ထိုင်းနိုင်ငံ၊ ဘန်နဆန်ခရိုင်အတွင်း မော်တော်ယာဉ်နှစ်စီးနှင့်အတူ ၂၀၁၉ ခုနှစ်၊ ဇွန်လ (၂၀)ရက်နေ့ ညပိုင်းက ဖမ်းဆီးရမိထားသည့် မြန်မာနိုင်ငံသား (၄၂)ဦးကို စစ်ဆေးမှုများပြီးပါက နေရပ်ပြန်ပို့မည်ဖြစ်ပြီး ထိုင်းယာဉ်မောင်းနှစ်ဦးကို လူမှောင်ခိုမှုဖြင့်အရေးယူထားကြောင်း သိရသည်။ ထိုင်းနိုင်ငံ နမ်ဖွမ်စစ်ဆေးရေးဂိတ်အနီးသို့ ည(၈)နာရီဝန်းကျင်ကရောက်လာသည့် မော်တော်ယာဉ်(၂)စီးကို စစ်ဆေးရန် တားဆီးစဉ် ပြန်လှည့်သွားသဖြင့် လိုက်လံဖမ်းဆီးခဲ့ရပြီး အဆိုပါမော်တော်ယာဉ်နှစ်စီးတွင် မလေးရှားသို့ ခိုးဝင်မည့် မြန်မာအမျိုးသား (၃၉)ဦးနှင့် အမျိုးသမီး(၃)ဦးကို စစ်ဆေးတွေ့ရှိရခြင်းဖြစ်ကြောင်း သိရသည်။ထိုင်းနိုင်ငံသား ယာဉ်မောင်းနှစ်ဦးက အဆိုပါလုပ်သားများအား ကန်ချနဘူရီမှ ယာလသို့ပို့ဆောင်ပေးခ ဘတ် (၂၅၀၀၀) ဖြင့် လမ်းပြပစ်ကပ်ကား အကူအညီဖြင့် လိုက်လံပို့ဆောင်ပေးနေခြင်းဖြစ်ပြီး လမ်းပြပစ်ကပ်က စတိုးဆိုင်တွင် ပစ္စည်းဝင်ဝယ်နေစဉ် ဗင်ကားနှစ်စီးက မရပ်ဘဲ လမ်းပြကားအား စောင့်ရင်းမောင်းနှင်လာစဉ် ဖမ်းခံရခြင်းဖြစ်ကြောင်း သိရသည်။
အဆိုပါ တရားမဝင်လုပ်သားပို့ဆောင်မှုမှာ လူကုန်ကူးသည့်အဖွဲ့များနှင့် ဆက်စပ်မှုရှိ၊ မရှိကို စုံစမ်းစစ်ဆေးနေဆဲဖြစ်ကြောင်း သိရသည်။
No comments:
Post a Comment