ကိုယ်တွင်းအင်္ဂါထိခိုက်ဒဏ်ရာများကို ချက်ချင်းအနာကျက်စေကာ သွေးတိတ်စေသည့်ဇီဝကော်

ကိုယ်တွင်းအင်္ဂါတွေမှာ သေစေ လောက်တဲ့ထိခိုက်ဒဏ်ရာမျိုးတွေရတဲ့အခါ အချိန်ခဏအတွင်းအနာကျက်စေပြီး ချက်ချင်းသွေးတ်ိတ်စေတဲ့ ဇီဝကော်ကို သုတေသီတွေက ဖန်တီးပြုလုပ်ခဲ့ကြပါ တယ်။ ဂျယ်လိမ်းဆီလိုပုံစံနဲ့ အသုံးပြုရတဲ့ ပစ္စည်းဖြစ်ပြီး အပေါက်အပြဲနေရာမှာ သုတ်လိမ်းပေးထားကာ အပေါ်ကနေ UV Light နဲ့ အလင်းထိုးပေးထားလိုက် ရုံနဲ့ စက္ကန့် ၂၀ လောက်အတွင်းမှာပဲ အ ပေါက်အပြဲဒဏ်ရာနေရာက ကျက်သွားပြီး သွေးတိတ်သွားစေတဲ့ ကော်ဖြစ်ပါတယ်။



ရေလုံမှုအတွက်စိတ်ချရတဲ့ ဇီဝကော်ဖြစ် တာကြောင့် ဒဏ်ရာတွေကို အကာအ ကွယ်ပေးတဲ့နေရာမှာ လုံခြုံစိတ်ချရတယ် လို့လည်း သိရပါတယ်။ တရုတ်နိုင်ငံ၊ ကြက်ကျန်းဆေးတက္ကသိုလ်က သုတေသီ တွေက ရေ၊ ဂျယ်လက်တင်နဲ့ ဓာတုအ ရောအနှောတွေ ပေါင်းစပ်ကာ Bio-glueကို ဖန်တီးထုတ်လုပ်ခဲ့တာဖြစ်ပါ တယ်။ လက်တွေ့စမ်းသပ်မှုမှာ ဝက်တစ် ကောင်ရဲ့အသည်းမှာ ဓားနဲ့ခွဲလိုက်ပြီး သွေးထွက်လာတဲ့အချိန် ဇီဝကော်သုံးပြီး ကပ်လိုက်စဉ်မှာပဲ စက္ကန့်ပိုင်းအတွင်း ကွဲ ဟနေတဲ့ဒဏ်ရာက အနာကျက်သွားခဲ့ပြီး သွေးတိတ်သွားခဲ့တာကို သက်သေပြနိုင် ခဲ့ပါတယ်။ ရေဓာတ်ရှိနေတဲ့ တစ်သျှူးအစို တွေပေါ်မှာပါ ကော်က အစွမ်းထိရောက်မှု ရှိတဲ့အတွက် ဒဏ်ရာအနာတွေကိုတွဲချုပ် ရတဲ့အဆင့်မလိုအပ်တော့ဘဲ အနာကျက် စေမယ်လို့ ပါမောက္ခဟုန်ဝေအိုယန်က ဆို ပါတယ်။

နှလုံးခွဲစိတ်မှုတွေမှာ သွေးထွက် လွန်ပြီး လူနာသေဆုံးတဲ့ဖြစ်စဉ်မျိုး၊ စစ် မြေပြင်နဲ့ အကြမ်းဖက်တိုက်ခိုက်ခံရမှု အခြေအနေမှာ အရေးပေါ်ကုသမှုတွေအ တွက် ဒီဇီဝကော်က အကျိုးများစေမယ်လို့ ပါမောက္ခဟုန်ဝေအိုယန်က ဆိုပါတယ်။ လက်တွေ့သုံးစွဲနိုင်ဖို့အတွက် အသေး စိတ်လေ့လာစမ်းသပ်မှုတွေ ဆက်လက် လုပ်ဆောင်နေကြပြီး လာမယ့်သုံးနှစ်၊ လေးနှစ်လောက်မှာမှ လူနာတွေဆီ ဇီဝ ကော်နဲ့ လက်တွေ့အသုံးပြုကုသပေး သွားနိုင်မယ်လို့ ပါမောက္ခဟုန်ဝေအိုယန် က ဆိုပါတယ်။