အလှမယ်တဦး နာမည်တပ်ပြီး ပြောဆိုခဲ့ခြင်းအပေါ် မို့မို့မြင့်အောင်ဘက်က တုန့်ပြန်မှု

အကယ်ဒမီများရှင်မို့မို့မြင့်အောင်ကို ကာမလိမ်လည်မှုနဲ့ အမှုဖြစ်နေတဲ့ အလှမယ်တဦးက မကြာသေးခင်က အင်တာဗျူးတွေမှာ နာမည်တပ်ကာ ပြောဆိုခဲ့ခြင်းအပေါ် မို့မို့မြင့်အောင်က ဘဘဦးသုခရဲ့ဆုံးမစကားဖြင့် မဖြစ်သင့်ဘူးလို့ ပြောပါတယ်။ “မမို့အနေနဲ့ ပြောစရာမရှိပါဘူး။ ဘဘဦးသုခ ဆုံးမထားတာရှိတယ်လေ။ ဘုန်းမြင့်မြတ်သောသူ ဂုဏ်မြင့်မြတ်သောသူ အမျိုးမြင့်မြတ်သောသူတို့သည် မာန်ယူဖက်ပြိုင်ခြင်းဟာမထိုက်တဲ့အတွက် မဖြစ်ပါဘူး” လို့ မို့မို့မြင့်အောင် ကပြောပါတယ်။



မို့မို့မြင့်အောင်နှင့် ချိုပြုံးတို့က မီဒီယာများရဲ့အင်တာဗျူးများတခုမှာ အဆိုပါအလှမယ်ကို ပုတ်ခတ်ပြောဆိုခဲ့ခြင်း အပေါ် မကျေနပ်တာကြောင့် တရားရုံးအပြန်အင်တာဗျူးတခုမှာ နာမည်ပါထည့်သွင်းပြောဆိုခဲ့ခြင်း ဖြစ်ပါတယ်။ မို့မို့မြင့်အောင်က မကြာခင်မှာ အနုပညာလောကထဲကို ပြန်လည်ဝင်ရောက်လာတော့မယ့် မိုးအောင်ရင်နဲ့ ပတ်သက်ပြီးတော့လည်း အခုလိုပြောခဲ့ပါတယ်။

“သူအောင်မြင်ပါစေပဲ ဆုတောင်းရမယ်။ ရုပ်ရှင်တွေဗီဒီယိုတွေခေတ်ကပျက်တဲ့အခါကျတော့ အဲ့ကြားထဲကနေ ထိုးဖောက်ပါစေလို့ဆုတောင်းပါတယ်။ သားသားကအရွယ်လည်းရှိတယ်။ သူ့မျက်နှာလေးကလည်း ချောနေတဲ့ အခါကျတောာ့ လုပ်သင့်တာပေါ့။ သူလည်းအနုပညာအလုပ်လုပ်ဖို့မွေးလာတဲ့ လူသားတယောက်ဖြစ်နေတာကို” လို့ မို့မို့မြင့်အောင်ကပြောပါတယ်။

မိုးအောင်ရင်ကတော့ အကျဉ်းထောင်ထဲရှိနေစဉ်အတွင်း အင်္ဂလိပ်စာပြန်လည်သင်ကြားပေးခဲ့တယ်လို့သိရပြီး လိမ်လိမ်မာမာနေခဲ့အတွက် အမှတ်များရခဲ့တာကြောင့် အခုလိုလွတ်မြောက်ခဲ့တာဖြစ်မယ်လို့ ပြောပါတယ်။

“မမို့ပြန်ကြားတာတော့ သူအထဲမှာ အင်္ဂလိပ်ပြန်သင်ပေးတယ်တဲ့။ သူကအင်္ဂလိပ်စာသိပ်တော်တာကို။ ကျောင်းကလည်း ILBC ကဆိုတော့။ သားသားကုသိုလ်လည်းရတာပေါ့။ လိမ်လိမ်မာမာနဲ့နေခဲ့တဲ့အတွက် အမှတ်တွေအများကြီးရသွားတာဖြစ်မှာပေါ့”လို့ မို့မို့မြင့်အောင်ကပြောပါတယ်။

မို့မို့မြင့်အောင်ကတော့ MRTV 4 မှာထုတ်လွှတ်ပြသလျက်ရှိတဲ့ Myanmar Got Talent အစီအစဉ်မှာ ဒိုင်လူကြီးတဦးအဖြစ် ပါဝင်လျက်ရှိပါတယ်။