မူဆယ်နယ်စပ်မှ တရားဝင်တင်ပို့မည့် ဆန်တန်ချိန်တစ်သောင်းကျော်ကို တရုတ်ကုမ္ပဏီက ဈေးနှိမ်ဝယ်ယူကြောင်း ဘုရင့်နောင်ဆန်ကုန်စည်ဒိုင်အတွင်းရေးမှူး ဦးသန်းဦးက ပြောသည်။ တရုတ်နိုင်ငံမှ ရွှေချိုက်ကုမ္ပဏီက ဆန်တန်ချိန်တစ်သောင်းကျော်ဝယ်ယူရာတွင် ယူနန်အစိုးရကို အခွန် ၆၀ ရာခိုင်နှုန်းပေးဆောင်ရသည်ဟူသောအကြောင်းပြချက်ဖြင့်ဆန်တစ်အိတ်လျှင် ၁၀၁ယွမ်ဈေးသတ်မှတ်ပြီး အိတ်ခွံနှင့် အလုပ်သမားခနှစ်ယွမ်ကို ထပ်မံနုတ်ယူသဖြင့် မြန်မာကုန်သည်များက ဆန်တစ်အိတ်လျှင် ၉၉ ယွမ် (ကျပ် ၂၀,၀၀၀ ခန့်)သာရရှိ ကြောင်း ၎င်းကဆိုသည်။
‘‘ဒီဘက်က အခက်အခဲဖြစ်နေပြီး ရောင်းချင်မှန်းသိတော့ ဈေးနှိမ်တဲ့သဘောပါ’’ ဟုဦးသန်းဦးက ပြောသည်။ လက်ရှိပြည်တွင်းဈေးကွက်၌ တရုတ်နိုင်ငံသို့တင်ပို့မည့်ဆန်အမျိုးအစားသည် တစ်အိတ်လျှင်ကျပ်နှစ်သောင်းခန့်ရှိသည်ဟု မူဆယ်ဆန်ကုန်စည်ဒိုင် အသင်းဝင် ဆန်ကုန်သည်တစ်ဦးက ပြောသည်။
မူဆယ်တွင် ဆန်တန်ချိန် ခြောက်သောင်းခန့်ပိတ်မိခဲ့ပြီး နောက် ယခုနှစ်ဇွန်လအတွင်း တရုတ်နိုင်ငံသို့ ဆန်တန်ချိန်တစ် သောင်းရောင်းချရန် ပြီးခဲ့သည့်မေ လက အရောင်းအ၀ယ်သဘော တူညီမှုရရှိခဲ့သည်။ အမှန်တကယ် ရောင်းချချိန်တွင် ဆန်တန်ချိန် တစ်သောင်းတစ်ထောင့်ငါးရာအ ထိ ရောင်းချနိုင်ခဲ့ကြောင်း ဦးသန်း ဦးကဆိုသည်။
တရုတ်ကုမ္ပဏီက ဈေးနှိမ် သည်ကိုသိသော်လည်း ယခုကဲ့သို့ တင်ပို့နိုင်ခြင်းသည် ပိတ်မိနေ သောဆန်များအတွက် ထွက် ပေါက်တစ်ခုဖြစ်လာသည်ဟု မူ ဆယ် ဆန်ကုန်စည်ဒိုင်အသင်းဝင် ဆန်ကုန်သည်တစ်ဦးက ပြော သည်။
တရားမ၀င်ကုန်သွယ်မှုတား ဆီးရေးခေါင်းစဉ်ဖြင့် မြန်မာနိုင်ငံ ဘက်မှပို့ကုန်များ ငါးလကျော် တားဆီးခံရပြီးနောက် မြန်မာ့ဆန် တန်တစ်သောင်းကျော်ကို တရုတ် နိုင်ငံက ပထမဆုံးအကြိမ်တရား ၀င် ပြန်လည်ဝယ်ယူခြင်းဖြစ် သည်။
ယခင်မြန်မာနိုင်ငံမှ ဆန် တင်ပို့ရာတွင် စီးပွားကူးသန်းဝန် ကြီးဌာနက မြန်မာကုန်သည်များ ကို တရားဝင်လိုင်စင်ဖြင့် ခွင့်ပြု သော်လည်း တရုတ်အစိုးရက ၎င်း၏ကုန်သည်များကို တရားဝင် တင်သွင်းခွင့်မပြုပေ။ ထို့ကြောင့် မြန်မာဆန်ကုန်သည်များက မူ ဆယ်နယ်စပ်တွင် တရုတ်ကုန် သည်များကို တရားမ၀င်ရောင်းချ ရသည့်အခြေအနေဖြစ်ပေါ်ခဲ့ သည်။
၂၀၁၇-၁၈ ဘဏ္ဍာနှစ်က မြန်မာနိုင်ငံမှ နယ်စပ်ကုန်သွယ် ရေးဖြင့် တရုတ်နိုင်ငံသို့ဆန်တန် ချိန်တစ်သန်းကိုးသိန်းခန့် တင်ပို့ ရာတွင်လည်း ၉၀ ရာခိုင်နှုန်း ကျော်ကို တရုတ်ကုန်သည်များက တရားမ၀င် ၀ယ်ယူခြင်းဖြစ်သည်။ ထို့ကြောင့် ၂၀၁၈ နှစ်ကုန်တွင် ယူနန်အစိုးရက တရားမ၀င်ကုန် သွယ်မှုတားဆီးရေးကို အကောင် အထည်ဖော်ချိန်၌ မြန်မာနိုင်ငံမှ ဆန်အပါအ၀င် လယ်ယာထွက် ကုန်များ တင်ပို့ခွင့်မရသည့်အခြေ အနေကြုံတွေ့ခဲ့ရသည်။
No comments:
Post a Comment