စစ်ကိုင်းတိုင်းဒေသကြီး တန့်ဆည်မြို့နယ် ရွှေကူမူးလက်တက် ကမ်းဘေးမှာ မေလ ၁၈ ရက်နေ့ မနက်ပိုင်းက အမျိုးသားအလောင်းတလောင်း တွေ့ရှိခဲ့ပါတယ်။ ကံထူးမ နယ်မြေရဲစခန်းမှူး ရဲအုပ်မျိုးမင်းထွန်းက “စခန်းမှာရှိတဲ့ ရဲတပ်ဖွဲ့ဝင်တွေရယ်၊ ရွှေကူကျေးရွာ အုပ်ချုပ်ရေးမှူး၊ပေကုန်း ရွာခွဲတာဝန်ခံတို့နဲ့အတူ အခင်းဖြစ်နေရာကို သွားရောက်စစ်ဆေးခဲ့တယ်။ ပေကုန်းရွာနဲ့ ၂ ဖာလုံလောက်အကွာ ရွှေကူမူး လက်တက် တောင်ဘက်ကမ်း ရေထဲက မြက်ပင်တွေကြားမှာ အမျိုးသားတ ဦး သေဆုံးနေတာတွေ့ရတယ်။
ပတ်ဝန်းကျင်ကို စစ်ဆေးလိုက်တော့ ကော်တက်ရွာက အသက် ၇၃ နှစ်အရွယ် ဦးကြည်ထွန်း ဖြစ်တယ်လို့ သိရပြီး ပြင်ပဒဏ်ရာမတွေ့ရှိပါဘူး။ ရေနစ်ပြီး သေဆုံးတာ ဖြစ်နိုင်တယ်” လို့ ဒီဗွီဘီကို ပြောပါတယ်။ ဦးကြည်ထွန်း သေဆုံးမှုနဲ့ ပတ်သက်ပြီး ဓမ္မတာအတိုင်း သေဆုံးတာ ဟုတ်မဟုတ် သိရဖို့ ကံထူးမ နယ်မြေရဲစခန်းမှာ သေမှုသေခင်း အမှတ်စဉ် ၂/၂၀၁၉ နဲ့ အမှုဖွင့်ပြီး စစ်ဆေးနေတယ်လို့ သိရပါတယ်။
No comments:
Post a Comment