Advertise Here
အားလုံးပဲ မင်္ဂလာပါ။
Sunday, June 23, 2019
မင်းကင်းတွင် ကားမှောက်၍ ကလေးငယ်တစ်ဦး သေဆုံး
စစ်ကိုင်းတိုင်းဒေသကြီး၊ မင်းကင်းမြို့နယ်တွင် ဇွန်လ ၂၃ ရက်နေ့ နေ့လယ် ၁၂ နာရီခန့်က Hijet ကားတစ်စီး အရှိန်မထိန်းနိုင်ဘဲ တိမ်းမှောက်ရာမှ ကလေးငယ်တစ်ဦးသေဆုံးပြီး ငါးဦးဒဏ်ရာ ရရှိခဲ့ကြောင်း မင်းကင်းမြို့မရဲစခန်းထံမှ သိရသည်။ မင်းကင်းမြို့မှ သင်္ဘောကျေးရွာသို့ မင်းကင်း-မြို့မကားလမ်းအတိုင်း ခရီးသည် ၇ ဦး တင်ဆောင်မောင်းနှင်လာသည့် ဟိုက်ဂျက်ကားသည် အရှိန်မထိန်းနိုင်ဘဲ တိမ်းမှောက်ခဲ့ရာ ၂ နှစ်အရွယ် မိန်းကလေးတစ်ဦးမှာ နေရာတွင် သေဆုံးခဲ့ပြီး ကျန်လူ ၅ ဦးမှာ ဒဏ်ရာရရှိခဲ့သဖြင့် မင်းကင်းမြို့၊ ပြည်သူ့ဆေးရုံတွင် တက်ရောက်ဆေးကုသမှု ခံယူလျက်ရှိကြောင်း အဆိုပါစခန်းထံမှ သိရသည်။ ယင်းဖြစ်စဉ်နှင့် ပတ်သက်၍ မင်းကင်းမြို့မရဲစခန်းက ယာဉ်မောင်း သူရအောင်၂၇ နှစ်ကို ယာဉ် (ပ) ၆/၂၀၁၉ ရာဇသတ်ကြီး ပုဒ်မ -၃၃၇/၃၃၈/၃၀၄-က ဖြင့် အမှုဖွင့်အရေးယူနိုင်ရေး ဆက်လက်ဆောင်ရွက်လျက်ရှိသည်။
Subscribe to:
Post Comments (Atom)
No comments:
Post a Comment