ရီးရဲလ်မက်ဒရစ်သို့ ပြောင်းရွှေ့မည်ဟု သတင်းထွက် နေသော်လည်း ဖရန့်ဖတ်တိုက်စစ်မှူး လူကာဂျိုဗစ်က အင်္ဂလန်နှင့် အီတလီသို့ ပြောင်းရွှေ့နိုင်ခြေကို လမ်းဖွင့်ခဲ့သည်။ ဘင်ဖီကာမှ ဖရန့်ဖတ်သို့ ၂ နှစ် အငှားစာချုပ်ဖြင့် ရောက်ရှိခဲ့ သော ဂျိုဗစ်သည် ယခုရာသီ၌ ပြိုင် ပွဲစုံတွင် ၂၇ ဂိုး သွင်းယူပြီးနောက် ဘွန်ဒက်စ်လီဂါကို လှုပ်ခတ်စေခဲ့ သည်။ ၎င်း၏ခြေစွမ်းကြောင့် ရီး ရဲလ်၏ အာရုံစိုက်ခြင်းရရှိခဲ့ပြီး ယင်းဆားဘီးယားတိုက်စစ်မှူးကို ခေါ်ယူရေး ရီးရဲလ်က ယူရိုသန်း ၅၀ သုံးရန် ပြင်ဆင်ခဲ့သည်။ သို့ သော် ထိုအချိန်ကစ၍ ဂျိုဗစ်(၂၁) နှစ်၏ ဈေးနှုန်းထိုးတက်ခဲ့ပြီး ရီး ရဲလ်သို့ ပြောင်းရွှေ့မည့်ကိစ္စ ရပ် တန့်နေသည်။ရီးရဲလ်၏ စိတ်ဝင်စားမှု လည်း လျော့ကျခဲ့ကာ ၎င်းတို့အ နေဖြင့် ဈေးနှုန်းအပြိုင်ပေးခြင်းမျိုး ပြုလုပ်ရန် စိတ်အားမထက်သန် ဟု Marca သတင်းတစ်ပုဒ်က ဖော်ပြသည်။ ထို့နောက် အလှည့်အ ပြောင်းတစ်ရပ်တွင် မိမိ၏ကစား ဟန်သည် ပရီးမီးယားလိဂ် (သို့မဟုတ်) စီးရီးအေနှင့် ပိုမိုလိုက်ဖက်သည်ဟု ဂျိုဗစ်က ပြောကြား သည်။
‘‘ယူရိုပါလိဂ်က ကျွန်တော် ရဲ့ အတွေ့အကြုံအရ ဥရောပတခြားလိဂ်တွေက ကျွန်တော့်အ တွက် ပိုမိုသင့်လျော်ပြီး ကျွန် တော့်ကစားဟန်နဲ့ ပိုလိုက်ဖက် တယ်လို့ ဆိုနိုင်ပါတယ်’’ဟု ဂျိုဗစ်က ဂျာမနီသတင်းစာ Welt am Sonntag အား ပြောကြားသည်။ ‘‘ကိုယ်ကာယပိုင်းအနေနဲ့ ဆိုရင် ဘွန်ဒက်စ်လီဂါက အလွန် ပဲပြင်းထန်ပါတယ်။ ဒါပေမဲ့လည်း ချယ်လ်ဆီး ဒါမှမဟုတ် အင်တာ မီလန်တို့နဲ့ ပွဲတွေအပြီးမှာ ကျွန် တော့်အနေနဲ့ ပရီးမီးယားလိဂ်၊ ဒါ မှမဟုတ် စီးရီးအေမှာ ကစားရင် ပိုကောင်းမယ်လို့ ခံစားရပါတယ်’’ ဟု ဂျိုဗစ်က ပြောကြားပြီး ယင်း အသင်းများ၏ ကစားပုံသည် မိမိ နှင့် ပိုမိုလိုက်ဖက်သည်ဟု ဆက် လက်ပြောသည်။ ကမ္ဘာ့အကောင်းဆုံးကစား သမားနှင့် မိမိ၏အဆင့်ကို နှိုင်း ယှဉ်ရန် မျှော်လင့်နေသည်ဟု စတမ်းဖို့ဒ်ဘရစ်ခ်ျတွင် ဖရန့်ဖတ် က ပင်နယ်တီဖြင့်ရှုံးပြီး ယူရိုပါ လိဂ်ပြိုင်ပွဲမှ မထွက်ရမီ ချယ်လ် ဆီးဘက်သို့ နှစ်ဂိုးသွင်းယူခဲ့သော တိုက်စစ်မှူးကပြောသည်။
No comments:
Post a Comment