စပိန်ကလပ် ရီးရဲမက်ဒရစ်အသင်းသည် ဂျပန်လူငယ်တိုက်စစ်ကစားသမား တာကီဖူဆာကူဘိုအား ပြီးခဲ့သည့် ဇွန်လ ၁၄ ရက်နေ့တွင် ဂျပန်ကလပ် အက်ဖ်စီတိုကျိုအသင်းထံမှ ခေါ်ယူလိုက်ပြီဖြစ်ကြောင်း သတင်းများတွင် ရေးသားဖော်ပြထား သည်။ ဂျပန်မက်ဆီဟု တင်စားခြင်းခံနေရသူ အသက် ၁၈ နှစ်အရွယ်ရှိ တာကီဖူဆာကူဘိုသည် တိုက်စစ်မှူးတစ်ဦးအဖြစ်သာ မက ကွင်းလယ်တိုက်စစ်ကစားသမားအဖြစ်ပါ ကစားနိုင်စွမ်းရှိသူဖြစ်သည်။ ရီးရဲမက်ဒရစ်အသင်းသည် တိုက်စစ်ကစား သမား တာကီဖူဆာကူဘိုအား ခေါ်ယူခြင်းအတွက် အက်ဖ်စီတိုကျိုအသင်းထံသို့ ပြောင်းရွှေ့ကြေးအဖြစ် ပေါင် ၁.၇၈ သန်း ပေးချေခဲ့ရပြီး ၅ နှစ်သက်တမ်းရှိ စာချုပ်ချုပ်ဆိုခဲ့ခြင်းဖြစ်သည်။ တိုက်စစ်ကစားသမား တာကီဖူဆာကူဘိုသည် လာမည့်ဘောလုံးရာသီမှစတင်ကာ စပိန်တတိယတန်းတွင် ပါဝင်ယှဉ်ပြိုင်နေသည့် ရီးရဲမက်ဒရစ် လူငယ်အသင်းတွင် စတင်ပါဝင်ကစားမည်ဖြစ်ပြီး ရီးရဲမက်ဒရစ်အသင်းထံမှ တစ်နှစ်လုပ်ခငွေအဖြစ် ယူရိုတစ်သန်းရရှိမည်ဖြစ်ကြောင်း သတင်းများတွင် ဆက်လက်ရေးသားထားသည်။
တိုက်စစ်ကစားသမား တာကီဖူဆာကူဘိုသည် ၂၀၁၁ ခုနှစ်မှ ဘာစီလိုနာအသင်း၏ လာမာစီယာအကယ်ဒမီသို့ရောက် ရှိလာခဲ့ပြီး ထိုစဉ်က အသက် ၉ နှစ်သာရှိသေးသူဖြစ်သည်။ ဘာစီလိုနာအသင်းက ခေါ်ယူခဲ့သည့် သတ်မှတ်အသက်အောက် ငယ်ရွယ်သည့် ကစားသမားများအနက်မှ တစ်ဦးအဖြစ် ပါဝင်ခဲ့သူ တာကီဖူဆာကူဘိုသည် ၂၀၁၅ ခုနှစ် ဘာစီလိုနာလူငယ်အသင်းများတွင် ပါဝင်ကစားခွင့် ပိတ်ပင်ခံခဲ့ရပြီးနောက် အက်ဖ်စီတိုကျိုလူငယ်အသင်းသို့ ပြောင်းရွှေ့လာခဲ့သူဖြစ်ကာ ၂၀၁၆ ခုနှစ်တွင် အက်ဖ်စီတိုကျိုပထမအသင်း၌ ပါဝင်ခွင့်ရရှိခဲ့ပြီး အက်ဖ်စီတိုကျိုအသင်း အတွက် အမှတ်ပေးပွဲပေါင်း ၁၉ ပွဲ ပါဝင်ကစားခဲ့ရာတွင် ၄ ဂိုးသွင်းယူနိုင်ခဲ့သူဖြစ်သည်။
တာကီဖူဆာကူဘိုသည် ကွင်းလယ်တိုက်စစ်ကစားသမားတစ်ဦးအနေဖြင့် နည်းစနစ်ပိုင်းကြွယ်ဝစွာဖြင့် အကောင်းဆုံး ကစားနိုင်စွမ်းရှိသူဖြစ်ကာ ပွဲတစ်ပွဲအပေါ် ကြည့်ရှုသုံးသပ်ရာတွင်လည်း အကောင်းဆုံး သုံးသပ်နိုင်စွမ်းရှိသူအဖြစ် မီဒီယာ များ၏ ချီးကျူးရေးသားမှု ခံနေရသူဖြစ်သည်။ တာကီဖူဆာကူဘိုသည် ၎င်း၏ ပထမဆုံးနိုင်ငံတကာပွဲအဖြစ် ဇွန်လ ၉ ရက်တွင် ဂျပန်အသင်းက အယ်ဆာဗေးဒိုးအသင်းအား ၂-၀ ဖြင့် အနိုင်ရရှိခဲ့သော နိုင်ငံတကာခြေစစ်ပွဲတွင် ပါဝင်ကစား ခွင့်ရရှိခဲ့ပြီးနောက် ရက်အနည်းငယ်အကြာတွင် ရီးရဲမက်ဒရစ်အသင်းသို့ ပြောင်းရွှေ့ရန် သဘောတူညီမှုများ ရရှိခဲ့ခြင်းဖြစ် သည်။ အဆိုပါခြေစမ်းပွဲတွင် တာကီဖူဆာကူဘိုသည် ပွဲချိန် ၆၇ မိနစ်တွင် လူစားဝင်ကစားခွင့်ရရှိခဲ့ခြင်းဖြစ်သည်။ တိုက်စစ်ကစားသမား တာကီဖူဆာကူဘိုသည် ဘရာဇီးနိုင်ငံ၌ ကျင်းပနေသည့် ၂၀၁၉ ခုနှစ် ကိုပါအမေရိကဖလားပြိုင်ပွဲ တွင် ပါဝင်ယှဉ်ပြိုင်မည့် ဂျပန်လက်ရွေးစင်အသင်းအတွက် ရွေးချယ်ခံထားရသူဖြစ်သည်။ ဂျပန်အသင်းသည် ၂၀၁၉ ခုနှစ်ကိုပါအမေရိကဖလားပြိုင်ပွဲ အုပ်စုပွဲများအဖြစ် ဇွန်လ ၁၈ ရက်နေ့တွင် ချီလီအသင်းနှင့်လည်းကောင်း၊ ဇွန်လ ၂၁ ရက်နေ့တွင် ဥရုဂွေးအသင်းနှင့်လည်းကောင်း၊ ဇွန်လ ၂၅ ရက်နေ့တွင် အီကွေဒေါအသင်းနှင့်လည်းကောင်း ယှဉ်ပြိုင်ရ မည်ဖြစ်သည်။
No comments:
Post a Comment