မန္တလေးရဲ့ လူစည်ကားရာလမ်းမကြီးမှာ အမျိုးသမီးတစ်ဦးကို ပစ်ခတ်ခဲ့တဲ့ သေနတ်သမား ကို မန္တလေးခရိုင် တရားရုံးက ဒီကနေ့ မှာ သေဒဏ်အမိန့်ချ လိုက်ပါပြီ။ အမှုကတော့ ပြီးခဲ့တဲ့ ၂၀၁၈ အတွင်းက ဖြစ်ခဲ့တာပါ။ သေဆုံးခဲ့တဲ့ အမျိုးသမီးဟာ သူ့ ခင်ပွန်းနဲ့ အတူ ဆိုင်ကယ်စီးလာတဲ့အချိန်မှာ အဲဒီအမျိုးသမီးရဲ့ ပိုက်ဆံအိတ်ကို နောက်က ကပ်လိုက်လာတဲ့ ဆိုင်ကယ် သမားက လုယူခဲ့တာဖြစ်ပါတယ်။ အမျိုးသမီးက သူ့အိတ်ကို ဆိုင်ကယ်သမားဆီက ပြန်လုရာမှာတော့ဆိုင်ကယ်သမားက သေနတ်နဲ့ပစ်လို့သေ ဆုံးသွား ခဲ့တာပါ။
ဒီအမှုမှာ ခွန်ကောလား ဆိုသူအမျိုးသားကို ဖမ်းဆီးစစ်ဆေး ကြားနာပြီးတဲ့နောက် သေနတ်နဲ့ပစ်သတ်တဲ့လူ သတ်မှု အတွက်သေဒဏ် နဲ့ နာကျင်အောင်ပြုလုပ်မှုအတွက် ထောင်ဒဏ် ၁၀ နှစ် ချ မှတ်လိုက်ပြီး ပြစ်ဒဏ်တွေကို သီးခြားစီကျခံ ဖို့ တရားရုံးက ဒီကနေ့မှာ အမိန့်ချ လိုက်တာဖြစ်ပါတယ်။
ခွန်ကောလား ကတော့ သူဟာ ပိုက်ဆံအိတ်ကို လုယူတာမဟုတ်ဘဲ ဆိုင်ကယ်ချင်း ချိတ်မိရာကနေ ဒေါသဖြစ် လို့ သေနတ်နဲ့ ပစ်လိုက်ရတာ လို့ တရားရုံးမှာ ထုချေပါတယ်။
ဒါပေမယ့် ဒီဖြစ်ရပ်ဟာ နေ့ခင်းအချိန် အများပြည်သူ သွားလာတဲ့ လမ်းပေါ်မှာ လူအများထိတ်လန့်စေတဲ့အပြင် တရားဥပဒေစိုးမိုးမှု ပျက်ပြားအောင် လုပ်တဲ့အတွက် အလားတူဖြစ်စဉ်တွေ ထပ်မဖြစ်ဖို့ ဒီလို အမိန့်ချ လိုက် ရတာလို့ တရားသူကြီးက တရားခွင်မှာပြောပါတယ်။ တရားရုံးက ချလိုက်တဲ့အမိန့်ကိုတော့ အယူခံတက်သွားမယ်လို့ ခွန်ကောလား ရဲ့ ရှေ့နေက ဆိုပါတယ်
No comments:
Post a Comment