ရွက်ချက်များတွင် စည်းကမ်းဥပ ဒေလိုက်နာခြင်း၊ နိုင်ငံတကာ လုပ် ထုံးလုပ်နည်းအတိုင်း ဆောင်ရွက် ခြင်း၊ သဘာဝပတ်ဝန်းကျင်နှင့် လူ မှုဘ၀ထိခိုက်မှု သက်သာအောင် ဆောင်ရွက်ခြင်း၊ တာဝန်ယူမှု၊ တာဝန်ခံမှုရှိခြင်းတို့ မဖြစ်မနေ ပါဝင်ရမည်ဖြစ်သည်။ ထိုကိစ္စများ ကို အဂတိလိုက်စားမှုကင်းရှင်းစွာ ဖြင့် ထိထိရောက်ရောက် စစ်ဆေး အရေးယူဆောင်ရွက်ဖို့ အလွန် အရေးကြီးပါသည်။ ထိုသို့ဆောင် ရွက်နေစဉ်မှာပင် နိုင်ငံတော်အစိုး ရနှင့် အစိုးရမဟုတ်သော အဖွဲ့အစည်းများ၊ ပြည်သူများပူးပေါင်း ၍ ကမ္ဘာကြီးပူနွေးလာမှု၊ ရာသီ ဥတု ဖောက်ပြန်ပြောင်းလဲမှုနှင့် နောက်ဆက်တွဲ သဘာဝဘေး အန္တရာယ်များကို လျှော့ချရာတွင် အထိရောက်ဆုံးဖြစ်သည့် သစ်ပင် စိုက်ပျိုးခြင်း၊ လက်ကျန်သစ်တော၊ သစ်ပင်များ ထိန်းသိမ်းခြင်းတို့ကို ဟန်ပြမဟုတ်ဘဲ စနစ်တကျ ထိထိ ရောက်ရောက် ဆောင်ရွက်ကြဖို့ လိုပါသည်။ ယင်းလုပ်ငန်းများ လုပ်ဆောင်ရာတွင် အစိုးရက လည်း အစိုးရအလျောက်၊ အစိုးရ မဟုတ်သော အဖွဲ့အစည်းများက လည်း အစိုးရမဟုတ်သော အဖွဲ့အစည်းအလျောက်၊ ပြည်သူက လည်း ပြည်သူအလျောက် မိမိတို့ စွမ်းဆောင်နိုင်သည်များကို မခိုမကပ်ဘဲ၊ မလိမ်မညာဘဲ လက် တွေ့ကျကျ ဆောင်ရွက်ကြဖို့ လိုကြောင်း တိုက်တွန်းရေးသားလိုက် ရပါသည်။