မန်ယူအသင်းကွင်းလယ်ကစားသမား ပေါလ်ပေါ့ဂ်ဘာအား မန်ယူအသင်းတွင်သာ ဆက်လက်ကစားသွားရန် ပြင်သစ်နှင့် အာဆင်နယ်အသင်း ကွင်းလယ်တိုက်စစ်ကစားသမားဟောင်း ရောဘတ်ပေရက်စ်က တိုက်တွန်းပြောဆိုလိုက်သည်။ ပေါဂ့်ဘာအနေဖြင့် ပရီးမီးယားလိဂ်ပြိုင်ပွဲတွင် ၎င်း၏ စွမ်းဆောင်နိုင်မှုကို ပြသနိုင်မည်ဖြစ်ကြောင်းနှင့် မန်ယူအသင်းက ၎င်းအပေါ်ထားရှိသည့် ယုံကြည်မှုအတွက် ပြန်လည်ပေးဆပ်ရန်လိုအပ်ကြောင်းလည်း ပေရက်စ်က ဆက်လက်ပြောဆိုခဲ့ သည်။
ပြင်သစ်ကစားသမားတစ်ဦးဖြစ်သူ ကွင်းလယ်ကစားသမား ပေါ့ဂ်ဘာသည် ရီးရဲမက်ဒရစ်အသင်းက ယခုနွေရာသီအတွင်း တွင် ပြောင်းရွှေ့ကြေး ပေါင်သန်း ၁၅၀ ဖြင့်ခေါ်ယူရန် စိတ်ဝင်စားခြင်းခံနေရသူဖြစ်ပြီး ပေါ့ဂ်ဘာအနေဖြင့် ရီးရဲသို့ ပြောင်း ရွှေ့ခဲ့မည်ဆိုပါက တစ်နိုင်ငံတည်းသားဖြစ်သူ နည်းပြ ဇီဒန်း၏ လက်အောက်တွင် ကစားခွင့်ရရှိမည်ဖြစ်သည်။ ကွင်းလယ်ကစားသမား ပေါ့ဂ်ဘာသည် ယခုနွေရာသီဈေးကွက်ကာလအတွင်းတွင် ရီးရဲမက်ဒရစ်အသင်းထံသို့ ပြောင်း ရွှေ့လိုကြောင်း မန်ယူအသင်းတာဝန်ရှိသူများကို အသိပေးပြောဆိုထားသည်ဟု သတင်းများ ထွက်ပေါ်နေသူဖြစ်သည်။
၂၀၀၀ ပြည့်နှစ်မှ ၂၀၀၆ ခုနှစ်အထိ အာဆင်နယ်အသင်းတွင် ပါဝင်ကစားခဲ့သူ ပေရက်စ်က “ပေါ့ဂ်ဘာဟာ ပရီးမီးယား လိဂ်မှာ အကောင်းဆုံးကစားနိုင်စွမ်းရှိသူပါ။ ပြီးခဲ့တဲ့ ဘောလုံးရာသီက သူ့အတွက် အလွန်ခက်ခဲခဲ့တဲ့ ဘောလုံးရာသိတစ် ခုဖြစ်တယ်ဆိုတာကို ကျွန်တော်သိပါတယ်။ မန်ယူအသင်းဟာ အခုနွေရာသီကစားသမားအပြောင်းအရွှေ့ဈေးကွက် ကာလအတွင်းတွင်မှ ငွေကြေးအများအပြားသုံးစွဲပြီး ကစားသမားသစ်တွေ ခေါ်ယူလိမ့်မယ်လို့ ပြောဆိုနေကြတယ်။ ဒါက ပေါ့ဂ်ဘာအတွက် ခက်ခဲမှုတစ်ခုဖြစ်လာနိုင်တယ်။ ရီးရဲမက်ဒရစ်အသင်းနဲ့ နည်းပြ ဇီဒန်းတို့က ပေါ့ဂ်ဘာကို ခေါ်ယူဖို့ စိတ် ၀င်စားနေတယ်တယ်ဆိုတာကို ကျွန်တော် သိပါတယ်။ ဒါပေမယ့် ပေါ့ဂ်ဘာအတွက် အရေးအကြီးဆုံးက မန်ယူအသင်း မှာ ဆက်လက်ကစားနေဖို့ပဲဖြစ်ပါတယ်။ မန်ယူအသင်းဟာ ကမ္ဘာ့အကောင်းဆုံးကလပ်တွေအနက်က တစ်သင်းဖြစ်ပါ တယ်”ဟု ပြောဆိုခဲ့သည်။
ဆက်လက်၍ ပေရက်စ်က “မန်ယူအသင်းဟာ လာမယ့်ဘောလုံးရာသီမှာ ယူရိုပါလိဂ်ပြိုင်ပွဲသာ ကစားရမှာဖြစ်ပါတယ်။ ကစားသမားတိုင်းကတော့ ချန်ပီယံလိဂ်ပြိုင်ပွဲမှာ ကစားချင်ကြတာပါပဲ။ ပေ့ါဂ်ဘာအတွက် အရေးအကြီးဆုံးက မန်ယူ အသင်းမှာပဲ ဆက်ရှိနေဖုိ့ဖြစ်ပါတယ်။ ကလပ်အသင်းတစ်သင်းက ကိုယ့်ကို ပြောင်းရွှေ့ကြေးအများအပြားပေးချေပြီး ခေါ် ယူခြင်းက အဲဒီအသင်းအနေနဲ့ ကိုယ့်အပေါ်မှာ ယုံကြည်မှုပေးခဲ့တာကြောင့်ဖြစ်ပါတယ်”ဟု ပြောဆိုခဲ့သည်။
မန်ယူအသင်းသည် ကွင်းလယ်ကစားသမား ပေါ့ဂ်ဘာအား ၂၀၁၆ ခုနှစ် သြဂုတ်လအတွင်း ဂျူဗင်တပ်အသင်းထံမှ ခေါ်ယူခဲ့စဉ်က ပြောင်းရွှေ့ကြေးအဖြစ် ယူရို ၁၀၅ သန်း ပေးချေခဲ့ရပြီး အဆိုပါ ပြောင်းရွှေ့ကြေးသည် ထိုစဉ်က ကမ္ဘာ့စံချိန်တင်ပြောင်းရွှေ့ကြေးအဖြစ် မှတ်တမ်းဝင်ခဲ့သည်။
No comments:
Post a Comment