ရှမ်းပြည်နယ်အရှေ့ပိုင်း၊ တာချီလိတ်မြို့နယ်၊ လွယ်တော်ခမ်းကျေးရွာအုပ်စု၊ အာဒီးကျေးရွာရှိ နေအိမ်တစ်လုံးတွင် ဘိန်းဖြူ၊ ဘိန်းစိမ်း၊ အိုက်စ်နှင့် စိတ်ကြွရူးသွပ်ဆေးပြားများကို ၂၀၁၉ ခုနှစ်၊ ဇွန်လ (၂၂)ရက်နေ့ နံနက်(၉)နာရီခွဲက နယ်မြေရှင်းလင်းရေးဆောင်ရွက်စဉ် သိမ်းဆည်းရမိသဖြင့် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့စု (၃၀)တာချီလိတ်သို့ လွှဲပြောင်းပေးထားကြောင်း သိရသည်။တပ်မတော်က နယ်မြေရှင်းလင်းရေးဆောင်ရွက်နေစဉ် အာဒီးကျေးရွာရှိ ဦးလိတိ၏နေအိမ်အား ဝင်ရောက်ရှင်းလင်းရာ ၎င်းအားနေအိမ်တွင်မတွေ့ရှိဘဲ နေအိမ်ခြံဝင်းအတွင်းရှိ ကားဂိုထောင်တွင်ရပ်ထားသော မော်တော်ယာဉ်အတွင်းမှ ဖန်ပုလင်းများဖြင့်ထည့်ထားသည့် ဘိန်းဖြူအလေးချိန် (၂၅၂ ) ဂရမ်၊ အိုက်စ် အလေးချိန် (၄၄၉) ဂရမ်၊ ဘိန်းစိမ်းအလေးချိန် (၁.၈) ကီလို၊ စိတ်ကြွရူးသွပ်ဆေး ပြား (၅၆၀၀) ပြားနှင့် စကားပြောစက် (၃) လုံးတို့အား သိမ်းဆည်းရမိခဲ့သဖြင့် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့စု(၃၀)တာချီလိတ်သို့ လွှဲပြောင်းပေးအပ်ထားခြင်းဖြစ်ကြောင်း သိရသည်။
အဆိုပါ မူးယစ်ဆေးများ ဖမ်းဆီးရမိမှုနှင့်ပတ်သက်၍ တာချီလိတ်မြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေဖြင့် အမှုဖွင့်လှစ်ပြီး တရားခံဖမ်းဆီးရမိရေး စုံစမ်းဆောင်ရွက်လျက်ရှိကြောင်း သိရသည်။
No comments:
Post a Comment