ဧရာဝတီတိုင်း၊ ကျောင်းကုန်းမြို့နယ်နှင့် ပန်းတနော် ကြားတွင် ဇွန်လ ၁၅ ရက်နေ့က လူနာတင်ယာဉ်တစ်စီး လမ်းဘေးသစ်ပင်အား ဝင်တိုက်မှုဖြစ်ပွားခဲ့ကြောင်း သတင်းရသည်။ ယာဉ်တိုက်မှုဖြစ်ပွားခဲ့သည့် လူနာတင်ယာဉ်သည် ပုသိမ် ဘက်မှ ရန်ကုန်ဘက်သို့မောင်းနှင်လာစဉ် လမ်းချော်ပြီး လမ်းဘေးသစ်ပင်ဝင်တိုက်မိခဲ့သဖြင့် ယာဉ်မောင်း ဦးဝင်းထိုက်မှာ စိုးရိမ်ရသည့်ဒဏ်ရာများရရှိသွားသဖြင့် ရန်ကုန် ဆေးရုံကြီးသို့ပို့ဆောင်ထားရကြောင်း ကယ်ဆယ်ရေးများထံမှသိရသည်။
အဆိုပါလူနာတင်ယာဉ်မှာ ညောင်တုန်းမြိုနယ်တာကွေ့ ကျုံတမာကျေးရွာမှ သုခုမမေတ္တာလူမှုဂရုဏာအသင်း၏ လူနာတင်ယာဉ်ဖြစ်ပြီး ပုသိမ်မြို့တွင်ပြုလုပ်သည့် အရပ်ဘက်လူမှုအဖွဲ့အစည်းများ၊ သဘာဝဘေးကူညီကယ်ဆယ်ရေးပရဟိတအဖွဲ့အစည်းများ၊ ဒေသခံများနှင့်တွေဆုံပွဲအခမ်းအနားအပြီးပြန်လာစဉ် ယခုလိုဖြစ်ပွားခဲ့ခြင်း ဖြစ်ကြောင်းသိရသည်။
ယာဉ်တိုက်မှုကြောင့် ယာဉ်၏အရှေ့ပိုင်းမှာကြေမွသွားပြီး ယာဉ်မောင်းဖြစ်သူ ညှပ်နေသည့်အတွက် မတော်တဆဖြစ်ပွားသောယာဉ်ကို လယ်ထွန်စက်၊ ကားကြီးယာဉ်တို့အကူအညီရယူကာ ကြိုးနှင့်ဆွဲထုတ်ခဲ့ရကြောင်း ဒေသခံများထံမှ သိရသည်။
ယာဉ်ပေါ်တွင် လိုက်ပါလာသူများအနက် ယာဉ်မောင်း ဖြစ်သူ ဦးဝင်ထိုက်မှာ စိုးရိမ်ဒဏ်ရာများရရှိခဲ့သည့်အတွက် ရန်ကုန်ဆေးရုံကြီးသို့ပို့ဆောင်ခဲ့ရပြီး ဦးကဒေး၊ ဦးသန်းဦး နှင့် ဦးကျော်ဦးလွင်တို့ သုံးဦးမှာ မစိုးရိမ်ဒဏ်ရာများရရှိခဲ့ သည့်အတွက် ညောင်တုန်းဆေးရုံကြီးတွင် ဆေးကုသ မှုခံယူခဲ့ရကြောင်း သိရှိရသည်။
No comments:
Post a Comment