ဂျပန်နိုင်ငံတွင် အလုပ်ရမည်ဆိုကာ တစ်ဦးလျှင် ကျပ်သိန်း ၅၀ စီဖြင့် အလုပ်သမား ၅၀ ခန့် လိမ်လည်ခံရဟုဆို

ဂျပန်နိုင်ငံတွင် အလုပ် ရမည်ဆိုကာ အလုပ်သမား ၄၈ ဦးထံမှ တစ်ဦးလျှင် ကျပ်သိန်း ၅၀ စီလိမ်လည်ယူဆောင်မှုနှင့်ပတ် သက်၍ နိုင်ငံ့အကြီးအကဲများ ထံတိုင်ကြားမည်ဟု အဆိုပါအလုပ်သမားများက ပြောသည်။ ယခုနှစ် ဖေဖော်ဝါရီတွင် ဂျပန်နိုင်ငံရှိ ထမင်းဘူးစက်ရုံ၌ သွားရောက် လုပ်ကိုင်ရမည်ဆို ကာ ဒဂုံမြို့သစ်(မြောက်ပိုင်း)မြို့ နယ်နေ ဒေါ်ဇင်မီကိုဆိုသူက ၂၀၁၈ ကတည်းက အလုပ်သမား များစုဆောင်းခဲ့ပြီး ၀န်ဆောင်ခကို  အရစ်ကျခွဲ၍ တောင်းခံခဲ့ကြောင်း ၎င်းတို့က ဆိုသည်။



‘‘နှစ်လပိုင်းထွက်ရမယ်ပြော ပြီး ဘာမှအကြောင်းမထူးလို့ မေး တော့ သုံးလပိုင်းလို့ပြောတယ်။ သုံးလပိုင်း ရောက်တော့လည်း လေးလပိုင်းဆိုပြီး ထပ်ရွှေ့တယ်။ နောက်တော့ ကျွန်တော်တို့ပိုက်ဆံ ပြန်တောင်းတော့ ငါးလပိုင်း ၇ ရက်နေ့ပြန်ပေးမယ်ဆိုပြီး စာချုပ် ချုပ်တယ်။ ဒါပေမဲ့လည်း အဲဒီနေ့ ကျော်တဲ့အထိ ကျွန်တော်တို့ပိုက် ဆံပြန်မရဘူး’’ ဟု ငွေပေးသွင်း ထားခဲ့သည့်ကိုအောင်ရဲနောင်က ပြောသည်။

ထိုသုိ့လိမ်လည်ခံရသည့်အ လုပ်သမား ၄၈ဦးတွင်ပါဝင်သည့် အလုပ်သမားအချို့က ဇွန်လ ၂၁ ရက်တွင် သတင်းစာရှင်းလင်းပွဲပြု လုပ်ကာ ၎င်းတို့ကြုံတွေ့ရသည့် အခြေအနေနှင့်ရည်ရွယ်ချက်ကို ပြောကြားခဲ့သည်။

မေလတွင် ဒေါ်ဇင်မီကိုအား ယခင်လိမ်လည်ခံရသည့်အလုပ် သမားတစ်ဦးက လူကုန်ကူးမှုဖြင့် တိုင်ကြားခဲ့ရာ ဒဂုံမြို့သစ် (မြောက်ပိုင်း)မြို့နယ် ထားဝယ် ချောင်ရဲစခန်းတွင် ဖမ်းဆီးချုပ် နှောင်ထားသဖြင့် ထပ်မံတွေ့ဆုံ ခွင့်မရတော့ကြောင်း အလုပ်သ မားများကဆိုသည်။

‘‘ကျွန်တော်လည်း ထားဝယ် ချောင်စခန်းမှာ မေလအတွင်းက သွားတိုင်ထားသေးတယ်။ ဘယ် လိုပုဒ်မတပ်ထားလဲတော့ မသိ ရသေးဘူး’’ ဟု အလုပ်သမား ကိုသန်းလွင်က ပြောသည်။

ထိုသို့လိမ်လည်ခံရခြင်းမျိုး ထပ်မံမဖြစ်ပေါ်စေရန်နှင့် လိမ် လည်သူကို ထိရောက်စွာအရေး ယူဆောင်ရွက်စေလို၍ သတင်း စာရှင်းလင်းပွဲပြုလုပ်ရခြင်းဖြစ် သည်ဟု ၎င်းတို့ကဆိုသည်။

‘‘ဖြစ်နိုင်ရင်တော့ ပါသွား တဲ့ပိုက်ဆံတွေပြန်ရချင်တာပေါ့။ ဒီအခြေအနေမှာ ဒါကလည်း မလွယ်တော့ဘူးဆိုတာနားလည် ပါတယ်။ ထိရောက်တဲ့အရေးယူ အပြစ်ပေးခံရတာကို အဓိကလို ချင်ပါတယ်’’ ဟု ကိုအောင်ရဲ နောင်က ပြောသည်။

ဒေါ်ဇင်မီကိုသည် ပြည်ပသို့ အလုပ်သမားစေလွှတ်ခွင့်လိုင်စင် ရရှိထားခြင်းမရှိဘဲ အလုပ်သမား စုဆောင်း၍ ငွေကြေးရယူနေခြင်း ဖြစ်ကာ အလုပ်သမားညွှန်ကြား ရေးဦးစီးဌာနထံ အဆိုပါဖြစ်ရပ် နှင့်ပတ်သက်၍ စာဖြင့်တိုင်ကြား ထားသည်ဟု အလုပ်သမားများ က ဆိုသည်။

‘‘လာမယ့်အင်္ဂါနေ့ (ဇွန်လ ၂၅ ရက်)မှာ နိုင်ငံတော်သမ္မတ၊ နိုင်ငံတော်အတိုင်ပင်ခံ၊ ပြည်ထဲ ရေးဝန်ကြီးဌာန၊ အလုပ်သမား ၀န်ကြီးဌာနစတဲ့သက်ဆိုင်တဲ့ဆီ တွေကို စာပို့တိုင်ကြားသွားဖို့ လည်းရှိပါတယ်’’ ဟု ယင်းအ လုပ်သမားများအရေး ကူညီ ဆောင်ရွက်နေသည့်ဦးစိုးမင်းဦးက ပြောသည်။ ဒေါ်ဇင်မီကိုအား အမှုဖွင့်အ ရေးယူထားမှုအခြေအနေနှင့်ပတ် သက်၍ ဒဂုံမြို့သစ်(မြောက်ပိုင်း) မြို့နယ် ထားဝယ်ချောင်ရဲစခန်း သို့ ဆက်သွယ်မေးမြန်းသော် လည်း ဆက်သွယ်မရပေ။